ಪವರ್‌ಫುಲ್ 'ಕೆಜಿಎಫ್' ಸಿನಿಮಾ ಬಿಡುಗಡೆಯಾಗಿ ಇಂದಿಗೆ 3 ವರ್ಷ : ಮೇಕಿಂಗ್​ ವಿಡಿಯೋ ಬಿಡುಗಡೆ ಮಾಡಿದ ಹೊಂಬಾಳೆ

ಹೊಂಬಾಳೆ ಫಿಲಂಸ್​ ಸಂಸ್ಥೆಯಡಿ ನಿರ್ಮಾಪಕ, ವಿಜಯ್ ಕಿರಗಂದೂರ್ ಬರೋಬ್ಬರಿ ₹80 ಕೋಟಿ ವೆಚ್ಚದಲ್ಲಿ ಕೆಜಿಎಫ್ ಸಿನಿಮಾ ನಿರ್ಮಾಣ ಮಾಡಿದರು. ಈ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಎಲ್ಲಾ ಭಾಷೆ ಸೇರಿ ₹200 ಕೋಟಿ ಕಲೆಕ್ಷನ್ ಮಾಡಿ ರೆಕಾರ್ಡ್​ ಮಾಡಿತ್ತು. ಈ ಸಿನಿಮಾ ಭಾರತೀಯ ಚಿತ್ರರಂಗದಲ್ಲಿ ಮಾಸ್ಟರ್ ಪೀಸ್ ಅಂತಾ ಕರೆಯಿಸಿಕೊಂಡಿತ್ತು..

ರಾಕಿಂಗ್ ಸ್ಟಾರ್ ಯಶ್ ಹಾಗೂ ನಿರ್ದೇಶಕ ಪ್ರಶಾಂತ್ ನೀಲ್ ಕಾಂಬಿನೇಷನ್​ನಲ್ಲಿ ಬಂದ ಕೆಜಿಎಫ್ ಸಿನಿಮಾ ಬಿಡುಗಡೆ ಆಗಿ ಇಂದಿಗೆ 3 ವರ್ಷ ಆಗುತ್ತಿದೆ. 2018ರ ಡಿಸೆಂಬರ್ 21ರಂದು ಕೆಜಿಎಫ್ ಸಿನಿಮಾ ಕನ್ನಡ, ತೆಲುಗು, ತಮಿಳು, ಹಿಂದಿ ಹಾಗೂ ಮಲೆಯಾಳಂ ಭಾಷೆಯಲ್ಲಿ ಬಿಡುಗಡೆ ಆಗಿ ಭಾರತೀಯ ಸಿನಿಮಾರಂಗದಲ್ಲಿ ಹೊಸ ಸಂಚನಲ ಸೃಷ್ಟಿಸಿತ್ತು. ಈ ಸಿನಿಮಾ ಯಶ್ ಅವರನ್ನ ನ್ಯಾಷನಲ್ ಸ್ಟಾರ್ ಮಾಡಿತ್ತು. ಇನ್ನು ಎರಡನೇ ಸಿನಿಮಾಗೆ ನಿರ್ದೇಶಕ ಪ್ರಶಾಂತ್ ನೀಲ್ ವಿಶ್ವದ ಗಮನ ಸೆಳೆದರು.

ಅಂದು ಕೆಜಿಎಫ್ ಸಿನಿಮಾದ ಬಗ್ಗೆ ಸೋಷಿಯಲ್ ಮೀಡಿಯಾದಿಂದ ಹಿಡಿದು, ಟಿವಿ, ಪೇಪರ್​ನಲ್ಲಿ ಕೆಜಿಎಫ್ ಸಿನಿಮಾದೇ ದೊಡ್ಡ ಸುದ್ದಿಯಾಗಿತ್ತು. ಅಷ್ಟೇ ಅಲ್ಲ, ಕನ್ನಡ ಚಿತ್ರರಂಗವನ್ನ ಅಂತಾರಾಷ್ಟ್ರಿಯ ಮಟ್ಟದಲ್ಲಿ ಗುರುತಿಸುವ ಕಾರ್ಯ ಮಾಡಿತ್ತು. ಸದ್ಯ ಸಿನಿಮಾವನ್ನ ಅದ್ದೂರಿಯಾಗಿ ನಿರ್ಮಾಣ ಮಾಡಿದ್ದ ಹೊಂಬಾಳೆ ಫಿಲಂಸ್​ ಸಂಸ್ಥೆ, ಕೆಜಿಎಫ್ ಸಿನಿಮಾದ ಸಕ್ಸಸ್ ಜರ್ನಿ ಬಗ್ಗೆ, ಎರಡು ನಿಮಿಷ 51 ಸೆಕೆಂಡ್​ನ ವಿಡಿಯೋ ಒಂದನ್ನ ಬಿಡುಗಡೆ ಮಾಡಿ, ಕೆಜಿಎಫ್​ ಮೇಕಿಂಗ್​ ರೋಚಕ ಕ್ಷಣಗಳನ್ನ ಅಭಿಮಾನಿಗಳ ಮುಂದಿಟ್ಟಿದೆ.

kgf making video :ಕೆಜಿಎಫ್ ಅದ್ದೂರಿ ಮೇಕಿಂಗ್, ಯಶ್ ಎಂಟ್ರಿ, ಗರುಡ ರಾಮ್, ಸನ್ನಿವೇಶಗಳು, ನಿರ್ದೇಶಕ ಪ್ರಶಾಂತ್ ನೀಲ್ ನಿರ್ದೇಶನದ ಸ್ಟೈಲ್, ಭುವನ್ ಗೌಡ ಕ್ಯಾಮೆರಾವರ್ಕ್, ಸಾವಿರಾರು ಜನ ಜೂನಿಯರ್ ಕಲಾವಿದರು, ಇನ್ನು ಕೆಜಿಎಫ್ ಯಸ್ಸಿನಿಂದ, ಕೆಜಿಎಫ್ ಚಾಪ್ಟರ್ ಜರ್ನಿ ಶುರುವಾಗಿದೆ.

ಹಿರಿಯ ನಟ ಅನಂತ್ ನಾಗ್ ಹಿನ್ನೆಲೆ ಧ್ವನಿ, ಸಂಜಯ್ ದತ್ ಮೇಕಿಂಗ್, ರವೀನಾ ಟೆಂಡನ್ ಸೇರಿದಂತೆ ಸಾಕಷ್ಟು ಕಲಾವಿದರ ಎಂಟ್ರಿ, ಕೆಜಿಎಫ್ ಚಾಪ್ಟರ್ 2 ಟ್ರೈಲರ್ ಬರೆದ ದಾಖಲೆ ಹಾಗೂ ಯಶ್ ಕ್ಷಣ ಮಾತ್ರದಲ್ಲಿ ಫೈಯರ್ ಮಾಡುವ ಟ್ರೈಲರ್‌ನ ಕೊನೆ ಸೀನ್‌ಗಳನ್ನ ಈ ವಿಡಿಯೋದಲ್ಲಿ ತೋರಿಸಲಾಗಿದೆ. ಕೆಜಿಎಫ್ ಒನ್ ಚಿತ್ರದಲ್ಲಿ ಯಶ್ ರೆಟ್ರೂ ಲುಕ್, ಅನಂತ್ ನಾಗ್, ನಾಗಭರಣ, ಶ್ರೀನಿಧಿ ಶೆಟ್ಟಿ, ಅಯ್ಯಪ್ಪ, ಬಿ ಸುರೇಶ್ ಸೇರಿದಂತೆ ಸಾಕಷ್ಟು ತಾರೆಯರು ಈ ಚಿತ್ರದಲ್ಲಿ ಕಾಣಿಸಿದರು.

ಹೊಂಬಾಳೆ ಫಿಲಂಸ್​ ಸಂಸ್ಥೆಯಡಿ ನಿರ್ಮಾಪಕ, ವಿಜಯ್ ಕಿರಗಂದೂರ್ ಬರೋಬ್ಬರಿ ₹80 ಕೋಟಿ ವೆಚ್ಚದಲ್ಲಿ ಕೆಜಿಎಫ್ ಸಿನಿಮಾ ನಿರ್ಮಾಣ ಮಾಡಿದರು. ಈ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಎಲ್ಲಾ ಭಾಷೆ ಸೇರಿ ₹200 ಕೋಟಿ ಕಲೆಕ್ಷನ್ ಮಾಡಿ ರೆಕಾರ್ಡ್​ ಮಾಡಿತ್ತು. ಸಂಗೀತ ನಿರ್ದೇಶಕ ರವಿ ಬಸ್ರೂರ್ ಸಂಗೀತ, ಕ್ಯಾಮೆರಾಮ್ಯಾನ್ ಭುವನ್ ಗೌಡ ಕ್ಯಾಮೆರಾ ಕೈಚಳಕದಿಂದ ಕೆಜಿಎಫ್ ಸಿನಿಮಾ ಭಾರತೀಯ ಚಿತ್ರರಂಗದಲ್ಲಿ ಮಾಸ್ಟರ್ ಪೀಸ್ ಸಿನಿಮಾ ಅಂತಾ ಕರೆಯಿಸಿಕೊಂಡಿತ್ತು.

ಇನ್ನು ಕೆಜಿಎಫ್ ಚಾಪ್ಟರ್ 2 ಸಿನಿಮಾ 2022ರ ಏಪ್ರಿಲ್ 14ಕ್ಕೆ ವಿಶ್ವದ್ಯಾಂತ ರಿಲೀಸ್ ಆಗೋದಕ್ಕೆ ಮುಹೂರ್ತ ಫಿಕ್ಸ್ ಆಗಿದೆ. ಈಗಾಗ್ಲೇ ಟ್ರೈಲರ್ ನಿಂದಲೇ ಇಂಡಿಯನ್ ಸಿನಿಮಾ ರಂಗದಲ್ಲಿ ಹೊಸ ದಾಖಲೆ ಮಾಡಿರೋ ಕೆಜಿಎಫ್ ಚಾಪ್ಟರ್ 2 ಬಿಡುಗಡೆ ಆದ್ಮೇಲೆ ಯಾವ ಯಾವ ದಾಖಲೆಗಳನ್ನ ಮಾಡುತ್ತೆ ಕಾದು ನೋಡಬೇಕು.