ಬಿಡುಗಡೆಗೆ ಮುನ್ನವೇ ಲೀಕ್​ : ಬಹುನಿರೀಕ್ಷಿತ ಕೆಜಿಎಫ್-2 ಟೀಸರ್​ ರಿಲೀಸ್​ ಮಾಡಿದ ಚಿತ್ರತಂಡ

21:36 January 07

ಕೆಜಿಎಫ್​ ಚಾಫ್ಟರ್​-2 ಸಿನಿಮಾ ಟೀಸರ್​ ಔಟ್​

ಕೆಜಿಎಫ್ ಕನ್ನಡ ಚಿತ್ರರಂಗ ಅಲ್ಲದೇ ಇಡೀ ವಿಶ್ವವೇ ತಿರುಗಿ ನೋಡುವಂತೆ ಮಾಡಿದ ಸಿನಿಮಾ. ಯಾವಾಗ ಕೆಜಿಎಫ್ ಚಾಪ್ಟರ್ 2 ಸಿನಿಮಾ ರಿಲೀಸ್ ಆಗುತ್ತೆ ಎಂದು ಕಾಯುತ್ತಿದ್ದ ಅಭಿಮಾನಿಗಳಿಗೆ ಯಶ್ ಹುಟ್ಟುಹಬ್ಬಕ್ಕೆ ಗುಡ್ ನ್ಯೂಸ್ ನೀಡಲು ಸಿದ್ಧಗೊಂಡಿತು.  

ಅಂದರೆ ನಾಳೆ ಯಶ್ ಹುಟ್ಟುಹಬ್ಬ ಇರುವ ಕಾರಣ, 10.18ಕ್ಕೆ ಕೆಜಿಎಫ್ ಚಾಪ್ಟರ್ 2 ಟೀಸರ್ ರಿಲೀಸ್ ಮಾಡೋದಿಕ್ಕೆ ಚಿತ್ರತಂದ ಸಿದ್ಧಗೊಂಡಿತು. ಆದರೆ ಹ್ಯಾಕರ್ಸ್​ ಕೆಜಿಎಫ್​ ಚಿತ್ರತಂಡಕ್ಕೆ ಶಾಕ್​ ನೀಡಿ ಕೆಜಿಎಫ್ ಚಾಪ್ಟರ್ 2 ಟೀಸರ್ ರಿಲೀಸ್​ ಮಾಡಿರುವ ಕಾರಣ ಇಂದು ರಾತ್ರಿ 9:29ಕ್ಕೆ ಟೀಸರ್​ ಲಾಂಚ್ ಮಾಡಿದೆ.  

ಕೆಜಿಎಫ್ ಚಾಪ್ಟರ್ 2 ಟೀಸರ್ ಬಹಳ ಅದ್ಧೂರಿಯಾಗಿ ಮೂಡಿ ಬಂದಿದೆ. ಅಧೀರನಾಗಿ ಸಂಜಯ್ ದತ್, ರಮೀಕಾ ಸೇನ್ ಪಾತ್ರದಲ್ಲಿ ರವೀನಾ ಟಂಡನ್ ಮಿಂಚಿದ್ದಾರೆ. ಇನ್ನು ರಾಕಿ ಬಾಯ್​ ಆಗಿ ಯಶ್​ ಮಿಂಚು ಹರಿಸಿದ್ದಾರೆ. 

21:22 January 07

ಕೆಜಿಎಫ್ ಚಾಪ್ಟರ್ 2 ಟೀಸರ್ ಬಿಡುಗಡೆ

ರಾಕಿಂಗ್​ ಸ್ಟಾರ್​ ಯಶ್​ ನಟನೆಯ ಬಹುನಿರೀಕ್ಷಿತ ಕೆಜಿಎಫ್​ ಚಾಫ್ಟರ್​-2 ಸಿನಿಮಾದ ಟೀಸರ್​ ಕೊನೆಗೂ ರಿಲೀಸ್​ ಆಗಿದೆ.  

ಹ್ಯಾಕರ್ಸ್​​ನಿಂದ ಕೆಜಿಎಫ್ ಚಾಪ್ಟರ್ 2 ಟೀಸರ್ ಲೀಕ್ ಆಗಿರುವ ಕಾರಣ ಇಂದು ರಾತ್ರಿ 9:29ಕ್ಕೆ ಕೆಜಿಎಫ್ ಚಿತ್ರತಂಡದಿಂದ ಟೀಸರ್​ ರಿಲೀಸ್​ ಆಗಿದೆ. ಈಗಾಗಲೇ ನಿರ್ಧರಿಸಿದಂತೆ ನಾಳೆ ಬೆಳಗ್ಗೆ 10:18ಕ್ಕೆ ರಿಲೀಸ್​ ಆಗಬೇಕಿದ್ದ ಟೀಸರ್​ ವಿಡಿಯೋ ಲೀಕ್​ ಆದ ಕಾರಣ ಚಿತ್ರತಂಡ ಇಂದೇ ಲಾಂಚ್ ಮಾಡಿದೆ.  

ಅಂದಹಾಗೆ, ಜ.8ರಂದು ಯಶ್‌ ಜನ್ಮದಿನ. ಆ ಪ್ರಯುಕ್ತ 'ಕೆಜಿಎಫ್‌ 2' ಟೀಸರ್‌ ರಿಲೀಸ್​ ಮಾಡಲು ನಿರ್ಧರಿಸಿದ್ದರು. ಇನ್ನು 2020ರಲ್ಲಿಯೇ ಈ ಸಿನಿಮಾ ತೆರೆಕಾಣಬೇಕಾಗಿತ್ತು. ಕೊರೊನಾ ವೈರಸ್‌ ಹಾವಳಿಯಿಂದ ಉಂಟಾದ ಲಾಕ್‌ಡೌನ್‌ನಿಂದಾಗಿ ಚಿತ್ರದ ಕೆಲಸಗಳು ಸ್ಥಗಿತಗೊಂಡಿದ್ದರಿಂದ ರಿಲೀಸ್‌ ತಡವಾಗಿದೆ. ಚಿತ್ರದಲ್ಲಿ ಬಾಲಿವುಡ್ ನಟ ಸಂಜಯ್​ ದತ್​, ರವೀನಾ ಟಂಡನ್​ ಸೇರಿದಂತೆ ಅನೇಕರು ನಟನೆ ಮಾಡಿದ್ದಾರೆ.