ರಾಜಾಹುಲಿ ಸಿನಿಮಾ ಖ್ಯಾತಿಯ ಗುರುದೇಶಪಾಂಡೆ ನಿರ್ದೇಶನ, ನಿರ್ಮಾಪಕ ಕೆ.ಮಂಜು ಪುತ್ರ ಶ್ರೇಯಸ್ ನಾಯಕನಾಗಿ ನಟಿಸುತ್ತಿರುವ ಮೊದಲ ಸಿನಿಮಾವೇ ಪಡ್ಡೆಹುಲಿ.
ಟೈಟಲ್ ಹಾಗೂ ಟ್ರೈಲರ್ನಿಂದಲೇ ಈ ಚಿತ್ರ ಕ್ಯೂರಿಯಾಸಿಟಿ ಮೂಡಿಸಿದೆ. 'ದುರ್ಗದ ಕೋಟೆಯಲ್ಲಿ ನಾ ತುಂಬಾ ಹೊಸಬ ಬಾಸು' ಅಂತಾ ರಾಮಾಚಾರಿ ಅವತಾರವೆತ್ತಿದ್ದ ಶ್ರೇಯಸ್, ಬಳಿಕ ಲವರ್ ಬಾಯ್ ಆಗಿ ಕೂಡ ಒಂದು ಸಾಂಗ್ನಲ್ಲಿ ಮಿಂಚಿದ್ರು.
ಚಿತ್ರತಂಡ ಇದೀಗ 'ಚೂರ್ ಚೂರಾಗಿದೆ' ಅನ್ನೋ ಲವ್ಲಿ ಟಪ್ಪಾಂಗುಚ್ಚಿ ವಿಡಿಯೋ ಸಾಂಗ್ ರಿಲೀಸ್ ಮಾಡಿದೆ. ಹಾಡಿನಲ್ಲಿ ಶ್ರೇಯಸ್ ಹಾಗೂ ನಿಶ್ವಿಕಾ ಜೋಡಿ ತಕಥೈ ಅಂತಾ ಭರ್ಜರಿಯಾಗಿ ಸ್ಟೆಪ್ ಹಾಕಿದೆ.
ಇನ್ನು ದೇಶದೆಲ್ಲೆಡೆ ಚುಟುಕು ಕ್ರಿಕೆಟ್ ಐಪಿಎಲ್ ಹವಾ ಜೋರಾಗಿದ್ದು, ಬೆಂಗಳೂರಿನ ಅಭಿಮಾನಿಗಳು ಆರ್ಸಿಬಿ ಪರವಾಗಿ 'ಈ ಸಲ ಕಪ್ ನಮ್ದೇ' ಅಂತಾ ಘೋಷಣೆ ಕೂಗುತ್ತಿದ್ದಾರೆ. ಈ ನಡುವೆ ಚಿತ್ರತಂಡ ಕೂಡ ಆರ್ಸಿಬಿ ಕುರಿತ ಲಿರಿಕ್ಸ್ ಬರೆದಿದ್ದು ಹಾಡಿನಲ್ಲಿ ಶ್ರೇಯಸ್ ಭರ್ಜರಿಯಾಗಿ ಕುಣಿದಿದ್ದಾರೆ. ಹಾಡಿನಲ್ಲಿ ಭರ್ಜರಿ ರೊಮ್ಯಾಂಟಿಕ್ ಮೂಡ್ನಲ್ಲಿ ಸೂಪರ್ ಸ್ಟೆಪ್ ಹಾಕಿದ್ದಾರೆ.
ಟಪ್ಪಾಂಗುಚಿ ಹಾಡಿಗೆ ಪುನೀತ್ ಆರ್ಯ ಲಿರಿಕ್ಸ್ ಬರೆದಿದ್ದು, ಅಜನೀಶ್ ಲೋಕನಾಥ್ ಹಾಗೂ ಸಿ.ಆರ್.ಬಾಬಿ ಕಂಠದಲ್ಲಿ ಅದ್ಭುತವಾಗಿ ಮೂಡಿಬಂದಿದೆ. ಈ ಹಾಡು ಯೂ ಟ್ಯೂಬ್ನಲ್ಲಿ ಸಖತ್ತಾಗಿಯೇ ಸೌಂಡ್ ಮಾಡ್ತಿದೆ.
ಇನ್ನು ಚಿತ್ರದಲ್ಲಿ ಕ್ರೇಜಿಸ್ಟಾರ್ ರವಿಚಂದ್ರನ್, ಸುಧಾರಾಣಿ, ರಕ್ಷಿತ್ ಶೆಟ್ಟಿ ಸೇರಿದಂತೆ ಬಹುತೇಕ ತಾರಾಗಣ ಬಣ್ಣ ಹಚ್ಚಿದ್ದು, ಪಡ್ಡೆಹುಲಿ ಘರ್ಜನೆ ಹೇಗಿರಲಿದೆ ಅನ್ನೋದನ್ನ ಕಾದು ನೋಡಬೇಕಿದೆ.