ಪತ್ನಿ ಸುರೇಖ ಜೊತೆ ಜಪಾನ್ ಪ್ರವಾಸ ಎಂಜಾಯ್ ಮಾಡುತ್ತಿರುವ ಮೆಗಾಸ್ಟಾರ್​​

ಮೆಗಾಸ್ಟಾರ್ ಚಿರಂಜೀವಿ ತಮ್ಮ ಪತ್ನಿ ಸುರೇಖ ಜೊತೆ ಜಪಾನ್ ಪ್ರವಾಸಕ್ಕೆ ತೆರಳಿದ್ದಾರೆ. 'ಸೈ ರಾ ನರಸಿಂಹ ರೆಡ್ಡಿ' ಸಿನಿಮಾ ಚಿತ್ರೀಕರಣದಲ್ಲಿ ಬ್ಯುಸಿಯಿದ್ದ ಚಿರು ಸ್ವಲ್ಪ ದಿನಗಳ ಕಾಲ ಬ್ರೇಕ್ ಪಡೆದು ವಿದೇಶ ಪ್ರವಾಸಕ್ಕೆ ತೆರಳಿದ್ದಾರೆ.

ಸದ್ಯಕ್ಕೆ ಟಾಲಿವುಡ್​​​ನ ಬಹುನಿರೀಕ್ಷಿತ, ಬಹುತಾರಾಗಣದ ಹಾಗೂ ಬಿಗ್​​​ಬಜೆಟ್​​​​ನ ಚಿತ್ರ ಎಂದರೆ ​​​ಮೆಗಾಸ್ಟಾರ್ ಚಿರಂಜೀವಿ ಅಭಿನಯದ 'ಸೈ ರಾ ನರಸಿಂಹ ರೆಡ್ಡಿ'. ಚಿತ್ರದ ಚಿತ್ರೀಕರಣ ಇದೀಗ ಭರದಿಂದ ಸಾಗಿದೆ.

ಪತ್ನಿ ಸುರೇಖ ಜೊತೆ ಮೆಗಾಸ್ಟಾರ್​​ ಚಿರಂಜೀವಿ

ಬಹಳ ದಿನಗಳಿಂದ ಚಿತ್ರದ ಚಿತ್ರೀಕರಣದಲ್ಲಿ ಬಿಡುವಿಲ್ಲದೆ ಭಾಗವಹಿಸಿದ್ದ ಮೆಗಾಸ್ಟಾರ್ ಚಿರಂಜೀವಿ ಇದೀಗ ಸ್ವಲ್ಪ ದಿನಗಳ ಕಾಲ ಬ್ರೇಕ್ ಪಡೆದು ಪತ್ನಿ ಸುರೇಖ ಜೊತೆ ವಿದೇಶಕ್ಕೆ ಹಾರಿದ್ದಾರೆ. ಜಪಾನಿನ ಕೆಲವೊಂದು ಸುಂದರ ತಾಣಗಳಲ್ಲಿ ಚಿರು ಹಾಗೂ ಸುರೇಖ ಎಂಜಾಯ್ ಮಾಡುತ್ತಿದ್ದಾರೆ. ಈ ಫೋಟೋಗಳು ಇದೀಗ ಇಂಟರ್​​​​ನೆಟ್​​ನಲ್ಲಿ ವೈರಲ್ ಆಗಿದೆ. ಫೋಟೋಗಳನ್ನು ನೋಡಿದಾಗ ಸಿನಿಮಾ, ವೈಯಕ್ತಿಕ ಕೆಲಸಗಳ ನಡುವೆ ಸದಾ ಬ್ಯುಸಿಯಿರುತ್ತಿದ್ದ ಚಿರಂಜೀವಿ ಹಾಗೂ ಪತ್ನಿ ಸುರೇಖ ಎಲ್ಲಾ ಟೆನ್ಷನ್​​​ಗಳಿಂದ ದೂರವಿದ್ದು ಪ್ರವಾಸವನ್ನು ಎಂಜಾಯ್ ಮಾಡುತ್ತಿದ್ದಾರೆ ಎಂಬುದು ತಿಳಿಯುತ್ತದೆ.

ಚಿರಂಜೀವಿ, ಸುರೇಖ

ಇನ್ನು ಸ್ವತಂತ್ಯ್ರ ಹೋರಾಟಗಾರ ಉಯ್ಯಾಲವಾಡ ನರಸಿಂಹರೆಡ್ಡಿ ನಿಜಜೀವನದ ಕಥೆಯನ್ನು ಹೊಂದಿರುವ 'ಸೈ ರಾ ನರಸಿಂಹ ರೆಡ್ಡಿ' ಸಿನಿಮಾವನ್ನು ರಾಮ್​ಚರಣ್ ತೇಜ ನಿರ್ಮಿಸುತ್ತಿದ್ದರೆ ಸುರೇಂದರ್ ರೆಡ್ಡಿ ನಿರ್ದೇಶಿಸುತ್ತಿದ್ದಾರೆ. ಜಪಾನ್ ಪ್ರವಾಸದ ನಂತರ ಮೆಗಾಸ್ಟಾರ್ ಸೈ ರಾ ಶೂಟಿಂಗ್​​​ನಲ್ಲಿ ಭಾಗವಹಿಸಲು ಚೀನಾಗೆ ತೆರಳಲಿದ್ದಾರೆ. ಚಿತ್ರದ ಕೆಲವೊಂದು ಸನ್ನಿವೇಶಗಳನ್ನು ಚೀನಾದಲ್ಲಿ ಚಿತ್ರೀಕರಿಸಲು ಚಿತ್ರತಂಡ ಪ್ಲ್ಯಾನ್ ಮಾಡಿದೆ.