ಸ್ಯಾಂಡಲ್ವುಡ್ ಮೇಷ್ಟ್ರು ನಾಗತಿಹಳ್ಳಿ ಚಂದ್ರಶೇಖರ್ ಶಿಷ್ಯ ಉದಯ್ಕುಮಾರ್ ಎಂಬುವವರು 'ಕಾರ್ಮೋಡ ಸರಿದು' ಎಂಬ ಸಿನಿಮಾ ಮೂಲಕ ನಿರ್ದೇಶಕರಾಗಿ ಗಾಂಧಿನಗರಕ್ಕೆ ಕಾಲಿಟ್ಟಿದ್ದಾರೆ. ಅಷ್ಟೇ ಅಲ್ಲ, ಈ ಚಿತ್ರದ ನಾಯಕ ಮಂಜು ರಾಮಣ್ಣ ಕೂಡಾ ಮೇಷ್ಟ್ರು ಶಿಷ್ಯ . ಹೀಗಾಗಿ ಈ ಇಬ್ಬರು ಶಿಷ್ಯಂದಿರ ಸಿನಿಮಾಕ್ಕೆ ಆಲ್ ದಿ ಬೆಸ್ಟ್ ಹೇಳಲು ನಾಗತಿಹಳ್ಳಿ ಚಂದ್ರಶೇಖರ್ ಚಿತ್ರದ ಆಡಿಯೋ ರಿಲೀಸ್ ಕಾರ್ಯಕ್ರಮಕ್ಕೆ ಆಗಮಿಸಿದ್ದರು. 'ಸಿನಿಮಾ ಮಾಡೋದು ಸುಲಭ ಆದ್ರೆ, ಸಕ್ಸಸ್ ಆಗೋದು ಬಹಳ ಕಷ್ಟ' ಪರಿಶ್ರಮದಿಂದ ಕೆಲಸ ಮಾಡಿ ಎಂದು ತಮ್ಮ ಸ್ಟೂಡೆಂಟ್ಗಳಿಗೆ ಕಿವಿಮಾತು ಹೇಳಿದರು.
ಗಾಂಧಿನಗರಕ್ಕೆ ಎಂಟ್ರಿ ಕೊಟ್ರು ಸ್ಯಾಂಡಲ್ವುಡ್ ಮೇಷ್ಟ್ರ ಶಿಷ್ಯ - undefined
ಸ್ಯಾಂಡಲ್ವುಡ್ನ ಸಾಕಷ್ಟು ನಿರ್ದೇಶಕರು ಚಿತ್ರರಂಗಕ್ಕೆ ತಮ್ಮದೇ ಆದ ಕೊಡುಗೆ ನೀಡಿದ್ದಾರೆ. ಚಿತ್ರರಂಗಕ್ಕೆ ತಮ್ಮ ಸ್ಟೂಡೆಂಟ್ಗಳನ್ನೂ ಪರಿಚಯಿಸಿದ್ದಾರೆ. ಯೋಗರಾಜ್ ಭಟ್ ಜೊತೆ ಕೆಲಸ ಮಾಡಿದ ಸಾಕಷ್ಟು ಮಂದಿ ನಿರ್ದೇಶಕರಾಗಿ ಎಂಟ್ರಿ ಕೊಟ್ಟಿದ್ದಾರೆ.
ನಾಗತಿಹಳ್ಳಿ ಚಂದ್ರಶೇಖರ್
ಯುವ ನಟ ಮಂಜು ರಾಜಣ್ಣ ಚಿತ್ರದಲ್ಲಿ ನಾಯಕನಾಗಿ ನಟಿಸಿದ್ದರೆ, ಮಿಸ್ಟರ್ ಅಂಡ್ ಮಿಸ್ಸಸ್ ರಾಮಾಚಾರಿ ಚಿತ್ರದಲ್ಲಿ ನಾಯಕಿ ಸ್ನೇಹಿತೆಯಾಗಿ ನಟಿಸಿದ್ದ ಅದ್ವಿತಿ ಶೆಟ್ಟಿ ‘ಕಾಮೋಡ ಸರಿದು’ ಚಿತ್ರದ ಮೂಲಕ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಇದೊಂದು ಕೌಟುಂಬಿಕ ಕಥೆಯುಳ್ಳ ಸಿನಿಮಾ ಎಂದು ಚಿತ್ರತಂಡ ಹೇಳಿದೆ. ಕುದುರೆಮುಖ ಸೇರಿದಂತೆ ಮಲೆನಾಡಿನ ಸುಂದರ ಪ್ರದೇಶಗಳಲ್ಲಿ ಸಿನಿಮಾದ ಬಹುತೇಕ ಚಿತ್ರೀಕರಣ ನಡೆದಿದೆ ಎನ್ನಲಾಗಿದೆ.
'ಕಾರ್ಮೋಡ ಸರಿದು' ಚಿತ್ರದ ಆಡಿಯೋ ಬಿಡುಗಡೆ
ಹಿರಿಯ ನಟ ಶ್ರೀಧರ್ ಕೂಡಾ ಚಿತ್ರದಲ್ಲಿ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಚಿತ್ರದಲ್ಲಿ ಮೂರು ಹಾಡುಗಳಿದ್ದು, ಸತೀಶ್ ಬಾಬು ಸಂಗೀತ ನೀಡಿದ್ದಾರೆ. ಕುದುರೆ ಮುಖ ಟಾಕೀಸ್ ಬ್ಯಾನರ್ ಅಡಿ ರಾಜಶೇಖರ್ ಎಂಬುವವರು ಈ ಸಿನಿಮಾವನ್ನು ನಿರ್ಮಿಸಿದ್ದಾರೆ. ಸಿನಿಮಾ ಸದ್ಯದಲ್ಲೇ ತೆರೆಗೆ ಬರಲಿದೆ.