ತನಗಾಗಿ ಪತಿ ಮಾಡಿದ ಬರ್ತಡೇ ಕೇಕ್ ಮುಂದೆ ಕೈ ಮುಗಿದು ಪ್ರಾರ್ಥಿಸಿದ ಸಮಂತಾ​​​​​​​​​​​​​​​​​​​​​​​​​​​​​​​..!

ಟಾಲಿವುಡ್ ನಾಯಕಿ ಸಮಂತಾ ಅಕ್ಕಿನೇನಿಗೆ ಇಂದು 33ನೇ ವರ್ಷದ ಹುಟ್ಟುಹಬ್ಬದ ಸಂಭ್ರಮ. ಸ್ಯಾಮ್ ಪತಿ ನಾಗಚೈತನ್ಯ ಪ್ರೀತಿಯ ಪತ್ನಿಗಾಗಿ ಕೇಕ್ ತಯಾರಿಸಿ ಸರ್ಪೈಸ್ ನೀಡಿದ್ದಾರೆ.

ಸಮಂತಾ ಅಕ್ಕಿನೇನಿಗೆ ಇಂದು 33 ನೇ ವರ್ಷದ ಹುಟ್ಟುಹಬ್ಬದ ಸಂಭ್ರಮ. ಪ್ರತಿ ಬಾರಿಯಂತೆ ಈ ಬಾರಿ ಸ್ನೇಹಿತರ ಜೊತೆ ಸಮಂತಾ ಹುಟ್ಟುಹಬ್ಬ ಆಚರಿಸಿಕೊಳ್ಳಲಾಗದಿದ್ದರೂ ಮನೆಯಲ್ಲಿ ವಿಶೇಷವಾಗಿ ಪತಿ, ಅತ್ತೆ, ಮಾವನೊಂದಿಗೆ ಸ್ಯಾಮ್ ತಮ್ಮ ಬರ್ತಡೇಯನ್ನು ಈ ಬಾರಿ ವಿಶೇಷವಾಗಿ ಆಚರಿಸಿಕೊಂಡಿದ್ದಾರೆ.

ನಿನ್ನೆ ರಾತ್ರಿ ನಾಗಚೈತನ್ಯ ಪತ್ನಿ ಸಮಂತಾಗಾಗಿ ವಿಶೇಷ ಕೇಕ್ ತಯಾರಿಸಿ ಪತ್ನಿಗೆ ಸರ್ಪೈಸ್ ನೀಡಿದ್ದಾರೆ. ಸಮಂತಾ ಕೂಡಾ ಪತಿ ಮಾಡಿರುವ ಕೇಕ್ ಕತ್ತರಿಸಿ ಸಂಭ್ರಮಿಸಿದ್ದಾರೆ. ನಾಗಚೈತನ್ಯ ಕೇಕ್ ಮಾಡುತ್ತಿರುವುದು ಹಾಗೂ ಸಮಂತಾ ಕೇಕ್​ ಕತ್ತರಿಸುವ ಮುನ್ನ ಕೇಕ್ ಮುಂದೆ ಕೈ ಮುಗಿದು ದೇವರನ್ನು ಪ್ರಾರ್ಥಿಸುತ್ತಿರುವ ವಿಡಿಯೋ ಹಾಗೂ ಪೋಟೋ ವೈರಲ್ ಆಗಿದೆ. ಸಮಂತಾ ಹುಟ್ಟುಹಬ್ಬಕ್ಕೆ ಸ್ಯಾಂಡಲ್​​ವುಡ್ ಸೆಲಬ್ರಿಟಿಗಳು ಕೂಡಾ ಶುಭ ಕೋರಿದ್ದಾರೆ.

ಸಾಮಾನ್ಯ ಕುಟುಂಬದಲ್ಲಿ ಜನಿಸಿದ ಸಮಂತಾ ಋತುಪ್ರಭು ಇಂದು ಇಷ್ಟು ದೊಡ್ಡ ಮಟ್ಟಕ್ಕೆ ಬೆಳೆದಿದ್ದಾರೆ. ಕಾಲೇಜಿನಲ್ಲಿ ಓದುವಾಗ ಪ್ಯಾಕೆಟ್ ಮನಿಗಾಗಿ ಫಂಕ್ಷನ್ ಹಾಲ್​​​​ನಲ್ಲಿ ಕೆಲಸ ಕೂಡಾ ಮಾಡಿದ್ದಾರೆ ಸಮಂತಾ. ನನಗೆ ಎಂದು ಒಂದು ಸ್ವಂತ ಮನೆ ಇರಬೇಕು, ನನ್ನ ಬ್ಯಾಂಕ್​ ಅಕೌಂಟ್​​ನಲ್ಲಿ 50 ಲಕ್ಷ ರೂಪಾಯಿ ಹಣ ಇದ್ದರೆ ಸಾಕು ಎಂದು ಕನಸು ಕಂಡ ಸಮಂತಾಗೆ ವಿಧಿ ಒಂದು ಅವಕಾಶ ನೀಡೇ ಬಿಟ್ಟಿತು. ತಮಗೆ ದೊರೆತ ಅವಕಾಶವನ್ನು ಬಿಡದೆ ಛಲ ಸಾಧಿಸಿದ ಸ್ಯಾಮ್ ಇಂದು ಟಾಲಿವುಡ್​​ನಲ್ಲಿ ತಮ್ಮದೇ ಆದ ಸ್ಥಾನವನ್ನು ಹೊಂದಿದ್ದಾರೆ. ಈಗ ಟಾಲಿವುಡ್​​ ಸ್ಟಾರ್ ನಾಗಾರ್ಜುನ ಅಕ್ಕಿನೇನಿ ಅವರ ಪುತ್ರ ನಾಗಚೈತನ್ಯ ಅವರನ್ನು ಮದುವೆಯಾಗಿ ಸಮಂತಾ ಅಕ್ಕಿನೇನಿ ನೆಮ್ಮದಿಯ ಬದುಕು ಸಾಗಿಸುತ್ತಿದ್ದಾರೆ.

ನಾಗ ಚೈತನ್ಯ, ಸಮಂತಾ ಅಕ್ಕಿನೇನಿ