ತನ್ನ ತುಂಟತನದಿಂದ ಸೋಷಿಯಲ್ ಮೀಡಿಯಾದಲ್ಲಿ ಸೆನ್ಸೇಷನ್ ಕ್ರಿಯೆಟ್ ಮಾಡಿದ ಮುದ್ದು ಪುಟಾಣಿ ತೈಮೂರ್, ತಾಯಿ ಕರೀನಾ ಕಪೂರ್ ಜೊತೆ ಮೊದಲ ಬಾರಿಗೆ ಪರದೆ ಹಂಚಿಕೊಳ್ಳಲಿದ್ದಾನಂತೆ. ಹೀಗೊಂದು ಬಿಸಿ ಬಿಸಿ ಸುದ್ದಿ ಬಾಲಿವುಡ್ ಜಗತ್ತಿನಲ್ಲಿ ಹರಿದಾಡುತ್ತಿದೆ. ತೈಮೂರ್ ಅಲಿ ಖಾನ್, ಚೊಚ್ಚಲ ಚಿತ್ರದಲ್ಲಿ ಬಣ್ಣ ಹಚ್ಚಲಿದ್ದಾನೆಯೇ ಎಂಬ ಪ್ರಶ್ನೆಗೆ ತಾಯಿ ಕರೀನಾ ಕಪೂರ್ ಸಂದರ್ಶನವೊಂದರಲ್ಲಿ ಸ್ಪಷ್ಟನೆ ಕೊಟ್ಟಿದ್ದಾರೆ.
ಬೆಳ್ಳಿತೆರೆಗೆ ಬರ್ತಾನಾ ಸೈಫೀನಾ ಪುತ್ರ ತೈಮೂರ್? ಅಭಿಮಾನಿಗಳಲ್ಲಿ ಭಾರಿ ಕುತೂಹಲ! - news kannada
ಬಾಲಿವುಡ್ ಜೋಡಿ ಕರೀನಾ ಕಪೂರ್ ಮತ್ತು ಸೈಫ್ ಅಲಿ ಖಾನ್ ಅವರ ಮುದ್ದಿನ ಮಗ ತೈಮೂರ್ ಅಲಿ ಖಾನ್ ಇದೀಗ ಬಾಲಿವುಡ್ಗೆ ಪದಾರ್ಪಣೆ ಮಾಡಲಿದ್ದಾನಂತೆ. ಇಂಥದ್ದೊಂದು ಗಾಸಿಪ್ ಸುದ್ದಿಗೆ ಕರೀನಾ ಕಪೂರ್ ಉತ್ತರ ನೀಡಿದ್ದಾರೆ.
ಸಂಗ್ರಹ ಚಿತ್ರ
ಸಂದರ್ಶನದಲ್ಲಿ ಮಾತನಾಡುತ್ತಾ ತೈಮೂರ್ ಬಾಲಿವುಡ್ಗೆ ಪದಾರ್ಪಣೆ ಮಾಡುವುದನ್ನು ಕರೀನಾ ಅಲ್ಲಗಳೆದಿದ್ದಾರೆ. ಎಲ್ಲವೂ ಸರಿಯಾಗಿದೆ. ಆದ್ರೆ, ಅವನೇಕೆ ಸಿನಿಮಾದಲ್ಲಿ ಕಾಣಿಸಿಕೊಳ್ಳಬೇಕು ಎಂಬ ಪ್ರಶ್ನೆ ಹಾಕಿದ್ದಾರೆ. ಹಾಗಾಗಿ ಇದು ತೈಮೂರ್ನ ಕಾಳಜಿಯಿಂದ ಹೇಳಿದ ಮಾತೇ ಅಥವಾ ಸಿನಿಮಾ ಪ್ರಪಂಚ ಸಾಕೇ ಎಂಬ ಬಗ್ಗೆ ಅವರು ದ್ವಂದ್ವಾರ್ಥದ ಹೇಳಿಕೆ ಕೊಟ್ಟಿದ್ದಾರೆ. ತೈಮೂರ್ ಕ್ಯಾಮರಾ ಮುಂದೆ ಬರುವುದಕ್ಕೆ ಅಭಿಮಾನಿಗಳು ಕಾತರರಾಗಿದ್ದಾರೆ. ಇದರಲ್ಲಿ ಅವರ ತಪ್ಪೇನು ಇಲ್ಲ. ಇದು ಸಹಜ ಎಂದಿರುವ ಕರೀನಾ ತಮ್ಮ ಮುಂದಿನ ಚಿತ್ರದ ಬಗ್ಗೆಯೂ ಉತ್ಸುಕತೆ ತೋರಿಸಿದ್ದಾರೆ.
'ಕಿಲಾಡಿ' ಖ್ಯಾತಿಯ ಅಕ್ಷಯ್ ಕುಮಾರ್ ನಟನೆಯ 'ಗುಡ್ ನ್ಯೂಸ್' ಎಂಬ ಚಿತ್ರದಲ್ಲಿ ಕರೀನಾ ಬಹಳ ದಿನಗಳ ನಂತರ ಮತ್ತೆ ಬೆಳ್ಳಿತೆರೆಗೆ ಮರಳಿದ್ದು ಚಿತ್ರ ಈ ವರ್ಷ ಬಿಡುಗಡೆಯಾಗಲಿದೆಯಂತೆ.