ರಿಲೀಸ್​​ಗೂ ಮುನ್ನವೇ ನಿರ್ಮಾಪಕರ ಜೇಬು ತುಂಬಿಸಿದ 'ಬ್ರಹ್ಮಚಾರಿ'

ಕೆಜಿಎಫ್, ಪೈಲ್ವಾನ್ ಮುಂತಾದ ದೊಡ್ಡ ಬಜೆಟ್‌ನ ಸಿನಿಮಾಗಳನ್ನು ವಿತರಣೆ ಮಾಡಿರುವ ಕೆಆರ್​​ಜಿ ಸ್ಟುಡಿಯೋಸ್​ನ ಕಾರ್ತಿಕ್ ಗೌಡ, 'ಬ್ರಹ್ಮಚಾರಿ' ಚಿತ್ರದ ವಿತರಣೆ ಹಕ್ಕನ್ನು ಖರೀದಿಸಿದ್ದಾರೆ.

ಟ್ರೇಲರ್ ಹಾಗೂ ಹಾಡುಗಳಿಂದಲೇ ಸಖತ್ ಸೌಂಡ್ ಮಾಡುತ್ತಿರುವ ಸ್ಯಾಂಡಲ್​​ವುಡ್​​ನ ಸಿನಿಮಾ 'ಬ್ರಹ್ಮಚಾರಿ' ರಿಲೀಸ್​ಗೂ ಮುನ್ನವೇ ಸೇಲಾಗಿದೆ.

ಕೆಜಿಎಫ್, ಪೈಲ್ವಾನ್ ಅಂತಹ ಬಿಗ್ ಸಿನಿಮಾಗಳನ್ನು ವಿತರಿಸಿದ ಕೆಆರ್​​ಜಿ ಸ್ಟುಡಿಯೋಸ್​ನ ಕಾರ್ತಿಕ್ ಗೌಡ, 'ಬ್ರಹ್ಮಚಾರಿ' ಚಿತ್ರದ ವಿತರಣೆ ಹಕ್ಕನ್ನು ಖರೀದಿಸಿದ್ದಾರೆ. ಈ ವಿಷಯವನ್ನು ಚಿತ್ರದ ನಿರ್ಮಾಪಕ ಉದಯ್ ಮೆಹ್ತಾ ಅವರೇ ಖಚಿತ ಪಡಿಸಿದ್ದು ನನ್ನ ಬ್ಯಾನರ್​ನ ಯಾವ ಚಿತ್ರವೂ ರಿಲೀಸ್​​ಗೂ ಮುನ್ನ ಸೇಲಾಗಿರಲಿಲ್ಲ. ಈ ಚಿತ್ರದ ಮೇಲೆ ಅವರಿಗೆ ಇರುವ ನಂಬಿಕೆ ಹಾಗೂ ಚಿತ್ರದ ಟ್ರೇಲರ್​​ಗೆ ಸಿಕ್ಕಿರೋ ರೆಸ್ಪಾನ್ಸ್‌ನಿಂದ ಕೆಆರ್​​ಜಿ ಸ್ಟುಡಿಯೋಸ್​ನ ಕಾರ್ತಿಕ್ ಗೌಡ ನಮ್ಮ ಜೊತೆ ಅಸೋಷಿಯೇಟ್ ಆಗಿದ್ದಾರೆ ಎಂದರು.

ಅಲ್ಲದೇ ಬ್ರಹ್ಮಚಾರಿ ಚಿತ್ರವನ್ನು ಕರ್ನಾಟಕ ಮಾತ್ರವಲ್ಲದೆ ಬೇರೆ ರಾಜ್ಯಗಳಲ್ಲೂ ಬಿಡುಗಡೆ ಮಾಡುವ ಪ್ಲಾನ್ ಇದ್ದು, ಮಾತುಕತೆ ನಡೆಯುತ್ತಿದೆ. ಆದರೆ ವಿದೇಶದಲ್ಲಿ ಬೇರೆ ವಿತರಕರು ರಿಲೀಸ್ ಮಾಡ್ತಾರೆ ಎಂದು ಉದಯ್ ಮೆಹ್ತಾ 'ಬ್ರಹ್ಮಚಾರಿ' ಬ್ಯುಸಿನೆಸ್ ಬಗ್ಗೆ ಹೇಳಿದ್ರು.