ಖ್ಯಾತ ನಟಿಯ ಸಿನಿಮಾಗೆ ಮೂರು ಭಾಷೆಗಳಲ್ಲಿ ಧ್ವನಿ ನೀಡಿದ ಜಿಂಕೆಮರಿ

'ದಬಾಂಗ್​ -3' ಚಿತ್ರದ ಸೋನಾಕ್ಷಿ ಸಿನ್ಹ ಅವರ ಪಾತ್ರಕ್ಕೆ ಶ್ವೇತ ಡಬ್ ಮಾಡಿದ್ದಾರೆ. ತೆಲುಗು, ತಮಿಳು, ಕನ್ನಡ ಭಾಷೆಯ ವರ್ಷನ್​​​ಗೆ ಧ್ವನಿ ನೀಡಿದ್ದಾರೆ. ಶ್ವೇತ ಡಬ್ಬಿಂಗ್ ಮಾಡುತ್ತಿರುವ ಫೋಟೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡು ಖುಷಿ ವ್ಯಕ್ತಪಡಿಸಿದ್ದಾರೆ.

ನಂದಿತ ಶ್ವೇತ ನಿಮಗೆಲ್ಲಾ ಗೊತ್ತು. ಯೋಗೀಶ್ ಜೊತೆ 'ನಂದ ಲವ್ಸ್ ನಂದಿತ' ಚಿತ್ರದಲ್ಲಿ ನಟಿಸಿದ್ದ ಬ್ಯೂಟಿ. ಈ ಬೆಂಗಳೂರಿನ ಹುಡುಗಿಗೆ ನಂತರ ತಮಿಳಿನಲ್ಲಿ ಅವಕಾಶ ದೊರೆತಿದ್ದರಿಂದ ಚೆನ್ನೈಗೆ ಹಾರಿದ್ರು. ಇದಾದ ನಂತರ ತೆಲುಗು ಸಿನಿಮಾಗಳಲ್ಲಿ ಕೂಡಾ ನಟಿಸಿದರು.

ಇದೀಗ ನಂದಿತ ಶ್ವೇತ ಕನ್ನಡಕ್ಕಿಂತ ತೆಲುಗು, ತಮಿಳು ಚಿತ್ರಪ್ರೇಮಿಗಳಿಗೆ ಹೆಚ್ಚು ಪರಿಚಯ. ಸದ್ಯಕ್ಕೆ ತೆಲುಗು, ಕನ್ನಡ, ತಮಿಳು ಸೇರಿ ಸುಮಾರು 4-5 ಸಿನಿಮಾಗಳಲ್ಲಿ ಅವರು ಬ್ಯುಸಿಯಾಗಿದ್ದಾರೆ.

ಇನ್ನು, ಡಿಸೆಂಬರ್ 20 ರಂದು ಬಿಡುಗಡೆಯಾಗುತ್ತಿರುವ ಸಲ್ಮಾನ್ ಖಾನ್ ಹಾಗೂ ಸುದೀಪ್ ಅಭಿನಯದ 'ದಬಾಂಗ್​ -3' ಚಿತ್ರದ ಸೋನಾಕ್ಷಿ ಸಿನ್ಹ ಅವರ ಪಾತ್ರಕ್ಕೆ ಶ್ವೇತ ಡಬ್ ಮಾಡಿದ್ದಾರೆ. ತೆಲುಗು, ತಮಿಳು, ಕನ್ನಡ ಭಾಷೆಯ ವರ್ಷನ್​​​ಗೆ ಧ್ವನಿ ನೀಡಿದ್ದಾರೆ. ಶ್ವೇತ ಡಬ್ಬಿಂಗ್ ಮಾಡುತ್ತಿರುವ ಫೋಟೋಗಳನ್ನು ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದು, ಸೋನಾಕ್ಷಿ ಅವರಂತ ನಟಿಗೆ ಧ್ವನಿ ನೀಡಿದ್ದಕ್ಕೆ ನನಗೆ ಖುಷಿ ಆಗುತ್ತಿದೆ. ಈ ಅವಕಾಶ ನೀಡಿದ ಚಿತ್ರತಂಡಕ್ಕೆ ಥ್ಯಾಂಕ್ಸ್ ಹೇಳಿದ್ದಾರೆ.