ಪ್ರೇಮ್​ 'ಅಮ್ಮನ ತೋಟ'ಕ್ಕೆ ಎಂಟ್ರಿ ಕೊಟ್ಟ ಇಬ್ಬರು ಅತಿಥಿಗಳು

ಅಲ್ಲಿ ಒಂದು ಎಮ್ಮೆಯನ್ನ ನೋಡ್ದೆ, ತುಂಬಾ ಇಷ್ಟವಾಯ್ತು, ಡಿಸೈಡ್ ಮಾಡ್ದೆ, 2000km ಜೊತೇಲಿ ಕರ್ಕೊಂಡ್ ಬಂದೆ, ತಾಯಿಗೆ "ಮಂಡೋದರಿ" ಮಗಳಿಗೆ "ಭೈರವಿ" ಅಂತ ಹೆಸರಿಟ್ಟೆ. ಅಲ್ಲಿಗೆ ಅಮ್ಮನ ತೋಟಕ್ಕೆ ಹೊಸ ಅತಿಥಿ..

ನಿರ್ದೇಶಕ ಪ್ರೇಮ್​​ ಸದ್ಯ ಏಕ್​ ಲವ್​ ಯಾ ಸಿನಿಮಾ ಶೂಟಿಂಗ್​ನಲ್ಲಿ ಬ್ಯುಸಿ ಇದ್ದಾರೆ. ಈಗಾಗಲೇ ಸಿನಿಮಾದ ಬಹುಪಾಲು ಚಿತ್ರೀಕರಣ ಮುಗಿದಿದ್ದು, ಹಾಡುಗಳ ಶೂಟಿಂಗ್​ ಬಾಕಿ ಇದೆ. ಇದೀಗ ಪ್ರೇಮ್​​ ಚಿತ್ರೀಕರಣಕ್ಕಾಗಿ ಲೋಕೇಶನ್​​ ಹುಡುಕಾಟದಲ್ಲಿದ್ದಾರೆ.

ಗುಜರಾತ್​​ಗೆ ಲೋಕೇಶನ್​​ ಹುಡುಕಲು ಹೋದ ಜೋಗಿ ಪ್ರೇಮ್​​ ತಮ್ಮ, ಅಮ್ಮನ ತೋಟಕ್ಕೆ ಇಬ್ಬರು ಅತಿಥಿಗಳನ್ನು ಕರೆತಂದಿದ್ದಾರೆ. ಈ ಬಗ್ಗೆ ಸೋಷಿಯಲ್​ ಮೀಡಿಯಾದಲ್ಲಿ ಹೇಳಿರುವ ಪ್ರೇಮ್​​​, ಏಕ್​​​ ಲವ್​ ಯಾ ಶೂಟಿಂಗ್‌ ಲೋಕೇಷನ್ ನೋಡೋಕೆ ಗುಜರಾತ್​​ನ ಕಚ್​​ಗೆ ಹೋಗಿದ್ದೆ.

ಅಲ್ಲಿ ಒಂದು ಎಮ್ಮೆಯನ್ನ ನೋಡ್ದೆ, ತುಂಬಾ ಇಷ್ಟವಾಯ್ತು, ಡಿಸೈಡ್ ಮಾಡ್ದೆ, 2000km ಜೊತೇಲಿ ಕರ್ಕೊಂಡ್ ಬಂದೆ, ತಾಯಿಗೆ "ಮಂಡೋದರಿ" ಮಗಳಿಗೆ "ಭೈರವಿ" ಅಂತ ಹೆಸರಿಟ್ಟೆ. ಅಲ್ಲಿಗೆ ಅಮ್ಮನ ತೋಟಕ್ಕೆ ಹೊಸ ಅತಿಥಿ ಎಂಟ್ರಿ ಆದ್ರು ಎಂದು ಬರೆದಿದ್ದಾರೆ. ಪ್ರೇಮ್​​ ನಿರ್ದೇಶನದ ಏಕ್​​ ಲವ್​​ ಯಾ ಸಿನಿಮಾಲ್ಲಿ ರಕ್ಷಿತಾ ಸಹೋದರ ರಾಣಾ ನಾಯಕನಾಗಿ ನಟಿಸುತ್ತಿದ್ರೆ, ರಿಶಾ ನಾಯಕಿಯಾಗಿ ಬಣ್ಣ ಹಚ್ಚಿದ್ದಾರೆ.