ನಟ ಸಾರ್ವಭೌಮ ಸಿನಿಮಾ ಖ್ಯಾತಿ ಸ್ಯಾಂಡಲ್ವುಡ್ ನಿರ್ದೇಶಕ ಪವನ್ ಒಡೆಯರ್, ನನಗೆ ಊಟ ಸಿಗುತ್ತಿಲ್ಲ ಎಂದು ಗೋಳಾಡುತ್ತ ಯೂಟ್ಯೂಬ್ನಲ್ಲಿ ವಿಡಿಯೋ ಒಂದನ್ನು ಹರಿಬಿಟ್ಟಿದ್ದಾರೆ.
ಹೌದು, ಪವನ್ ಒಡೆಯರ್ ರೆಮೋ ಸಿನಿಮಾ ಶೂಟಿಂಗ್ಗಾಗಿ ಆಫ್ರಿಕಾಗೆ ತೆರಳಿದ್ರು. ಈ ವೇಳೆ ಆಫ್ರಿಕಾದಲ್ಲಿ ವೆಜ್ ಊಟವೇ ಸಿಕ್ಕಿಲ್ಲವಂತೆ. ನಾನು ಬರೀ ಚಾಕೊಲೇಟ್ ತಿಂದುಕೊಂಡು ಇದ್ದೇನೆ. ನನಗೆ ಈ ಚಾಕೊಲೇಟ್ ಕಂಪನಿಗಳೇ ಹೊಟ್ಟೆ ತುಂಬಿಸುತ್ತಿವೆ. ಇನ್ನು ಸ್ವಲ್ಪ ಹೊತ್ತು ಕಳೆದ್ರೆ ಹುಲ್ಲು ತಿನ್ನುವ ಪರಿಸ್ಥಿತಿ ಬರುತ್ತದೆ ಎಂದು ಹಾಸ್ಯವಾಗಿ ಹೇಳಿದ್ದಾರೆ.
ಇನ್ನು ಈ ವಿಡಿಯೋ ಮಾಡುವಾಗ ಡ್ಯಾನ್ಸ್ ಮಾಸ್ಟರ್ ಇಮ್ರಾನ್, ಸಿನಿಮಾ ನಾಯಕ ಇಶಾನ್, ಛಾಯಾಗ್ರಾಹಣ ನಿರ್ದೇಶಕ ವೈದಿ ಸೇರಿದಂತೆ ಹಲವರು ಕೀಟಲೆ, ತರ್ಲೆ ಮಾಡ್ಕೊಂಡು ಮಾತನಾಡಿದ್ದಾರೆ. ಆಫ್ರಿಕಾದ ಬಿಬಿ ಸಿಟಿ ಬಗ್ಗೆ ಹಾಗೂ ಕೆಲವು ಶೂಟಿಂಗ್ ಸ್ಪಾಟ್ ಬಗ್ಗೆ, ಶೂಟಿಂಗ್ ವೇಳೆ ನಡೆಯುವ ಹಾಸ್ಯ ಸನ್ನಿವೇಶಗಳ ಬಗ್ಗೆ ಹೇಳಿದ್ದಾರೆ.
ಇನ್ನು ರೆಮೋ ಸಿನಿಮಾದಲ್ಲಿ ಇಶಾನ್ ಮತ್ತು ಆಶಿಕಾ ರಂಗನಾಥ್ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಸಿನಿಮಾ ಫುಲ್ ಲವ್ ಅಂಡ್ ರೊಮ್ಯಾಂಟಿಕ್ ಆಗಿ ಇರುತ್ತದೆ ಎಂದು ನಿರ್ದೇಶಕ ಪವನ್ ಒಡೆಯರ್ ಹೇಳಿದ್ದಾರೆ. ಸದ್ಯದಲ್ಲೇ ಸಿನಿಮಾ ಟೀಸರ್, ಟ್ರೇಲರ್ ರಿಲೀಸ್ ಆಗಲಿದೆ ಎಂದು ಮಾಹಿತಿ ಕೊಟ್ಟಿದ್ದಾರೆ.
