ಅಣ್ಣಾವ್ರ ಮಕ್ಕಳು ಇವರು, ಅವರಂತೆ ಬಾಳುವರು.. ಗೋಕಾಕ್​​ ಚಳವಳಿಯಲ್ಲಿ ಪುನೀತ್​ ಹೀಗಿದ್ರು..

ರಾಜ್​ ಕುಮಾರ್ ಗೋಕಾಕ್​​​​ ಚಳವಳಿಯಲ್ಲಿ ಭಾಗಿಯಾಗಿದ್ದ ವೇಳೆ ಅವರ ಮಕ್ಕಳು ಕೂಡ ಚಳವಳಿಯಲ್ಲಿ ಭಾಗಿಯಾಗಿದ್ರು. ಆ ಅಪರೂಪದ ಫೋಟೋವೊಂದನ್ನು ಪುತ್ರ ಪುನೀತ್​ ರಾಜ್​ ಕುಮಾರ್ ಸಾಮಾಜಿಕ ಜಾಲ ತಾಣದಲ್ಲಿ ​ ಹಂಚಿಕೊಂಡಿದ್ದಾರೆ..

ಕರ್ನಾಟಕಕ್ಕಾಗಿ, ಕನ್ನಡ ಭಾಷೆಗಾಗಿ ನಡೆದ ಚಳವಳಿಗಳ ಪೈಕಿ 1980ರ ಸಮಯದಲ್ಲಿ ನಡೆದ ಗೋಕಾಕ್​ ಚಳವಳಿ ಬಹಳ ವಿಶೇಷ. ಕರ್ನಾಟಕದಲ್ಲಿ ಕನ್ನಡ ಭಾಷೆಯನ್ನ ಕಡ್ಡಾಯ ಮಾಡಬೇಕೆಂದು ಸಾಹಿತಿಗಳು, ಕನ್ನಡ ಅಭಿಮಾನಿಗಳು ಬೀದಿಗಿಳಿದು ಪ್ರತಿಭಟನೆ ಮಾಡಿದ್ದರು. ಈ ಚಳವಳಿಗೆ ಅಣ್ಣಾವ್ರು ಎಂಟ್ರಿಕೊಟ್ಟ ಮೇಲೆ ಆ ಚಳವಳಿಯ ಶಕ್ತಿಯೇ ಬೇರೆಯಾಯಿತು.

ಇನ್ನು, ಈ ಸಂದರ್ಭದಲ್ಲಿ ಅಣ್ಣಾವ್ರ ಮಕ್ಕಳು ಹೇಗಿದ್ರು ಎಂಬ ಕುತೂಹಲ ರಾಜ್​ ಕುಮಾರ್​ ಫ್ಯಾಮಿಲಿಯ ಅಭಿಮಾನಿಗಳಿಗೆ ಇದ್ದೇ ಇರುತ್ತದೆ. 1980ರ ಸುಮಾರಿಗೆ ಶಿವರಾಜ್​​ಕುಮಾರ್​​, ರಾಘವೇಂದ್ರ ರಾಜ್​ ಕುಮಾರ್​​ ಹಾಗೂ ಪುನೀತ್​​ ರಾಜ್​ ಕುಮಾರ್​ ಯಾರೂ ಇನ್ನೂ ನಾಯಕ ನಟರಾಗಿ ಕಾಣಿಸಿರಲಿಲ್ಲ.

ರಾಜ್​ ಕುಮಾರ್​​ ಚಳವಳಿಯಲ್ಲಿ ಭಾಗಿಯಾಗಿದ್ದ ವೇಳೆ ಅವರ ಮಕ್ಕಳು ಕೂಡ ಚಳವಳಿಯಲ್ಲಿ ಭಾಗಿಯಾಗಿದ್ರು. ಆ ಅಪರೂಪದ ಫೋಟೋವನ್ನು ಪುತ್ರ ಪುನೀತ್​ ರಾಜ್​ ಕುಮಾರ್​​ ಹಂಚಿಕೊಂಡಿದ್ದಾರೆ.

ಗೋಕಾಕ್​​ ಚಳವಳಿಯಲ್ಲಿ ಪುನೀತ್​ ಹೀಗಿದ್ರು ನೋಡಿ!

ಟ್ವಿಟರ್​ನಲ್ಲಿ ಈ ಫೋಟೋವನ್ನು ಶೇರ್​ ಮಾಡಿರುವ ಅಪ್ಪು, ಗೋಕಾಕ್​ ಚಳವಳಿಯ ಫೋಟೋ ಇದು. ಅಪ್ಪಾಜಿ ಜೊತೆ ನಾನು, ಶಿವಣ್ಣ ಮತ್ತು ರಾಘಣ್ಣ ಎಂದು ಬರೆದಿದ್ದಾರೆ.