ಡಾ. ವಿಷ್ಣುವರ್ಧನ್ ಜೊತೆಗಿನ ಬಾಲ್ಯದ ಫೋಟೋ ಹಂಚಿಕೊಂಡ ಪುನೀತ್ ರಾಜ್​ಕುಮಾರ್​​

ಡಾ. ವಿಷ್ಣುವರ್ಧನ್ ಜೊತೆಗಿನ ಬಾಲ್ಯದ ಫೋಟೋವೊಂದನ್ನು ತಮ್ಮ ಇನ್ಸ್​​ಟಾಗ್ರಾಮ್​​ನಲ್ಲಿ ಹಂಚಿಕೊಳ್ಳುವ ಮೂಲಕ ಪುನೀತ್ ರಾಜ್​ಕುಮಾರ್ ವಿಷ್ಣು 70ನೇ ವರ್ಷದ ಹುಟ್ಟುಹಬ್ಬಕ್ಕೆ ಶುಭ ಕೋರಿದ್ದಾರೆ.

ಇಂದು ಡಾ. ವಿಷ್ಣುವರ್ಧನ್ 70ನೇ ವರ್ಷದ ಹುಟ್ಟುಹಬ್ಬ. ವಿಷ್ಣು ಹುಟ್ಟುಹಬ್ಬಕ್ಕೆ ಸುದೀಪ್, ಧನಂಜಯ್ ನಿರ್ದೇಶಕರಾದ ರವಿ ಶ್ರೀವತ್ಸ, ಪವನ್ ಒಡೆಯರ್, ಸಂತೋಷ್ ಆನಂದ್ ರಾಮ್ ಹಾಗೂ ಇನ್ನಿತರರು ಶುಭ ಕೋರಿದ್ದಾರೆ. ಪವರ್ ಸ್ಟಾರ್ ಪುನೀತ್ ರಾಜ್​ಕುಮಾರ್ ಕೂಡಾ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ವಿಷ್ಣು ಬರ್ತ್​ಡೇಗೆ ಶುಭ ಕೋರಿದ್ದಾರೆ.

ಪುನೀತ್ ರಾಜ್​ಕುಮಾರ್ ಬಾಲ್ಯದಲ್ಲಿರುವಾಗ ಡಾ. ವಿಷ್ಣುವರ್ಧನ್ ಜೊತೆಗಿನ ಫೋಟೋವನ್ನು ಟ್ವಿಟ್ಟರ್​​​​ನಲ್ಲಿ ಷೇರ್ ಮಾಡುವ ಮೂಲಕ ಹೃದಯವಂತನಿಗೆ ಬರ್ತಡೇ ಶುಭ ಕೋರಿದ್ದಾರೆ. "ವಿಷ್ಣುವರ್ಧನ್ ಸರ್ ಅವರ 70ನೇ ಹುಟ್ಟುಹಬ್ಬದ ಸವಿನೆನಪು" ಎಂದು ಕ್ಯಾಪ್ಷನ್ ನೀಡಿದ್ದಾರೆ. ಈ ಫೋಟೋದಲ್ಲಿ ಪುನೀತ್​ ಅವರ ಭುಜದ ಮೇಲೆ ವಿಷ್ಣು ಕೈ ಹಾಕಿ ನಿಂತಿದ್ದಾರೆ. ಈ ಸುಂದರ, ಅಪರೂಪದ ಪೋಟೋವನ್ನು ಹಂಚಿಕೊಂಡು ಪುನೀತ್, ಅಭಿನಯ ಭಾರ್ಗವನ ಬರ್ತ್​ಡೇಗೆ ಶುಭ ಕೋರಿರುವುದು ಅಭಿಮಾನಿಗಳಿಗೆ ಖುಷಿ ತಂದಿದೆ.