ರಕ್ಷಿತ ಗರಂ
ಪ್ರೇಮ್ ಮುಂದಿನ ಸಿನಿಮಾ ಬಗ್ಗೆ ಕೇಳಿದ್ದಕ್ಕೆ ಮಾಧ್ಯಮದವರ ಮೇಲೆ ರಕ್ಷಿತ ಗರಂ! - undefined
ನಟಿ, ನಿರ್ಮಾಪಕಿ ರಕ್ಷಿತ ಪ್ರೇಮ್ ಮಾಧ್ಯಮದವರ ಮೇಲೆ ಕೋಪಗೊಂಡಿದ್ದಾರೆ. ಪ್ರೇಮ್ ಅವರ ಮುಂದಿನ ಸಿನಿಮಾ 'ಕಲಿ ' ಬಗ್ಗೆ ಕೇಳಿದ ಪ್ರಶ್ನೆಗೆ ರಕ್ಷಿತಾ ಗರಂ ಆಗಿ ತಮಗೂ ಅದಕ್ಕೂ ಯಾವುದೇ ಸಂಬಂಧ ಇಲ್ಲವೆನ್ನುವಂತೆ ವರ್ತಿಸಿದ್ದಾರೆ.
ರಕ್ಷಿತ ಪ್ರೇಮ್
ಬಾಲಿವುಡ್, ಕಾಲಿವುಡ್, ಟಾಲಿವುಡ್, ಮಾಲಿವುಡ್ ಸೇರಿ ಭಾರತೀಯ ಚಿತ್ರರಂಗದ 6 ಪ್ರಖ್ಯಾತ ನಾಯಕರನ್ನು ಕರೆತಂದು ಮುಂದಿನ ಸಿನಿಮಾ ಮಾಡುವುದಾಗಿ 'ವಿಲನ್' ಚಿತ್ರ ಬಿಡುಗಡೆ ವೇಳೆ ಪ್ರೇಮ್ ಹೇಳಿಕೊಂಡಿದ್ದರು. ಮೊನ್ನೆ ಕೂಡಾ ಫೇಸ್ಬುಕ್ ಲೈವ್ನಲ್ಲೂ ಪ್ರೇಮ್ ಈ ವಿಷಯ ಹೇಳಿಕೊಂಡಿದ್ದರು. ಇಂದು ಮಾಧ್ಯಮದವರು ಈ ಬಗ್ಗೆ ರಕ್ಷಿತ ಅವರನ್ನು ಕೇಳಿದಾಗ ತಮ್ಮ ಪತಿಗೂ, ಅವರ ಸಿನಿಮಾಗೂ ತಮಗೂ ಯಾವ ಸಂಬಂಧವೇ ಇಲ್ಲದಂತೆ ರಕ್ಷಿತ ಗರಂ ಆದರು.
'ನೀವೆಲ್ಲಾ ಸ್ಟುಪಿಡ್ಗಳಂತೆ ಪ್ರಶ್ನೆ ಕೇಳಿದರೆ ನನಗೆ ಉತ್ತರಿಸಲು ಆಗಲ್ಲ, ನನಗೆ ಈ ಬಗ್ಗೆ ಗೊತ್ತಿಲ್ಲ. ಈ ಪ್ರಶ್ನೆಯನ್ನು ನೀವು ಪ್ರೇಮ್ ಅವರ ಬಳಿಯೇ ಕೇಳಬೇಕು' ಎಂದು ರಕ್ಷಿತ ಪ್ರತಿಕ್ರಿಯಿಸಿದ್ದಾರೆ. ವಿಲನ್ ಚಿತ್ರದ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ಟ್ರೋಲ್ ಮಾಡಿದವರ ಮೇಲಿನ ಕೋಪವನ್ನು ರಕ್ಷಿತ ಮಾಧ್ಯಮದವರ ಮೇಲೆ ತೋರಿದ್ದಾರೆ ಎನ್ನಲಾಗಿದೆ.