ಕಲರ್ಸ್ ಸೂಪರ್ ವಾಹಿನಿಯಲ್ಲಿ ಪ್ರತಿದಿನ ರಾತ್ರಿ 8 ಗಂಟೆಗೆ ಮೂಡಿ ಬರುತ್ತಿರುವ ಹಾಸ್ಯ ಕಾರ್ಯಕ್ರಮ 'ಮಜಾಭಾರತ ಸೀಸನ್ 3' ಯಶಸ್ವಿಯಾಗಿ 250 ಸಂಚಿಕೆ ಪೂರೈಸಿದೆ. ಕನ್ನಡದ ಜನಪ್ರಿಯ ಹಾಸ್ಯ ಕಾರ್ಯಕ್ರಮಗಳ ಪಾಲಿಗೆ ಸೇರಿದ ಮಜಾಭಾರತದಲ್ಲಿ ವೀಕ್ಷಕರಿಗೆ ಹಾಸ್ಯದ ಮೂಲಕ ಮನರಂಜನೆಯ ಮಹಾಪೂರವೇ ಸಿಗುತ್ತಿದೆ.
ಪ್ರತಿದಿನವೂ ನವಿರಾದ ಹಾಸ್ಯದ ಮೂಲಕ ಪ್ರೇಕ್ಷಕರನ್ನು ಸೆಳೆಯುವ ಕಲಾವಿದರುಗಳ ಅಭಿನಯಕ್ಕೆ ಮನಸೋಲದವರಿಲ್ಲ. ಡಿಂಪಲ್ ಕ್ವೀನ್ ರಚಿತಾ ರಾಮ್ ಮತ್ತು ಸಂಗೀತ ಮಾಂತ್ರಿಕ ಗುರುಕಿರಣ್ ತೀರ್ಪುಗಾರರಾಗಿ ಕಾಣಿಸಿಕೊಂಡಿರುವ ಈ ಶೋಗೆ ನಿರೂಪಣೆಯನ್ನು ಕಿರುತೆರೆಯ ಅಕ್ಕ ಖ್ಯಾತಿಯ ಅನುಪಮಾ ಗೌಡ ಮಾಡುತ್ತಿದ್ದರು.