ಬಾಕ್ಸ್​​ ಆಫೀಸ್​​ನಲ್ಲಿ 'ಮಾಸ್ಟರ್'​​​ ಹವಾ: 9 ದಿನಕ್ಕೆ ಗಳಿಸಿದ್ದಿಷ್ಟು!

ವಿಶ್ವದಾದ್ಯಂತ ರಿಲೀಸ್​ ಆಗಿರುವ ಲೋಕೇಶ್​​ ಕನಗರಾಜ್​​​ ನಿರ್ದೇಶನದ 'ಮಾಸ್ಟರ್​​' ಸಿನಿಮಾ 200 ಕೋಟಿ ಸಂಪಾದನೆ ಮಾಡಿದ್ದು, ಈ ಮೂಲಕ ವಿಜಯ್ ಅಭಿನಯದ 4ನೇ ಚಿತ್ರ 200 ಕೋಟಿ ಗಳಿಕೆ ಮಾಡಿದಂತಾಗಿದೆ.

ವಿಜಯ್ ದಳಪತಿ ಅಭಿನಯದ ತಮಿಳಿನ 'ಮಾಸ್ಟರ್' ಸಿನಿಮಾ ಅಬ್ಬರ ಜೋರಾಗಿಯೇ ಇದೆ. ಸಿನಿಮಾ ರಿಲೀಸ್​​​ ಆದಾಗಿಂದಲೂ ಒಳ್ಳೆಯ ರೆಸ್ಪಾನ್ಸ್ ಸಿಕ್ತಿದೆ. ಈ ಚಿತ್ರ ತೆರೆ ಕಂಡ ಕೇವಲ 9 ದಿನಕ್ಕೆ ಬರೋಬ್ಬರಿ 200 ಕೋಟಿ ಬಾಚಿದೆ.

ಹೌದು, ವಿಶ್ವದಾದ್ಯಂತ ರಿಲೀಸ್​ ಆಗಿರುವ ಲೋಕೇಶ್​​ ಕನಗರಾಜ್​​​ ನಿರ್ದೇಶನದ ಮಾಸ್ಟರ್​​ ಸಿನಿಮಾ 200 ಕೋಟಿ ಸಂಪಾದನೆ ಮಾಡಿದ್ದು, ಈ ಮೂಲಕ ವಿಜಯ್ ಅಭಿನಯದ 4ನೇ ಚಿತ್ರ 200 ಕೋಟಿ ಗಳಿಕೆ ಮಾಡಿದಂತಾಗಿದೆ.

ಮತ್ತೊಂದು ವಿಶೇಷ ಅಂದ್ರೆ ಕೇವಲ ತಮಿಳುನಾಡು ಒಂದರಲ್ಲೇ 100 ಕೋಟಿ ಕ್ಲಬ್​ ಸೇರಿದೆ. ಇದು ಕೂಡ ದಾಖಲೆಯಾಗಿದೆ. ಈ ಹಿಂದೆ ತೆರೆ ಕಂಡಿದ್ದ ವಿಜಯ್​​​ ನಟನೆಯ ಮೆರ್ಸಲ್, ಸರ್ಕಾರ್ ಹಾಗೂ ಬಿಗಿಲ್ ಚಿತ್ರಗಳು 200 ಕೋಟಿ ಗಳಿಸಿದ್ದವು. ಇದೀಗ ಈ ಪಟ್ಟಿಗೆ ಮಾಸ್ಟರ್​​ ಸೇರಿದೆ.

ಸಿನಿಮಾದಲ್ಲಿ ವಿಜಯ್​​​ ಕಾಲೇಜು ಮಾಸ್ಟರ್​ ಪಾತ್ರದಲ್ಲಿ ನಟಿಸಿದ್ದು, ವಿಜಯ್​​ ಸೇತುಪತಿ ಖಳನಟನಾಗಿ ಅಭಿನಯಿಸಿದ್ದಾರೆ.