ನಾಳೆ ತೆರೆ ಕಾಣುತ್ತಿವೆ ಕನ್ನಡದ ಈ ಸಿನಿಮಾಗಳು!

ನಾಳೆ ಅಂದ್ರೆ ಫೆ. 5ರಿಂದ ಪೂರ್ಣ ಪ್ರಮಾಣದಲ್ಲಿ ಚಿತ್ರಮಂದಿರಗಳನ್ನು ತೆರೆಯುವುದಕ್ಕೆ ಗ್ರೀನ್​​ ಸಿಗ್ನಲ್​ ಸಿಕ್ಕಿದೆ. ಈ ಹಿನ್ನೆಲೆಯಲ್ಲಿ ನಾಳೆ ಯಾವೆಲ್ಲಾ ಸಿನಿಮಾಗಳು ಕನ್ನಡದಲ್ಲಿ ತೆರ ಕಾಣಲಿವೆ ಎಂಬುದನ್ನು ನೋಡೋಣ. ನಾಳೆ ಪ್ರಮುಖವಾಗಿ ಮೂರು ಸಿನಿಮಾಗಳು ರಿಲೀಸ್​​ ಆಗುತ್ತಿವೆ.

ರಾಜ್ಯ ಸರ್ಕಾರದ ಆರೋಗ್ಯ ಸಚಿವರು ಮತ್ತು ಕನ್ನಡ ಚಿತ್ರರಂಗದ ಗಣ್ಯರ ಜೊತೆ ಸಭೆ ನಡೆದು ಅಂತಿಮವಾಗಿ ಥಿಯೇಟರ್​ಗಳ ಹೌಸ್​ಫುಲ್​​ಗೆ ಅವಕಾಶ ನೀಡಲಾಗಿದೆ. ಸರ್ಕಾರವು 100ರಷ್ಟು ಪ್ರೇಕ್ಷಕರಿಗೆ ಅವಕಾಶ ಕೊಟ್ಟ ಹಿನ್ನೆಲೆಯಲ್ಲಿ ಸಿನಿಮಾ ಥಿಯೇಟರ್​​ಗಳ ಶುಚಿ ಕಾರ್ಯ ಜೋರಾಗಿ ನಡೆಯುತ್ತಿದೆ. ಸರ್ಕಾರವು ನಾಳೆ ಅಂದ್ರೆ ಫೆ. 5ರಿಂದ ಪೂರ್ಣ ಪ್ರಮಾಣದಲ್ಲಿ ಚಿತ್ರಮಂದಿರಗಳನ್ನು ತೆರೆಯುವುದಕ್ಕೆ ಗ್ರೀನ್​​ ಸಿಗ್ನಲ್​ ನೀಡಿದೆ.

ಪ್ರಜ್ವಲ್​ ದೇವರಾಜ್​​ ಅಭಿನಯದ ಇನ್ಸ್​ಪೆಕ್ಟರ್​​ ವಿಕ್ರಮ್ ನಾಳೆ ರಿಲೀಸ್​​ ಆಗುತ್ತಿದೆ. ಈ ಸಿನಿಮಾಕ್ಕೆ ಶ್ರೀ ನರಸಿಂಹ ಆ್ಯಕ್ಷನ್​ ಕಟ್​​ ಹೇಳಿದ್ದು, ಚಿತ್ರದಲ್ಲಿ ದರ್ಶನ್​ ಅತಿಥಿ ಪಾತ್ರದಲ್ಲಿ ನಟಿಸಿದ್ದಾರೆ. ಈ ವಿಚಾರ ಡಿ ಬಾಸ್​ ಅಭಿಮಾನಿಗಳಿಗೆ ಸಂತಸ ತಂದಿದೆ.

ಇನ್ಸ್​ಪೆಕ್ಟರ್​​ ವಿಕ್ರಮ್

ಇನ್ನು ಮರಿ ಟೈಗರ್​ ನಟನೆಯ ಶ್ಯಾಡೋ ಸಿನಿಮಾ ಕೂಡ ನಾಳೆ ಚಿತ್ರಮಂದಿರಕ್ಕೆ ಲಗ್ಗ ಇಡುತ್ತಿದೆ. ಈ ಸಿನಿಮಾಕ್ಕೆ ರವಿಗೌಡ ನಿರ್ದೇಶನವಿದ್ದು, ಚಕ್ರವರ್ತಿ ಬಂಡವಾಳ ಹಾಕಿದ್ದಾರೆ. ಈ ಸಿನಿಮಾಕ್ಕಾಗಿ ವಿನೋದ್​ ಪ್ರಭಾಕರ್​​ ಸಖತ್ತಾಗಿ ದೇಹವನ್ನು ದಂಡಿಸಿದ್ದಾರೆ.

ಶ್ಯಾಡೋ

ಇನ್ನು ಹಾಸ್ಯಭರಿತ ಸಿನಿಮಾವಾದ ಮಂಗಳವಾರ ರಜಾ ದಿನ ಸಿನಿಮಾ ಕೂಡ ನಾಳೆಯೇ ತೆರೆ ಕಾಣುತ್ತಿದೆ. ಈ ಸಿನಿಮಾದಲ್ಲಿ ಬಿಗ್​ ಬಾಸ್​​ ಖ್ಯಾತಿಯ ಚಂದನ್​​ ಗೌಡ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.

ಮಂಗಳವಾರ ರಜಾ ದಿನ