ಪ್ರಜ್ವಲ್ ದೇವರಾಜ್ ಮೇಲೆ ಅಟ್ಯಾಕ್ ಮಾಡಿದ ಸ್ನೇಹಿತರ ಮಕ್ಕಳು...!

ಚಿರಂಜೀವಿ ಸರ್ಜಾ ಮೊದಲ ತಿಂಗಳ ಪುಣ್ಯತಿಥಿ ಕಾರ್ಯಕ್ಕೆ ಸ್ನೇಹಿತರೆಲ್ಲಾ ಜೊತೆ ಸೇರಿದ್ದು ಪ್ರಜ್ವಲ್ ತಮ್ಮ ಸ್ನೇಹಿತರ ಮಕ್ಕಳೊಂದಿಗೆ ಎಂಜಾಯ್ ಮಾಡಿದ್ದಾರೆ. ಈ ವಿಡಿಯೋವನ್ನು ಪನ್ನಗಾಭರಣ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.

ಕನ್ನಡ ಚಿತ್ರರಂಗದಲ್ಲಿ ವಿಭಿನ್ನ ಸಿನಿಮಾಗಳ ಮೂಲಕ ಸಿನಿಪ್ರಿಯರ ಮನ ಗೆದ್ದಿರುವ ಪ್ರಜ್ವಲ್ ದೇವರಾಜ್​ ತಮ್ಮ ಪತ್ನಿ ರಾಗಿಣಿ ಚಂದ್ರನ್ ಅವರನ್ನು ಕೂಡಾ 'ಲಾ' ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಕರೆತಂದಿದ್ದಾರೆ.

ಚಿತ್ರರಂಗದಲ್ಲಿ ಎಲ್ಲರೊಂದಿಗೆ ಆತ್ಮೀಯರಾಗಿರುವ ಪ್ರಜ್ವಲ್ ಮೇಲೆ ಅವರ ಸ್ನೇಹಿತರ ಮಕ್ಕಳೇ ಅಟ್ಯಾಕ್ ಮಾಡಿದ್ದಾರೆ. ಇದೇನಪ್ಪಾ ಏನಾಯ್ತು ಅಂತ ಗಾಬರಿಯಾಗಬೇಡಿ. ಪ್ರಜ್ವಲ್​​​​​ಗೆ ಚಿರಂಜೀವಿ ಸರ್ಜಾ, ಪನ್ನಗಾಭರಣ ಸೇರಿ ಚಿತ್ರರಂಗದಲ್ಲಿ ಅನೇಕ ಆತ್ಮೀಯ ಸ್ನೇಹಿತರಿದ್ದಾರೆ. ಗೆಳೆಯ ಚಿರು ಅಗಲಿಕೆಯನ್ನು ಯಾರಿಗೂ ಅರಗಿಸಿಕೊಳ್ಳಲಾಗುತ್ತಿಲ್ಲ.

ಚಿರಂಜೀವಿ ಸರ್ಜಾ ಸ್ನೇಹಿತರ ಬಳಗ

ಇನ್ನು ಸೋಮವಾರ ಚಿರು ಮೊದಲ ತಿಂಗಳ ಪುಣ್ಯತಿಥಿ ಕಾರ್ಯ ನೆರವೇರಿತ್ತು. ಈ ಕಾರ್ಯಕ್ಕೆ ಚಿರು ಎಲ್ಲಾ ಗೆಳೆಯರು ಹಾಜರಾಗಿದ್ದರು. ಮಕ್ಕಳೊಂದಿಗೆ ಆಟವಾಡುತ್ತಾ ತಮ್ಮ ನೋವನ್ನು ಮರೆಯುವ ಪ್ರಯತ್ನ ಮಾಡಿದ್ದಾರೆ ಪ್ರಜ್ವಲ್​. ಪನ್ನಗಾಭರಣ ಹಾಗೂ ಮತ್ತೊಬ್ಬ ಗೆಳೆಯನ ಪುತ್ರನೊಂದಿಗೆ ಪ್ರಜ್ವಲ್ ಆಟವಾಡಿದ್ದಾರೆ. ಈ ವೇಳೆ ಆ ಮಕ್ಕಳು ಪ್ರಜ್ವಲ್ ಮೇಲೆ ಬಿದ್ದು ಅವರ ಬಟ್ಟೆಯನ್ನು ಎಳೆದಾಡಿದ್ದಾರೆ. ಈ ಕ್ಷಣವನ್ನು ಪ್ರಜ್ವಲ್ ಬಹಳ ಎಂಜಾಯ್ ಮಾಡಿದ್ದಾರೆ. ಸ್ನೇಹಿತರು ಈ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಅಪ್​​ಲೋಡ್ ಮಾಡಿದ್ದಾರೆ.

ಪ್ರಜ್ವಲ್ ಹಾಗೂ ಸ್ನೇಹಿತರು