ಚಿತ್ರಮಂದಿರಕ್ಕೆ ಶೇ 100ರಷ್ಟು ಪ್ರೇಕ್ಷಕರ ಹಾಜರಿಗೆ ಅನುಮತಿ ಕೊಡಿ : ನೀನಾಸಂ ಸತೀಶ್

ಸ್ಯಾಂಡಲ್‌ವುಡ್ ನಟ ನೀನಾಸಂ ಸತೀಶ್, ತಮಿಳುನಾಡು ಸರ್ಕಾರ ಚಿತ್ರಂಮದಿರಗಳಿಗೆ ಶೇ 100ರಷ್ಟು ಚಿತ್ರಪ್ರೇಮಿಗಳು ಬರಲು ಅವಕಾಶ ಕಲ್ಪಿಸಿದೆ. ಹೀಗೆ ನಮ್ಮ ರಾಜ್ಯದಲ್ಲೂ ಅನುಮತಿ ನೀಡಲಿ, ಕನ್ನಡ ಚಿತ್ರರಂಗ ಉಳಿಯಲಿ ಎಂದಿದ್ದಾರೆ.

ಬೆಂಗಳೂರು: ಕೊರೊನಾ‌‌ ಎಂಬ‌ ಮಾಹಾಮಾರಿ‌ ವಕ್ಕರಿಸಿದಾಗಿಂದ ಎಷ್ಟೊ‌ ಉದ್ಯಮಗಳು ನಷ್ಟದಲ್ಲಿವೆ. ಮಾರಾಟ ಮಳಿಗೆಗಳು, ಹೋಟೆಲ್ ಉದ್ಯಮ, ಪ್ರವಾಸೋದ್ಯಮ ಸೇರಿದಂತೆ ಚಿತ್ರರಂಗವೂ ಕೂಡ ಭಾರಿ ನಷ್ಟ ಎದುರಿಸುತ್ತಿದೆ. ಅದ್ರಲ್ಲೂ ತೆರೆ ಹಿಂದೆ‌ ಕೆಲಸ ಮಾಡುವ ಮತ್ತು ಸಣ್ಣ ಪುಟ್ಟ ಪಾತ್ರಗಳನ್ನು ನಿರ್ವಹಿಸುತ್ತಿದ್ದ ಕಲಾವಿದರು ಬೀದಿಗೆ ಬಂದಿದ್ದಾರೆ.

ಇನ್ನು ಚಿತ್ರಗಳ ಚಿತ್ರೀಕರಣ ಕೂಡ ಬಹುತೇಕ ನಿಂತಿದ್ದು, ಎಷ್ಟೊ‌ ಕೆಲಸಗಾರರ ಹೊಟ್ಟೆ ಮೇಲೆ ತಣ್ಣೀರ ಬಟ್ಟೆ ಇಟ್ಟಂತಾಗಿದೆ. ಹೀಗಾಗಿ ಕೋವಿಡ್ ನಿಯಂತ್ರಿಸಲು ಸರ್ಕಾರ ಶೇ 50 ರಷ್ಟು ಜನ ಚಿತ್ರಮಂದಿರಗಳಿಗೆ ಹೋಗಲು‌ ಅನುಮತಿ ನೀಡಲಾಗಿತ್ತು. ಇದೀಗ ತಮಿಳುನಾಡು ಸರ್ಕಾರ‌ ಚಿತ್ರರಂಗ ಒಳಿತಿಗಾಗಿ ಶೇ 100 ಜನ ಚಿತ್ರಮಂದಿರಗಳಿಗೆ ಬಂದು ಚಿತ್ರ ವೀಕ್ಷಿಸಲು ಅನುಮತಿ ನೀಡಿದೆ.

ಇದರ ಬೆನ್ನಲ್ಲೆ ಸ್ಯಾಂಡಲ್‌ವುಡ್ ನಟ ನೀನಾಸಂ ಸತೀಶ್ ಕೂಡ ಕರ್ನಾಟಕ ಸರ್ಕಾರಕ್ಕೆ ಒಂದು ಮನವಿಯನ್ನ ಮಾಡಿದ್ದಾರೆ.. ಅದೇನೆಂದರೆ ತಮಿಳುನಾಡು ಸರ್ಕಾರ ಚಿತ್ರಮಂದಿರಗಳಿಗೆ ಶೇ 100ರಷ್ಟು ಚಿತ್ರಪ್ರೇಮಿಗಳು ಬರಲು ಅವಕಾಶ ಕಲ್ಪಿಸಿದೆ. ಹೀಗೆ ನಮ್ಮ ರಾಜ್ಯದಲ್ಲೂ ಕೂಡ ಅನುಮತಿ ನೀಡಲಿ ಎಂದಿದ್ದಾರೆ.

ಶೇ 50 ಜನರು ಬರುವ ಬದಲು ಶೇ‌ 100ರಷ್ಟು ಚಿತ್ರ ಪ್ರೇಮಿಗಳು ಚಿತ್ರಮಂದಿರಗಳಿಗೆ ಬರುವಂತೆ ಅನುಮತಿಸಿದರೆ ಅದೆಷ್ಟೋ ಕೆಲಸಗಾರರಿಗೆ ಅನುಕೂಲವಾಗುತ್ತದೆ ಮತ್ತು ಕನ್ನಡ ಚಿತ್ರರಂಗ ಉಳಿಯುತ್ತದೆ ಎಂದು ನಟ ನೀನಾಸಂ ಸತೀಶ್​​ ಸರ್ಕಾರಕ್ಕೆ ಮನವಿ ಮಾಡಿದ್ದಾರೆ.