ತಮಿಳು ನಟ ವಿಜಯ್ ಅಭಿನಯದ ಮಾಸ್ಟರ್ ಸಿನಿಮಾ ಜನವರಿ 13 ರಂದು ತೆರೆ ಕಂಡಿತ್ತು. ಸಂಕ್ರಾಂತಿ ಹಬ್ಬದ ವಿಶೇಷವಾಗಿ ಅಭಿಮಾನಿಗಳಿಗೆ ಗಿಫ್ಟ್ ಎಂದು ಈ ಚಿತ್ರವನ್ನು ಬಿಡುಗಡೆ ಮಾಡಲಾಗಿತ್ತು. ಆದರೆ ಎಲ್ಲಾ ಸ್ಟಾರ್ ನಟರ ಸಿನಿಮಾಗಳಂತೆ 'ಮಾಸ್ಟರ್' ಕೂಡಾ ಪೈರಸಿ ಆಗಿದ್ದು ಚಿತ್ರತಂಡ 25 ಕೋಟಿ ರೂಪಾಯಿ ಹಣಕ್ಕೆ ಆಗ್ರಹಿಸಿದೆ.
'ಮಾಸ್ಟರ್' ಪೈರಸಿ ಮಾಡಿದ ಕಂಪನಿ ವಿರುದ್ಧ ಕೇಸ್..ಪರಿಹಾರವಾಗಿ ದೊಡ್ಡ ಮೊತ್ತಕ್ಕಾಗಿ ಡಿಮ್ಯಾಂಡ್
ಜನವರಿ 13 ರಂದು ಬಿಡುಗಡೆಯಾದ 'ಮಾಸ್ಟರ್' ಸಿನಿಮಾ ಪೈರಸಿ ಆಗಿದ್ದು ಇದಕ್ಕೆ ಕಾರಣವಾದ ಡಿಜಿಟಲ್ ಸಂಸ್ಥೆ ಮೇಲೆ ಚಿತ್ರತಂಡ ಪ್ರಕರಣ ದಾಖಲಿಸಿದ್ದು, 25 ಕೋಟಿ ರೂಪಾಯಿ ಪರಿಹಾರಕ್ಕಾಗಿ ಆಗ್ರಹಿಸಿದೆ.
'ಮಾಸ್ಟರ್'
ಇದನ್ನೂ ಓದಿ:ಬೆಳ್ಳಿತೆರೆ ಮೇಲೆ ರಾರಾಜಿಸಲಿದೆ ಶ್ರೀ ಜಗನ್ನಾಥದಾಸರ ಜೀವನಚರಿತ್ರೆ..!
ಲೋಕೇಶ್ ಕನಕರಾಜ್ ನಿರ್ದೇಶನದ ಮಾಸ್ಟರ್ ಸಿನಿಮಾ ಬಿಡುಗಡೆಗೂ ಒಂದು ದಿನ ಮುನ್ನವೇ ಪೈರಸಿ ಆಗಿದ್ದರಿಂದ ತಮಗೆ ದೊಡ್ಡ ನಷ್ಟವಾಗಿದೆ ಎಂದು ಚಿತ್ರತಂಡ ಬೇಸರ ವ್ಯಕ್ತಪಡಿಸಿದೆ. ಸಿನಿಮಾಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು ಬಾಕ್ಸ್ ಆಫೀಸ್ನಲ್ಲಿ ಒಳ್ಳೆ ಕಲೆಕ್ಷನ್ ಮಾಡುತ್ತಿದೆ. ಚಿತ್ರದ ಕಾಪಿಯನ್ನು ವಿದೇಶಕ್ಕೆ ಕಳಿಸಲು ಚಿತ್ರತಂಡ ಒಂದು ಡಿಜಿಟಲ್ ಸಂಸ್ಥೆಗೆ ಪ್ರಿಂಟ್ವೊಂದನ್ನು ನೀಡಿತ್ತು. ಆದರೆ ಪ್ರಿಂಟನ್ನು ದುರುಪಯೋಗಪಡಿಸಿಕೊಂಡ ಆ ಡಿಜಿಟಲ್ ಸಂಸ್ಥೆಗೆ ಸೇರಿದ ಒಬ್ಬ ವ್ಯಕ್ತಿ, ಪೈರಸಿಯಲ್ಲಿ ಭಾಗಿಯಾಗಿದ್ದಾರೆ ಎಂದು ಆ ವ್ಯಕ್ತಿ ಹಾಗೂ ಕಂಪನಿ ಮೇಲೆ ಚಿತ್ರತಂಡ ಪ್ರಕರಣ ದಾಖಲಿಸಿದೆ. ನಮಗೆ ತೊಂದರೆ ನೀಡಿದ ಡಿಜಿಟಲ್ ಸಂಸ್ಥೆ 25 ಕೋಟಿ ರೂಪಾಯಿ ಪರಿಹಾರ ನೀಡಬೇಕು ಎಂದು 'ಮಾಸ್ಟರ್' ಚಿತ್ರತಂಡ ಆಗ್ರಹಿಸುತ್ತಿದೆ.