'ಲವ್ ಮಾಕ್ಟೇಲ್' ಸ್ಯಾಂಡಲ್ವುಡ್ನಲ್ಲಿ ಜನರ ಮನಸ್ಸಲ್ಲಿ ಒಂದೊಳ್ಳೆ ಛಾಪು ಮೂಡಿಸಿದ ಚಿತ್ರ. ಸಿನಿಮಾದಲ್ಲಿ ನಾಯಕ ನಾಯಕಿಯಾಗಿ ನಟಿಸಿದ್ದ ಡಾರ್ಲಿಂಗ್ ಕೃಷ್ಣ ಹಾಗೂ ಮಿಲನಾ ನಾಗರಾಜ್ ನಿಜಜೀವನದಲ್ಲಿ ಪ್ರೇಮಿಗಳು ಎಂದು ಚಿತ್ರ ಬಿಡುಗಡೆ ನಂತರ ಅಭಿಮಾನಿಗಳಿಗೆ ತಿಳಿಯಿತು.
'ಲವ್ ಮಾಕ್ಟೇಲ್' ಸೀಕ್ವೆಲ್ ಸ್ಕ್ರಿಪ್ಟ್ ಪೂಜೆ ನೆರವೇರಿಸಿದ ಲವ್ಬರ್ಡ್ಸ್ - Milana nagaraj Love mock tail 2
ಲಾಕ್ಡೌನ್ ಸಮಯದಲ್ಲಿ 'ಲವ್ ಮಾಕ್ಟೇಲ್' ಸೀಕ್ವೆಲ್ಗಾಗಿ ಸ್ಕ್ರಿಪ್ಟ್ ಬರೆದು ಮುಗಿಸಿದ ಡಾರ್ಲಿಂಗ್ ಕೃಷ್ಣ ಹಾಗೂ ಮಿಲನಾ ನಾಗರಾಜ್ ಇಂದು ಬೆಂಗಳೂರಿನ ದೇವಸ್ಥಾನವೊಂದರಲ್ಲಿ ಸರಳವಾಗಿ ಸ್ಕ್ರಿಪ್ಟ್ ಪೂಜೆ ನೆರವೇರಿಸಿದ್ದಾರೆ.
ಸ್ಕ್ರಿಪ್ಟ್ ಪೂಜೆ
ಲಾಕ್ಡೌನ್ ಸಮಯದಲ್ಲಿ 'ಲವ್ ಮಾಕ್ಟೇಲ್' ಭಾಗ 2 ರ ಸ್ಕ್ರಿಪ್ಟ್ ಬರೆದು ಮುಗಿಸಿದ ಈ ಜೋಡಿ, ಇಂದು ಒಳ್ಳೆಯ ದಿನ ಎಂದು ಚಿತ್ರದ ಸ್ಕ್ರಿಪ್ಟ್ ಪೂಜೆ ನೆರವೇರಿಸಿದೆ. 'ಲವ್ ಮಾಕ್ಟೇಲ್' ಸಿನಿಮಾ ಹಿಟ್ ಆದ ಕಾರಣ ಚಿತ್ರದ ನಿರ್ದೇಶಕ ಕೃಷ್ಣ ಭಾಗ 2 ನ್ನು ತಯಾರಿಸಲು ನಿರ್ಧರಿಸಿದರು. ಲಾಕ್ಡೌನ್ನಲ್ಲಿ ಸುಮ್ಮನೆ ಕುಳಿತು ಸಮಯ ವ್ಯರ್ಥ ಮಾಡದೆ ಚಿತ್ರದ ಸ್ಕ್ರಿಪ್ಟ್ ಬರೆದು ಬೆಂಗಳೂರಿನ ಗಂಗಾನಗರದಲ್ಲಿ ಇರುವ ಆಂಜನೇಯ ಸ್ವಾಮಿ ದೇವಸ್ಥಾನದಲ್ಲಿ ಸರಳವಾಗಿ ಸ್ಕ್ರಿಪ್ಟ್ ಪೂಜೆಯನ್ನು ಈ ಪ್ರಣಯ ಪಕ್ಷಿಗಳು ಸೇರಿ ನೆರವೇರಿಸಿದ್ದಾರೆ.
ಲಾಕ್ಡೌನ್ ಸಂಪೂರ್ಣವಾಗಿ ಸಡಿಲಿಕೆ ಆದ ನಂತರ 'ಲವ್ ಮಾಕ್ಟೇಲ್' ಸೀಕ್ವೆಲ್ ಶೂಟಿಂಗ್ ಆರಂಭಿಸುವುದಾಗಿ ಚಿತ್ರತಂಡ ಹೇಳಿದೆ. ಭಾಗ 1 ರಲ್ಲಿ ಕೆಲಸ ಮಾಡಿದ್ದ ಸಂಗೀತ ನಿರ್ದೇಶಕ ರಘು ದೀಕ್ಷಿತ್, ಎಡಿಟರ್ ಹಾಗೂ ಕ್ಯಾಮರಾಮ್ಯಾನ್ ಕ್ರೇಜಿ ಮೈಂಡ್ ತಂಡ ಮತ್ತೆ ಭಾಗ 2 ರಲ್ಲಿ ಕೆಲಸ ಮಾಡಲಿದ್ದಾರಂತೆ. ಈ ಬಾರಿ ಕೂಡಾ ವರ್ಷದ ಕೊನೆಯಲ್ಲಿ ಸೀಕ್ವೆಲ್ ಬಿಡುಗಡೆ ಮಾಡಲು ಕೃಷ್ಣ ನಿರ್ಧರಿಸಿದ್ದಾರೆ. ಈ ಚಿತ್ರದ ಮೇಲೆ ಕೂಡಾ ನಿರೀಕ್ಷೆ ಹೆಚ್ಚಾಗಿದ್ದು ಜನರ ನಂಬಿಕೆಯನ್ನು ಸಿನಿಮಾ ಹೇಗೆ ಉಳಿಸಿಕೊಳ್ಳಲಿದೆ ಎಂಬುದನ್ನು ಕಾದು ನೋಡಬೇಕು.