ಬಾಲಿವುಡ್ನ ಮೋಸ್ಟ್ ಬ್ಯೂಟಿ ಕಪಲ್ಗಳ ಪೈಕಿ ನಿಕ್ ಜೋನಸ್ ಮತ್ತು ಪ್ರಿಯಾಂಕ ಚೋಪ್ರಾ ಜೋಡಿ ಕೂಡಾ ಒಂದು. ಇದೀಗ ಪ್ರಿಯಾಂಕ ಪತಿ ನಿಕ್ ಜೋನಸ್ 14 ವರ್ಷದ ಹಿಂದೆ ತನಗೆ ಬಂದಿದ್ದ ರೋಗದ ಬಗ್ಗೆ ಇನ್ಸ್ಟಾಗ್ರಾಂನಲ್ಲಿ ಬರೆದುಕೊಂಡಿದ್ದಾರೆ.
ಈ ಹಿಂದೆ ತನ್ನ ಪತಿ ಅಸ್ತಮಾದಿಂದ ಬಳಲುತ್ತಿದ್ರು ಎಂದು ಪ್ರಿಯಾಂಕ ಹೇಳಿದ್ರು. ಇದೀಗ ನಿಕ್ ಜೋನಸ್ ತನ್ನ ಹಳೆಯ ರೋಗದ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದು, 14 ವರ್ಷಗಳ ಹಿಂದೆ ನನಗೆ ಟೈಪ್-1 ಡಯಾಬಿಟಿಸ್ ಕಾಯಿಲೆ ಬಂದಿತ್ತು ಎಂದಿದ್ದಾರೆ.
ಈ ಬಗ್ಗೆ ಹೇಳಿಕೊಂಡಿರುವ ಗಾಯಕ ನಿಕ್, ನನಗೆ 14 ವರ್ಷಗಳ ಹಿಂದೆ ಟೈಪ್-1 ಡಯಾಬಿಟಿಸ್ ಕಾಯಿಲೆ ಇರುವುದು ಗೊತ್ತಾಯಿತು. ಅಂದಿನಿಂದ ಧ್ಯಾನ, ವರ್ಕೌಟ್, ಒಳ್ಳೆಯ ಆಹಾರ ಸೇವೆನೆ ಪದ್ಧತಿ ಅಳವಡಿಸಿಕೊಂಡಿದ್ದೇನೆ. ಅಲ್ಲದೆ ಶುಗರ್ ಮತ್ತು ಇನ್ಸುಲಿನ್ ತೆಗೆದುಕೊಳ್ಳುವುದರ ಬಗ್ಗೆ ಕಾಳಜಿ ವಹಿಸಿದ್ದೇನೆ. ಈ ಕಾಯಿಲೆ ಹೊರಗಿನಿಂದ ಕಾಣದಿದ್ದರೂ ನಮ್ಮನ್ನು ಒಂಟಿತನದಲ್ಲಿ ಇರಿಸುತ್ತದೆ ಎಂದು ಜೋನಸ್ ಹೇಳಿದ್ದಾರೆ.
ಇದಕ್ಕಾಗಿಯೇ ನಾನು 2015ರಲ್ಲಿ @BeyondType1 ಅಭಿಯಾನವನ್ನು ಆರಂಭಿಸಿದೆ. ಈ ಮೂಲಕ ಡಯಾಬಿಟಿಸ್ ಕಾಯಿಲೆಯಿಂದ ನರಳುವವರಿಗೆ ಧೈರ್ಯ ಕೊಡುವ ಕೆಲಸ ಮಾಡುತ್ತಿದ್ದೇನೆ. ಅಲ್ಲದೆ ನವೆಂಬರ್ ತಿಂಗಳನ್ನು ಡಯಾಬಿಟಿಸ್ ಜಾಗೃತಿ ಮೂಡಿಸುವ ತಿಂಗಳಾಗಿ ಆಚರಿಸಲಾಗುತ್ತದೆ. ಆದ್ರಿಂದ ನಿಮಗಿರುವ ನೋವುಗಳನ್ನು ನಮ್ಮೊಂದಿಗೆ ಹಂಚಿಕೊಳ್ಳಿ ಎಂದು ಇನ್ಸ್ಟಾಗ್ರಾಂನಲ್ಲಿ ಬರೆದುಕೊಂಡಿದ್ದಾರೆ.