ಬದಲಾಯ್ತು ಅಪ್ಪು ವಾಯ್ಸ್​... ಮತ್ತೆ ಮತ್ತೆ ಕೇಳುವಂತಿದೆ ಪುನೀತ್​ 'ಕವಲುದಾರಿ' ಹಾಡು

ತಮ್ಮದೇ ಬ್ಯಾನರ್​​​ನ 'ಕವಲುದಾರಿ' ಸಿನಿಮಾಗಾಗಿ ಪುನೀತ್ ರಾಜ್​​ಕುಮಾರ್ ಹಾಡಿರುವ ಹಾಡನ್ನು ಅಭಿಮಾನಿಗಳು ಕೇಳಿ ಮೆಚ್ಚಿಕೊಂಡಿದ್ದಾರೆ. ಸಿನಿಮಾದ ಈ ಶೀರ್ಷಿಕೆ ಗೀತೆಯನ್ನು ಕಿರಣ್ ಕಾವೇರಪ್ಪ ರಚಿಸಿದ್ದು ಚರಣ್ ರಾಜ್​ ಸಂಗೀತ ನೀಡಿದ್ಧಾರೆ. ಸಿನಿಮಾ ಇದೇ ತಿಂಗಳ 12 ರಂದು ಬಿಡುಗಡೆಯಾಗುತ್ತಿದೆ.ಟ

ಪಿಆರ್​ಕೆ ಪ್ರೊಡಕ್ಷನ್ ಬ್ಯಾನರ್ ಅಡಿ ಅಶ್ವಿನಿ ಪುನೀತ್ ರಾಜ್​​ಕುಮಾರ್ ನಿರ್ಮಿಸಿರುವ 'ಕವಲು ದಾರಿ' ಸಿನಿಮಾ ಏಪ್ರಿಲ್ 12 ರಂದು ಬಿಡುಗಡೆಯಾಗುತ್ತಿದೆ. ಇದೊಂದು ಸಸ್ಪೆನ್ಸ್​, ಥ್ರಿಲ್ಲರ್ ಚಿತ್ರವಾಗಿದ್ದು ಸಿನಿಮಾ ನೋಡಲು ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.

ಇನ್ನು ಈ ಸಿನಿಮಾದಲ್ಲಿ ಕೂಡಾ ಪುನೀತ್ ರಾಜ್​ಕುಮಾರ್ ಹಾಡೊಂದನ್ನು ಹಾಡಿದ್ದು ಇದು ಪುನೀತ್ ಹಾಡಿರುವ ಇತರ ಸಿನಿಮಾ ಹಾಡುಗಳಿಗಿಂತ ಬಹಳ ಚೆನ್ನಾಗಿದೆ ಎಂದು ಸಾಕಷ್ಟು ಅಭಿಮಾನಿಗಳು ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. 'ಜೀವವೇ ಕವಲುದಾರಿ ಮುಂದಿದೆ' ಎಂಬ ಸಾಲಿನಿಂದ ಆರಂಭವಾಗುವ ಈ ಹಾಡಿನ ಸಾಹಿತ್ಯವನ್ನು ಕಿರಣ್ ಕಾವೇರಪ್ಪ ರಚಿಸಿದ್ದಾರೆ. ಚಿತ್ರದ ಹಾಡುಗಳಿಗೆ ಚರಣ್ ರಾಜ್ ಸಂಗೀತ ನೀಡಿದ್ದಾರೆ.

ಈ ಸಿನಿಮಾವನ್ನು ಹೇಮಂತ್ ಎಂ. ರಾವ್ ಚಿತ್ರಕಥೆ ಬರೆದು ನಿರ್ದೇಶಿಸಿದ್ದಾರೆ. ಹಿರಿಯ ನಟ ಅನಂತ್​​​ನಾಗ್ ಹಾಗೂ 'ಆಪರೇಷನ್ ಅಲಮೇಲಮ್ಮ' ಖ್ಯಾತಿಯ ರಿಶಿ ಈ ಸಿನಿಮಾದಲ್ಲಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.