'ಲೈಫ್ ಈಸ್ ಬ್ಯೂಟಿಫುಲ್' ಸ್ಯಾಂಡಲ್ವುಡ್ನಲ್ಲಿ ತಯಾರಾಗುತ್ತಿರುವ ಬ್ಯೂಟಿಫುಲ್ ಸಿನಿಮಾ. 'ದಿಯಾ' ಚಿತ್ರದಲ್ಲಿ ಎಲ್ಲರ ಗಮನ ಸೆಳೆದ ಪೃಥ್ವಿ ಅಂಬರ್ ಈ ಚಿತ್ರದಲ್ಲಿ ನಾಯಕನಾಗಿ ನಟಿಸುತ್ತಿದ್ದಾರೆ. ಇದೀಗ ಈ ಚಿತ್ರಕ್ಕೆ ಪ್ರಿಯಾಂಕ ಉಪೇಂದ್ರ ಎಂಟ್ರಿ ಆಗಿದೆ.
ಲೋಹಿತ್ ಬ್ಯಾನರ್ ಚಿತ್ರದಲ್ಲಿ ಪೃಥ್ವಿಗೆ ಜೊತೆಯಾಗಲಿದ್ದಾರಾ ಪ್ರಿಯಾಂಕ ಉಪೇಂದ್ರ..?
ಪೃಥ್ವಿ ಅಂಬರ್ ನಾಯಕನಾಗಿ ನಟಿಸುತ್ತಿರುವ 'ಲೈಫ್ ಈಸ್ ಬ್ಯೂಟಿಫುಲ್' ಚಿತ್ರ ಬೆಂಗಳೂರು ಹೊರವಲಯದಲ್ಲಿ ಜರುಗುತ್ತಿದ್ದು ಪ್ರಿಯಾಂಕ ಉಪೇಂದ್ರ ಚಿತ್ರತಂಡ ಸೇರಿಕೊಂಡಿದ್ದಾರೆ. ಆದರೆ ಪ್ರಿಯಾಂಕ ಈ ಚಿತ್ರದಲ್ಲಿ ಪೃಥ್ವಿ ಅಂಬರ್ ಜೊತೆಯಾಗಿ ನಟಿಸುತ್ತಿದ್ದಾರಾ...ಇಲ್ಲವಾ ಎಂಬುದರ ಬಗ್ಗೆ ಸ್ಪಷ್ಟನೆ ದೊರೆತಿಲ್ಲ.
ಪ್ರಿಯಾಂಕ ಉಪೇಂದ್ರ
'ಮಮ್ಮಿ ಸೇವ್ ಮಿ' ಹಾಗೂ 'ದೇವಕಿ' ಚಿತ್ರಗಳನ್ನು ನಿರ್ದೇಶಿಸಿ ಸ್ಯಾಂಡಲ್ವುಡ್ ಭರವಸೆಯ ನಿರ್ದೇಶಕ ಎಂದು ಹೆಸರಾಗಿರುವ ಲೋಹಿತ್ ಮನು ಇದೀಗ ಮೊದಲ ಬಾರಿಗೆ ತಮ್ಮ ಪ್ರೊಡಕ್ಷನ್ನಲ್ಲಿ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಚಿತ್ರದಲ್ಲಿ ಪ್ರಿಯಾಂಕ ಉಪೇಂದ್ರ ಕೆರೋಲಿನ್ ಎಂಬ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಸದ್ಯಕ್ಕೆ ಪ್ರಿಯಾಂಕ ಅವರ ಸಣ್ಣ ಪೋಸ್ಟರ್ ರಿವೀಲ್ ಆಗಿದ್ದು ಚಿತ್ರದಲ್ಲಿ ಅವರು ಪೃಥ್ವಿ ಅಂಬರ್ಗೆ ಜೊತೆಯಾಗಿ ನಟಿಸಲಿದ್ದಾರಾ ಎಂಬ ಕುತೂಹಲ ಎಲ್ಲರನ್ನೂ ಕಾಡುತ್ತಿದೆ.
ಇದಕ್ಕೂ ಮುನ್ನ ಲೋಹಿತ್ ಮನು ನಿರ್ದೇಶನದಲ್ಲಿ ಅಭಿನಯಿಸಿದ್ದ ಪ್ರಿಯಾಂಕ ಉಪೇಂದ್ರ ಈಗ ಲೋಹಿತ್ ಬ್ಯಾನರ್ನಲ್ಲಿ ನಿರ್ಮಾಣ ಆಗುತ್ತಿರುವ ಚಿತ್ರದಲ್ಲಿ ಅಭಿನಯಿಸುತ್ತಿದ್ದು ಪ್ರಿಯಾಂಕಾಗೆ ಲೋಹಿತ್ ಥ್ಯಾಂಕ್ಸ್ ಹೇಳಿದ್ದಾರೆ. ಸದ್ಯದಲ್ಲೇ ಪ್ರಿಯಾಂಕ ಉಪೇಂದ್ರ ಅವರ ಕೆರೋಲಿನ್ ಫಸ್ಟ್ ಲುಕ್ ಬಿಡುಗಡೆ ಮಾಡಲು ಚಿತ್ರತಂಡ ಪ್ಲ್ಯಾನ್ ಮಾಡಿದೆ. ಅರುಣ್ ಕುಮಾರ್ ಹಾಗೂ ಸಬೂ ಅಲೋಶಿಯಸ್ ಈ ಚಿತ್ರಕ್ಕೆ ಆ್ಯಕ್ಷನ್‌ ಕಟ್ ಹೇಳುತ್ತಿದ್ದಾರೆ. ಕಿಶೋರ್ ನರಸಿಂಹ ಮತ್ತು ಬಿ.ಜಿ. ಅರುಣ್ ಕುಮಾರ್ ಈ ಚಿತ್ರಕ್ಕೆ ಬಂಡವಾಳ ಹೂಡುತ್ತಿದ್ದಾರೆ. ಬೆಂಗಳೂರಿನ ರಾಮೋಹಳ್ಳಿಯ ಫಾರ್ಮ್ಹೌಸ್ನಲ್ಲಿ 'ಲೈಫ್ ಈಸ್ ಬ್ಯೂಟಿಫುಲ್' ಚಿತ್ರದ ಶೂಟಿಂಗ್ ನಡೆಯುತ್ತಿದೆ.