ಪ್ರತಿಭಾನ್ವಿತ ನಟಿಯರನ್ನು ಅಭಿಮಾನಿಗಳು ಸೂಕ್ಷ್ಮವಾಗಿ ಗಮನಿಸುತ್ತಿರುತ್ತಾರೆ ಎಂಬುದಕ್ಕೆ ಹಲವಾರು ಉದಾಹರಣೆಗಳಿವೆ. ಇದಕ್ಕೆ ಇತ್ತೀಚಿನ ಉದಾಹರಣೆ ನಿತ್ಯಾ ಮೆನನ್. ಮಲಯಾಳಂ ಕುಟ್ಟಿ ನಿತ್ಯಾ ಮೆನನ್ ಇತ್ತೀಚೆಗೆ ದಪ್ಪ ಆಗಿದ್ದು, ಇದೇ ವಿಷಯಕ್ಕೆ ಟ್ರೋಲ್ ಆಗುತ್ತಿದ್ದಾರೆ. ಈ ವಿಷಯ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಯಾಗುತ್ತಲೇ ಇದೆ.
ಇಲ್ಲಸಲ್ಲದ ಕಮೆಂಟ್ ಮಾಡಿ ಕಲಾವಿದರಿಗೆ ನೋವು ಮಾಡಬೇಡಿ: ನಿತ್ಯಾ ಮೆನನ್ - ಮಂಕಿ ಹೂ ನ್ಯೂ ಟೂ ಮಚ್
ಇತ್ತೀಚೆಗೆ ಬಿಡುಗಡೆಯಾದ 'ಮಿಷನ್ ಮಂಗಳ್' ಚಿತ್ರದಲ್ಲಿ ನಿತ್ಯಾ ಮೆನನ್ ಅವರನ್ನು ನೋಡಿದ ಜನರು ಅವರ ಬಗ್ಗೆ ಟ್ರೋಲ್ ಮಾಡುತ್ತಲೇ ಇದ್ದಾರೆ. ನಿತ್ಯಾ ಮೆನನ್ ತಿಂದು ತಿಂದು ದಪ್ಪ ಆಗಿದ್ಧಾರೆ. ಅದಕ್ಕೆ ಅವರಿಗೆ ಅವಕಾಶಗಳು ಸಿಗುತ್ತಿಲ್ಲ ಎಂದು ನಿತ್ಯಾ ಅವರ ಬಗ್ಗೆ ಕಮೆಂಟ್ ಮಾಡುತ್ತಿದ್ದು, ಈ ಬಗ್ಗೆ ನಿತ್ಯಾ ಬೇಸರ ವ್ಯಕ್ತಪಡಿಸಿದ್ದಾರೆ.
ನಿತ್ಯಾ ಮೆನನ್
'ನಿತ್ಯಾ ಮೆನನ್ ಬಹಳ ಸೋಮಾರಿ. ಅವರು ತುಂಬಾ ತಿಂದು ದಪ್ಪ ಆಗಿದ್ದಾರೆ. ದಪ್ಪ ಇರುವುದರಿಂದಲೇ ಅವಕಾಶಗಳು ಕಡಿಮೆ ಆಗುತ್ತಿವೆ' ಎಂದು ಕೆಲವರು ಕಮೆಂಟ್ ಮಾಡಿದ್ಧಾರೆ. ಆದರೆ ಈ ಕಮೆಂಟ್ಗಳ ಬಗ್ಗೆ ಇದೀಗ ನಿತ್ಯಾ ತುಟಿ ಬಿಚ್ಚಿದ್ಧಾರೆ. ನನ್ನ ಬಗ್ಗೆ ಈ ರೀತಿ ಕಮೆಂಟ್ ಮಾಡಿದ ವ್ಯಕ್ತಿಗಳು ದಡ್ಡರೆಂದು ನಿತ್ಯಾ ಮೆನನ್ ಜರಿದಿದ್ದಾರೆ. ಅನೇಕರಲ್ಲಿ ತೂಕದ ಸಮಸ್ಯೆ ಇರುತ್ತದೆ. ಆದರೆ ನಟಿಯರು ಯಾವ ಕಾರಣಕ್ಕೂ ಸೋಮಾರಿಗಳಾಗಲು ಸಾಧ್ಯವೇ ಇಲ್ಲ. ಸಿನಿಮಾ ಶೂಟಿಂಗ್ನಲ್ಲಿ ಪಾಲ್ಗೊಳ್ಳುವುದು ಸುಲಭದ ಮಾತಲ್ಲ. ಪ್ರತಿದಿನ ಸುಮಾರು 8 ಗಂಟೆಗಳ ಕಾಲ ನಿಂತುಕೊಂಡೇ ಇರುತ್ತೇವೆ. ಹಾರ್ಮೋನ್ ಸಮಸ್ಯೆ ಇದ್ದರೆ ತೂಕ ಕಡಿಮೆ ಮಾಡಿಕೊಳ್ಳುವುದು ಕಷ್ಟ. ಚಿತ್ರ ನೋಡಿದ ಪ್ರೇಕ್ಷಕರು ಹೀಗೆಲ್ಲಾ ಕಮೆಂಟ್ ಮಾಡಿದರೆ ಕಲಾವಿದರಿಗೆ ಮತ್ತಷ್ಟು ನೋವು ಉಂಟಾಗುತ್ತದೆ ಎಂದು ಸಹ ಹೇಳಿಕೊಂಡಿದ್ದಾರೆ ನಿತ್ಯಾ.
ನಿತ್ಯಾ ಮೆನನ್ 10 ವರ್ಷದ ಬಾಲಕಿ ಆಗಿದ್ದಾಗಲೇ 'ಮಂಕಿ ಹೂ ನ್ಯೂ ಟೂ ಮಚ್ ಸಿನಿಮಾದಿಂದ' ಚಿತ್ರರಂಗಕ್ಕೆ ಬಂದವರು. 2006ರಲ್ಲಿ ಬಿಡುಗಡೆಯಾದ 'ಸೆವೆನ್ ಓ ಕ್ಲಾಕ್' ಚಿತ್ರದ ಮೂಲಕ ಕನ್ನಡಕ್ಕೆ ಬಂದರು. ಜೋಶ್, ಮೈನಾ, ಕೋಟಿಗೊಬ್ಬ-2 ಸೇರಿ ಬಹಳಷ್ಟು ಕನ್ನಡ ಸಿನಿಮಾಗಳಲ್ಲಿ ಅವರು ನಟಿಸಿದ್ದಾರೆ. ತಮಿಳು, ತೆಲುಗು, ಮಲಯಾಳಂ ಸಿನಿಮಾಗಳಲ್ಲಿ ಕೂಡಾ ನಿತ್ಯಾ ನಟಿಸಿದ್ದಾರೆ. ಅಲ್ಲದೆ ಇತ್ತೀಚೆಗೆ ಬಿಡುಗಡೆಯಾದ ಅಕ್ಷಯ್ ಕುಮಾರ್ ಪ್ರಮುಖ ಪಾತ್ರದಲ್ಲಿ ನಟಿಸಿರುವ 'ಮಿಷನ್ ಮಂಗಳ್' ಚಿತ್ರದ ಮೂಲಕ ಅವರು ಬಾಲಿವುಡ್ಗೆ ಕಾಲಿರಿಸಿದ್ದಾರೆ.