ಈ ಸಿನಿಮಾಕ್ಕೆ ನಾಯಕ ನಾಯಕಿಯರೇ ಪ್ರೊಡ್ಯುಸರ್ಸ್​​​​​

ಕೆಲವು ವರ್ಷಗಳಿಂದ ಒಳ್ಳೆ ಕಥೆಗಳು ಹಾಗೂ ನಿರ್ದೇಶಕರು ಹುಡುಕಿಕೊಂಡು ಬಂದು ಸಿನಿಮಾ ಮಾಡ್ತಾರೆ ಅಂದುಕೊಂಡಿದ್ದ ಡಾರ್ಲಿಂಗ್ ಕೃಷ್ಣನಿಗೆ ಏನಾದ್ರು ಮಾಡಬೇಕು ಅಂದುಕೊಂಡ ಟೈಮಲ್ಲಿ ಹುಟ್ಟಿಕೊಂಡ ಚಿತ್ರವೇ ಲವ್ ಮಾಕ್ ಟೈಲ್.

ಸ್ಯಾಂಡಲ್​​​ವುಡ್​​​ನಲ್ಲಿ ಟೈಟಲ್​​ನಿಂದಲೇ ಟಾಕ್ ಆಗುತ್ತಿರುವ ಸಿನಿಮಾ 'ಲವ್ ಮಾಕ್ ಟೈಲ್'. ಮದರಂಗಿ ಸಿನಿಮಾ ಖ್ಯಾತಿಯ ಡಾರ್ಲಿಂಗ್ ಕೃಷ್ಣ ಈ ಸಿನಿಮಾದಲ್ಲಿ ನಟನೆಯ ಜೊತೆ ಆಕ್ಷನ್ ಕಟ್ ಹೇಳಿದ್ದಾರೆ. ಸದ್ಯ ಚಿತ್ರ ಟ್ರೈಲರ್ ಹಾಗೂ ಹಾಡುಗಳಿಂದಲೇ ಸಖತ್​​ ಸದ್ದು ಮಾಡುತ್ತಿದೆ.

ಕೆಲವು ವರ್ಷಗಳಿಂದ ಒಳ್ಳೆ ಕಥೆಗಳನ್ನು ನಿರ್ದೇಶಕರು ಮತ್ತು ನಿರ್ಮಾಪಕರು ಹುಡುಕಿಕೊಂಡು ಬಂದು ಸಿನಿಮಾ ಮಾಡ್ತಾರೆ ಅಂದುಕೊಂಡಿದ್ದ ಡಾರ್ಲಿಂಗ್ ಕೃಷ್ಣನಿಗೆ ಏನಾದ್ರು ಮಾಡಬೇಕು ಅಂದುಕೊಂಡ ಟೈಮಲ್ಲಿ ಹುಟ್ಟಿಕೊಂಡ ಚಿತ್ರವೇ ಲವ್ ಮಾಕ್ ಟೈಲ್. ಸಿನಿಮಾದಲ್ಲಿ ಡಾರ್ಲಿಂಗ್ ಕೃಷ್ಣ ಮೂರು ಶೇಡ್​​ನಲ್ಲಿ ಅಭಿನಯಿಸಿದ್ದಾರೆ. ಮಿಲನ ನಾಗರಾಜ್ ಈ ಚಿತ್ರಕ್ಕೆ ಹೀರೋಯಿನ್ ಆಗೋದಿಕ್ಕೆ ಬಂದು, ನಿರ್ಮಾಪಕಿ ಆಗಿರೋದು ಅಚ್ಚರಿ.

ಮಿಲನ ನಾಗರಾಜ್ ಹೇಳಿದಂತೆ, ನಟಿ, ಅಲ್ಲದೇ , ಪ್ರೊಡಕ್ಷನ್ ಕೆಲಸ, ಮೇಕಪ್, ಸೆಟ್ಟು, ಡಿಸೈನ್, ಹೀಗೆ ಎಲ್ಲಾ ತರಹದ ಕೆಲಸವನ್ನ ಸಂಭಾವನೆ ಇಲ್ಲದೆ ಮಾಡಿದ್ದಾರಂತೆ. ಇನ್ನೂ ಅಮೃತಾ ಅಯ್ಯಂಗಾರ್ ಚಿತ್ರದಲ್ಲಿ ಮೂರು ಜನ ನಾಯಕಿಯರಲ್ಲಿ ಒಬ್ಬರಂತೆ.

ರಘು ದೀಕ್ಷಿತ್ ಸಂಗೀತ, ಶ್ರೀ ಕ್ರೇಜಿಮೈಂಡ್ಸ್ ಛಾಯಾಗ್ರಹಣದಲ್ಲಿ ಮೂಡಿ ಬಂದಿರುವ ಈ ಸಿನಿಮಾ ಇದೇ 31ಕ್ಕೆ 150ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ರಿಲೀಸ್ ಆಗಲಿದೆ.