ಕ್ರೇಜಿಸ್ಟಾರ್ ರವಿಚಂದ್ರನ್ ಪುತ್ರ ಮನುರಂಜನ್ ನಟನೆಯ ‘ಮುಗಿಲ್ಪೇಟೆ’ ಚಿತ್ರ ಟೀಸರ್ ಹಾಡುಗಳಿಂದ ಸದ್ದು ಮಾಡ್ತಿದೆ. ಕಳೆದ ದಸರಾದಂದು ಹಾಡೊಂದನ್ನ ಬಿಡುಗಡೆ ಮಾಡಿದ್ದ ಚಿತ್ರತಂಡ ಅಭಿಮಾನಿಗಳಿಗೆ ಸರ್ಪ್ರೈಸ್ ನೀಡಿತ್ತು.
ಇದೀಗ ಚಿತ್ರದಲ್ಲಿ ರವಿಚಂದ್ರನ್ ನಟನೆಯ ಪ್ರೇಮಲೋಕ ಚಿತ್ರದ ಸೀನ್ವೊಂದು ರಿ ಕ್ರಿಯೇಟ್ ಮಾಡಲಾಗಿದೆ ಎಂಬ ಸುಳಿವು ಸಿಕ್ಕಿದೆ. ಪ್ರೇಮಲೋಕ ಚಿತ್ರದ ಐಕಾನಿಕ್ ದೃಶ್ಯವನ್ನ ಮುಗಿಲ್ಪೇಟೆಯಲ್ಲಿ ಮರುಸೃಷ್ಟಿಸಿದ್ದಾರೆ.
ಈ ಬಗ್ಗೆ ಟ್ವೀಟ್ನಲ್ಲಿ ವಿಡಿಯೋವನ್ನ ಹಂಚಿಕೊಂಡಿರುವ ರವಿಚಂದ್ರನ್ ಪುತ್ರ ಮನು, ಮುಗಿಲ್ಪೇಟೆಗೆ 'ಪ್ರೇಮಲೋಕ'ದ ಐಕಾನಿಕ್ ದೃಶ್ಯವನ್ನು ಮರುಸೃಷ್ಟಿಸಿದ್ದೇವೆ. ದಶಕದ ಹಿಂದೆ ಅಪ್ಪ ಮಾಡಿದ್ದ ದೃಶ್ಯವನ್ನ ಮಾಡಲು ಪ್ರಯತ್ನಿಸಿದ್ದೇನೆ. ನಿಮ್ಮ ಪ್ರತಿಕ್ರಿಯೆಗಾಗಿ ಕಾದಿದ್ದೇನೆ ಎಂದಿದ್ದಾರೆ.
ಚಿತ್ರದಲ್ಲಿ ಮನು ಅವರಿಗೆ ನಾಯಕಿಯಾಗಿ ಕಯಾದು ಲೋಹರ್ ನಟಿಸಿದ್ದಾರೆ. ರಿಷಿ, ಅವಿನಾಶ್, ತಾರಾ ಅನುರಾಧಾ, ಸಾಧುಕೋಕಿಲ, ರಂಗಾಯಣ ರಘು ಸೇರಿದಂತೆ ಕಲಾವಿದರ ದಂಡೇ ಚಿತ್ರದಲ್ಲಿದೆ. ದೀಪಾವಳಿಯಲ್ಲಿ ಚಿತ್ರ ತೆರೆ ಮೇಲೆ ಬರಲು ಸಿದ್ಧತೆ ನಡೆಸಿದೆ.
ಇದನ್ನೂ ಓದಿ:45 ವಯಸ್ಸಿಗೆ ಕಾಲಿಟ್ಟ ಶೆರಾವತ್.. ಇದು ರೀಮಾ ಲಾಂಬಾ, ಮಲ್ಲಿಕಾ ಆದ ಇಂಟ್ರೆಸ್ಟಿಂಗ್ ಕಹಾನಿ
