ಎಲ್ಲವೂ ಸರಿ ಇದ್ದಿದ್ದರೆ ಇಷ್ಟೊತ್ತಿಗಾಗಲೇ ಕೆಜಿಎಫ್ 2 ಚಿತ್ರ ತೆರೆಕಂಡು ಸದ್ದು ಮಾಡುತ್ತಿತ್ತು. ಆದ್ರೆ ಕ್ರೂರ ಕೊರೊನಾ ಹಾವಳಿಯಿಂದ ಇನ್ನೂ ಕೂಡ ಚಿತ್ರ ಶೂಟಿಂಗ್ ಹಂತದಲ್ಲೇ ಇದೆ. ಒಂದಿಲ್ಲೊಂದು ರೀತಿಯಲ್ಲಿ ಕುತೂಹಲ ಮೂಡಿಸುತ್ತಿರುವ ಈ ಚಿತ್ರತಂಡ ಇದೀಗ ಚಿತ್ರಾಭಿಮಾನಿಗಳಿಗೆ ಮತ್ತೊಂದು ಕುತೂಹಲ ಮೂಡಿಸಿದೆ.
ಹೌದು, ಇಂದು ಶ್ರೀನಿಧಿ ಶೆಟ್ಟಿ ಹುಟ್ಟುಹಬ್ಬವಿದ್ದು ಇದರ ಪ್ರಯುಕ್ತ ಕೆಜಿಎಫ್ 2ನ ರೀನಾಳ ಫಸ್ಟ್ಲುಕ್ ರಿವೀಲ್ ಆಗಿದೆ. ಈ ಫೋಟೋವನ್ನು ಶ್ರೀನಿಧಿ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಪೋಸ್ಟ್ ಮಾಡಿದ್ದಾರೆ. ಬ್ಲಾಕ್ ಡ್ರೆಸ್ನಲ್ಲಿ ಬಾಗಿಲ ಬಳಿ ತಲೆ ತಗ್ಗಿಸಿ ನಿಂತಿರುವ ಭಂಗಿಯಲ್ಲಿ ರೀನಾ ಕಾಣುತ್ತಾರೆ.