ಮುಂಬೈ : ಮುಂದಿನ ಹಾರರ್-ಕಾಮಿಡಿ ಚಿತ್ರ 'ಫೋನ್ ಬೂತ್'ನಲ್ಲಿ ಕಾಣಿಸಿಕೊಳ್ಳುವುದಾಗಿ ನಟಿ ಕತ್ರಿನಾ ಕೈಫ್, ಇಶಾನ್ ಖಟ್ಟರ್ ಮತ್ತು ಸಿದ್ಧಾಂತ್ ಚತುರ್ವೇದಿ ತಿಳಿಸಿದ್ದಾರೆ.
ತಮ್ಮ ಚಿತ್ರದ ಫಸ್ಟ್ ಲುಕ್‌ನ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ಮೂವರು ಸ್ಟಾರ್ಸ್, 2021ರಲ್ಲಿ ಚಿತ್ರ ಬಿಡುಗಡೆಗೊಳಿಸುವುದಾಗಿ ಘೋಷಿಸಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ಫಸ್ಟ್ಲುಕ್ನಲ್ಲಿ ಕತ್ರಿನಾ, ಸಿದ್ಧಾಂತ್ ಮತ್ತು ಇಶಾನ್ ಬಿಳಿ ಬಣ್ಣದ ಶರ್ಟ್ ಧರಿಸಿ ಅದರ ಮೇಲೆ ಕಪ್ಪು ಬಣ್ಣದ ಸೂಟ್‌ ಧರಿಸಿರುವುದು ಕಾಣಬಹುದು.
"ಬೂತ್ ಸಂಬಂಧಿತ ಎಲ್ಲಾ ಸಮಸ್ಯೆಗಳಿಗೆ ಒನ್-ಸ್ಟಾಪ್-ಶಾಪ್, 2021ರಲ್ಲಿ ಚಿತ್ರಮಂದಿರಗಳಲ್ಲಿ ಫೋನ್ ಬೂತ್ ರಿಂಗಣಿಸಲಿದೆ" ಎಂದು ಕತ್ರಿನಾ ಬರೆದುಕೊಂಡಿದ್ದಾರೆ. ಬೂತ್ ವರ್ಲ್ಡ್ನಲ್ಲಿ ತ್ರಿಬಲ್ ಟ್ರಬಲ್, ಭಯಕ್ಕೆ ಅವಕಾಶವಿದೆ, ಅದರ ಜೊತೆ ಜೊತೆಗೆನೆ ನೀವೂ ನಗ್ತೀರಾ.. ಫೋನ್ ಬೂತ್ 2021ರಲ್ಲಿ ಚಿತ್ರಮಂದಿರಗಳಲ್ಲಿ ರಿಂಗಣಿಸಲಿದೆ ಎಂದು ಗಲ್ಲಿ ಬಾಯ್ ನಟ ಸಿದ್ಧಾಂತ್ ಚತುರ್ವೇದಿ ಬರೆದುಕೊಂಡಿದ್ದಾರೆ.
ಕೋವಿಡ್ ಹಿನ್ನೆಲೆ ಕಳೆದ ಮಾರ್ಚ್ ತಿಂಗಳಿನಿಂದ ಚಿತ್ರದ ಫಸ್ಟ್ಲುಕ್ ಲಾಕ್ ಆಗಿತ್ತು ಎಂದು ಇಶಾನ್ ಖಟ್ಟರ್ ಹೇಳಿದ್ದಾರೆ. ಫೋನ್ ಬೂತ್‌ನ ಗುರ್ಮೀತ್ ಸಿಂಗ್ ನಿರ್ದೇಶನ ಮಾಡಲಿದ್ದಾರೆ.
