ರಕ್ಷಿತ್ ಶೆಟ್ಟಿ​ ಜೊತೆ ನಟಿಸಲು ಇಲ್ಲಿದೆ ಸುವರ್ಣಾವಕಾಶ!

‘ಸಪ್ತ ಸಾಗರದಾಚೆಯೆಲ್ಲೋ...’ ಸಿನಿಮಾಕ್ಕೆ ಇದೀಗ ಪಾತ್ರವರ್ಗ ಬೇಕಿದ್ದು, ಕಲಾವಿದರನ್ನು ಆಹ್ವಾನಿಸಿದೆ. ಸದ್ಯ ಪೋಷಕ ನಟ, ಪೋಷಕ ನಟಿ ಮತ್ತು ಬಾಲ ನಟನಿಗಾಗಿ ಕಲಾವಿದರನ್ನು ಆಹ್ವಾನಿಸಿದೆ.

'ಗೋಧಿ ಬಣ್ಣ ಸಾಧಾರಣ ಮೈಕಟ್ಟು' ತಂಡ ಇದೀಗ ಹೊಸ ಸಿನಿಮಾ ‘ಸಪ್ತ ಸಾಗರದಾಚೆಯೆಲ್ಲೋ...’ ಮಾಡುತ್ತಿರುವ ವಿಚಾರ ಈಗೇನು ರಹಸ್ಯವಾಗಿ ಉಳಿದಿಲ್ಲ. ಈ ಹಿಂದೆಯೇ ಸಿನಿಮಾ ಬಗ್ಗೆ ಮಾಹಿತಿಗಳು ಹರಿದಾಡಿದ್ದು, ಚಿತ್ರದಲ್ಲಿ ರಕ್ಷಿತ್​​ ಬಣ್ಣ ಹಚ್ಚುತ್ತಾರೆ ಎಂಬುದು ಕೂಡ ಗೊತ್ತಾಗಿದೆ.

ಹೌದು.. ಹೇಮಂತ್​​​​​ ಎಂ. ರಾವ್​​ ಆ್ಯಕ್ಷನ್​ ಕಟ್​​ ಹೇಳುತ್ತಿರುವ ಈ ಸಿನಿಮಾ 2020ರ ಮಾರ್ಚ್​​ನಿಂದಲೇ ಚರ್ಚೆಯಲ್ಲಿತ್ತು. ಆದ್ರೆ ಆಗ ಕೊರೊನಾ ಹಾವಳಿ ಇದ್ದಿದ್ದರಿಂದ ಸಿನಿಮಾದ ಯಾವುದೇ ಕಾರ್ಯಗಳು ನಡೆದಿರಲಿಲ್ಲ. ಇದೀಗ ಕೊರೊನಾ ಕೊಂಚ ಕಡಿಮೆಯಾಗಿರುವುದರಿಂದ ಚಿತ್ರತಂಡ ಕೆಲಸ ಶುರು ಮಾಡಿದೆ.

‘ಸಪ್ತ ಸಾಗರದಾಚೆಯೆಲ್ಲೋ...’ ಸಿನಿಮಾಕ್ಕೆ ಇದೀಗ ಪಾತ್ರವರ್ಗ ಬೇಕಿದ್ದು, ಕಲಾವಿದರನ್ನು ಆಹ್ವಾನಿಸಿದೆ. ಸದ್ಯ ಪೋಷಕ ನಟ, ಪೋಷಕ ನಟಿ ಮತ್ತು ಬಾಲ ನಟನಿಗಾಗಿ ಕಲಾವಿದರನ್ನು ಆಹ್ವಾನಿಸಿದೆ. ಆಸಕ್ತಿ ಇದ್ದವರು ಈ ಕೆಳಗೆ ಕಾಣುವ ವಿಳಾಸಕ್ಕೆ ನಿಮ್ಮ ಮಾಹಿತಿ ಕಳುಹಿಸಬಹುದು.

ಸದ್ಯ ರಕ್ಷತ್​ ಶೆಟ್ಟಿ ಚಾರ್ಲಿ 777 ಕೊನೆಯ ಹಂತದ ಶೂಟಿಂಗ್​ನಲ್ಲಿ ಬ್ಯುಸಿ ಇದ್ದಾರೆ. ಬಹುಶಃ ಈ ಸಿನಿಮಾ ಸಂಪೂರ್ಣವಾಗಿ ಮುಕ್ತಾಯವಾದ ನಂತರ ಸಪ್ತ ಸಾಗರದಾಚೆಯೆಲ್ಲೋ ಚಿತ್ರಕ್ಕೆ ಕೈ ಹಾಕುವ ಸಾಧ್ಯತೆ ಇದೆ.