'ಸಾಹೇಬ'ನಾಗಿ ಕನ್ನಡ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ ಕ್ರೇಜಿ ಸ್ಟಾರ್ ಪುತ್ರ ಮನುರಂಜನ್, ಸದ್ಯ ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಇತ್ತೀಚೆಗೆ ಅವರು ಹೆಸರು ಕೂಡಾ ಬದಲಿಸಿಕೊಂಡಿದ್ದರು. ಸದ್ಯಕ್ಕೆ ಮನುರಂಜನ್ 'ಮುಗಿಲು ಪೇಟೆ' ಸಿನಿಮಾ ಶೂಟಿಂಗ್ನಲ್ಲಿ ಬ್ಯುಸಿ ಇದ್ದಾರೆ.
ಇನ್ನು ಮನುರಂಜನ್ ನಾಳೆ 32ನೇ ವಸಂತಕ್ಕೆ ಕಾಲಿಡಲಿದ್ದಾರೆ. ಈಗ 'ಮುಗಿಲು ಪೇಟೆ' ಸಿನಿಮಾ ಶೂಟಿಂಗ್ ಸಕಲೇಶಪುರದಲ್ಲಿ ನಡೆಯುತ್ತಿದ್ದು ಚಿತ್ರತಂಡದೊಂದಿಗೆ ಮನುರಂಜನ್ ಬೀಡುಬಿಟ್ಟಿದ್ದಾರೆ. ನಾಳಿನ ಹುಟ್ಟುಹಬ್ಬಕ್ಕೆ 'ಮುಗಿಲು ಪೇಟೆ' ಚಿತ್ರತಂಡ ಒಂದು ದಿನ ಮೊದಲೇ ಕೇಕ್ ತಂದು ತಮ್ಮ ನಾಯಕನ ಹುಟ್ಟುಹಬ್ಬ ಆಚರಿಸಿದ್ದಾರೆ. ಮನು ಕೂಡಾ ಚಿತ್ರತಂಡದವರು ತಂದ ಕೇಕನ್ನು ಸಂತೋಷದಿಂದಲೇ ಕಟ್ ಮಾಡಿ ಪ್ರೀ ಬರ್ತ್‌ಡೇ ಆಚರಿಸಿಕೊಂಡಿದ್ದಾರೆ. ಇನ್ನು ಮನುರಂಜನ್ ಈ ಸಿನಿಮಾದಲ್ಲಿ ಮೂರು ಶೇಡ್ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಮನುಗೆ ನಾಯಕಿಯಾಗಿ ಖಯಾದ್ ಲೋಹರ್ ನಟಿಸುತ್ತಿದ್ದಾರೆ. ಚಿತ್ರವನ್ನು ಭರತ್ ನಿರ್ದೇಶಿಸುತ್ತಿದ್ದಾರೆ. ಕೇಕ್ ಜೊತೆಗೆ 'ಮುಗಿಲು ಪೇಟೆ' ಸಿನಿಮಾದ ಪೋಸ್ಟರ್ ರಿವೀಲ್ ಮಾಡುವ ಮೂಲಕ ಹುಟ್ಟುಹಬ್ಬದ ಗಿಫ್ಟ್ ನೀಡಿದ್ದಾರೆ. ಸಕಲೇಶಪುರದ ಹಲವಾರು ಲೊಕೇಶನ್ಗಳಲ್ಲಿ ಸಿನಿಮಾವನ್ನು ಚಿತ್ರೀಕರಣ ಮಾಡಲಾಗುತ್ತಿದೆ. ಮುಂದಿನ ವರ್ಷ ಈ ಸಿನಿಮಾ ಬಿಡುಗಡೆಯಾಗಲಿದೆ.