ಇಂದು ಡಾ. ವಿಷ್ಣುವರ್ಧನ್ 70ನೇ ವರ್ಷದ ಹುಟ್ಟುಹಬ್ಬ. ವಿಷ್ಣು ಹುಟ್ಟುಹಬ್ಬಕ್ಕೆ ಸುದೀಪ್, ಧನಂಜಯ್ ನಿರ್ದೇಶಕರಾದ ರವಿ ಶ್ರೀವತ್ಸ, ಪವನ್ ಒಡೆಯರ್, ಸಂತೋಷ್ ಆನಂದ್ ರಾಮ್ ಹಾಗೂ ಇನ್ನಿತರರು ಶುಭ ಕೋರಿದ್ದಾರೆ. ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ ಕೂಡಾ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ವಿಷ್ಣು ಬರ್ತ್ಡೇಗೆ ಶುಭ ಕೋರಿದ್ದಾರೆ.
ಪುನೀತ್ ರಾಜ್ಕುಮಾರ್ ಬಾಲ್ಯದಲ್ಲಿರುವಾಗ ಡಾ. ವಿಷ್ಣುವರ್ಧನ್ ಜೊತೆಗಿನ ಫೋಟೋವನ್ನು ಟ್ವಿಟ್ಟರ್ನಲ್ಲಿ ಷೇರ್ ಮಾಡುವ ಮೂಲಕ ಹೃದಯವಂತನಿಗೆ ಬರ್ತಡೇ ಶುಭ ಕೋರಿದ್ದಾರೆ. "ವಿಷ್ಣುವರ್ಧನ್ ಸರ್ ಅವರ 70ನೇ ಹುಟ್ಟುಹಬ್ಬದ ಸವಿನೆನಪು" ಎಂದು ಕ್ಯಾಪ್ಷನ್ ನೀಡಿದ್ದಾರೆ. ಈ ಫೋಟೋದಲ್ಲಿ ಪುನೀತ್ ಅವರ ಭುಜದ ಮೇಲೆ ವಿಷ್ಣು ಕೈ ಹಾಕಿ ನಿಂತಿದ್ದಾರೆ. ಈ ಸುಂದರ, ಅಪರೂಪದ ಪೋಟೋವನ್ನು ಹಂಚಿಕೊಂಡು ಪುನೀತ್, ಅಭಿನಯ ಭಾರ್ಗವನ ಬರ್ತ್ಡೇಗೆ ಶುಭ ಕೋರಿರುವುದು ಅಭಿಮಾನಿಗಳಿಗೆ ಖುಷಿ ತಂದಿದೆ.