ಪಶು ವೈದ್ಯೆ ಅತ್ಯಾಚಾರ ಕೊಲೆ ಖಂಡಿಸಿ ಮಹೇಶ್​​ ಬಾಬು ಟ್ವೀಟ್​​​

ತೆಲಂಗಾಣದಲ್ಲಿ ಪಶು ವೈದ್ಯೆಯ ಮೇಲಿನ ಅತ್ಯಾಚಾರ ಮತ್ತು ಕೊಲೆಯನ್ನು ಖಂಡಿಸಿ ತೆಲುಗು ನಟ ಮಹೇಶ್​ ಬಾಬು ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳಿಗೆ ಟ್ವೀಟ್​ ಮಾಡಿದ್ದಾರೆ.

ತೆಲಂಗಾಣದಲ್ಲಿ ಪಶು ವೈದ್ಯೆಯ ಅಮಾನವೀಯ ಅತ್ಯಾಚಾರ ಮತ್ತು ಕೊಲೆಯನ್ನು ಖಂಡಿಸಿ ತೆಲುಗು ನಟ ಮಹೇಶ್​ ಬಾಬು ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳಿಗೆ ಟ್ವೀಟ್​ ಮಾಡಿದ್ದಾರೆ.

ಟ್ವೀಟ್​​ನಲ್ಲಿ ಬರೆದುಕೊಂಡಿರುವ ಮಹೇಶ್​​ ಬಾಬು, ದಿನದಿಂದ ದಿನಕ್ಕೆ, ತಿಂಗಳಿನಿಂದ ತಿಂಗಳಿಗೆ, ವರ್ಷದಿಂದ ವರ್ಷಕ್ಕೆ ನಮ್ಮ ಸಮಾಜದಲ್ಲಿ ಏನೂ ಬದಲಾಗುತ್ತಿಲ್ಲ. ಸರ್ಕಾರಕ್ಕೆ ನನ್ನ ವೈಯಕ್ತಿಕ ಮನವಿ ಏನಂದ್ರೆ, ಇಂತಹ ಕೃತ್ಯಗಳನ್ನು ಎಸಗುವ ಕ್ರೂರಿಗಳಿಗೆ ಶಿಕ್ಷೆ ವಿಧಿಸುವಂತಹ ಕಠಿಣ ಕಾನೂನುಗಳನ್ನು ಜಾರಿಗೆ ತರಬೇಕು. ಈ ರೀತಿ ಹೇಳುತ್ತ ತೆಲಂಗಾಣ ಸರ್ಕಾರ ಮತ್ತು ಪ್ರಧಾನ ಮಂತ್ರಿ ಕಾರ್ಯಾಲಯಕ್ಕೆ ಟ್ವಿಟ್​ ಟ್ಯಾಗ್​ ಮಾಡಿದ್ದಾರೆ.

ಇನ್ನು ಮೃತ ದುರ್ದೈವಿಗೆ ಸಂತಾಪ ಸೂಚಿಸಿ, ಪಶು ವೈದ್ಯೆ ಕುಟುಂಬಕ್ಕೆ ಸಮಾಧಾನ ಮಾಡಿ ಟ್ವೀಟ್​​ ಮಾಡಿರುವ ಇವರು, ನಾವೆಲ್ಲರೂ ಒಟ್ಟುಗೂಡಿ ನ್ಯಾಯಕ್ಕಾಗಿ ಹೋರಾಟ ಮಾಡೋಣ. ದೇಶವನ್ನು ಸುರಕ್ಷತೆಯ ಕಡೆ ಸಾಗಿಸೋಣ ಎಂದಿದ್ದಾರೆ.