ಬೆಂಗಳೂರು: ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಬಹುನಿರೀಕ್ಷಿತ ಕೆಜಿಎಫ್ ಚಾಪ್ಟರ್-2 ಟೀಸರ್ ಬಿಡುಗಡೆಯಾಗಿ ಯೂ ಟ್ಯೂಬ್ನಲ್ಲಿ ವಿಶ್ವ ದಾಖಲೆ ನಿರ್ಮಿಸಿದೆ. ಅತ್ಯಂತ ಕಡಿಮೆ ಅವಧಿಯಲ್ಲಿ ನೂರು ಮಿಲಿಯನ್ ಮಂದಿ ಟೀಸರ್ ವೀಕ್ಷಿಸಿ ಹಳೇ ದಾಖಲೆಗಳು ಧೂಳಿಪಟ ಮಾಡಿ ಮುನ್ನುಗ್ಗುತ್ತಿದೆ.
ಕೆಜಿಎಫ್ ಚಾಪ್ಟರ್-2 ಟೀಸರ್ ಅಬ್ಬರ, ಹೊಸ ದಾಖಲೆ: ಯೂ- ಟ್ಯೂಬ್ನಲ್ಲಿ 10 ಕೋಟಿ ಮಂದಿ ವೀಕ್ಷಣೆ - Rocking Star Yash
ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್ ಚಾಪ್ಟರ್-2 ಟೀಸರ್ ಬಿಡುಗಡೆಯಾಗಿ ಯೂ ಟ್ಯೂಬ್ನಲ್ಲಿ ವಿಶ್ವ ದಾಖಲೆ ನಿರ್ಮಿಸಿದೆ. ತಮಿಳಿನ ಮಾಸ್ಟರ್, ತೆಲುಗಿನ ಆರ್ಆರ್ಆರ್,ಬಾಹುಬಲಿ ಸೇರಿದಂತೆ ಎಲ್ಲ ಸಿನಿಮಾ ಟೀಸರ್ಗಳ ದಾಖಲೆಯನ್ನು ಬ್ರೇಕ್ ಮಾಡಿ ಮುನ್ನುಗ್ಗುತ್ತಿದೆ.
ಕೆಜಿಎಫ್ ಚಾಪ್ಟರ್-2 ಟೀಸರ್ ಹೊಸ ದಾಖಲೆ
ಯಶ್ ಹುಟ್ಟುಹಬ್ಬಕ್ಕೆ ಬಿಡುಗಡೆಯಾಗಬೇಕಿದ್ದ ಟೀಸರ್ ಹ್ಯಾಕರ್ಸ್ಗಳಿಂದ ಲೀಕ್ ಆದ ಹಿನ್ನೆಲೆ ಚಿತ್ರ ತಂಡ ಒಂದು ದಿನ ಮುನ್ನವೇ ಟೀಸರ್ ಬಿಡುಗಡೆ ಮಾಡಿತ್ತು. ಕೆಜಿಎಫ್ ಸಿನಿಮಾ ಇಡೀ ಭಾರತದಲ್ಲಿ ದೊಡ್ಡ ಮಟ್ಟದ ಸಕ್ಸಸ್ ಕಂಡ ಕಾರಣ ಕೆಜಿಎಫ್ ಚಾಪ್ಟರ್-2 ಸಾಕಷ್ಟು ನೀರಿಕ್ಷೆ ಮೂಡಿಸಿತ್ತು. ಯಶ್,ಸಂಜಯ್ ದತ್, ರವೀನಾ ಟಂಡನ್,ಶ್ರೀನಿಧಿ ಶೆಟ್ಟಿ ಡಿಫರೆಂಟ್ ಗೆಟಪ್ ನೋಡುಗರನ್ನು ಟೀಸರ್ ಮೂಲಕವೇ ಹುಚ್ಚೆಬ್ಬೆಸಿದೆ.
ಸದ್ಯ ಕೆಜಿಎಫ್ ಚಾಪ್ಟರ್-2 ಟೀಸರ್ ಒಡುತ್ತಿರುವ ಸ್ಪೀಡ್ ನೋಡಿದ್ರೆ, ಸಾರ್ವಕಾರಿಕ ದಾಖಲೆ ನಿರ್ಮಿಸುವುದರಲ್ಲಿ ಯಾವುದೇ ಅನುಮಾನ ಇಲ್ಲ. ಟೀಸರ್ ನೂರು ಮಿಲಿಯನ್ ವೀಕ್ಷಣೆ ಕಂಡಿದ್ದಕ್ಕೆ ನಟ ಯಶ್ ಸಂತಸ ಹಂಚಿಕೊಂಡು ಅಭಿಮಾನಿಗಳಿಗೆ ಧನ್ಯವಾದ ಹೇಳಿದ್ದಾರೆ.