ನಿರ್ಮಾಪಕಿಯಾಗಿ ಡಿಜಿಟಲ್ ರಂಗ ಪ್ರವೇಶಿಸಲಿದ್ದಾರೆ ಕಂಗನಾ

ವಿವಾದಗಳಿಂದಲೇ ಸದಾ ಸುದ್ದಿಯಾಗುವ ನಟಿ ಕಂಗನಾ ರಣಾವತ್, ಇದೀಗ ಹೊಸ ಸಿನಿಮಾ ನಿರ್ಮಾಣದ ಮೂಲಕ ಮತ್ತೆ ಸುದ್ದಿಯಾಗಿದ್ದಾರೆ. ಹೊಸ ಚಿತ್ರವನ್ನು ಡಿಜಿಟಲ್ ವೇದಿಕೆ ಮೂಲಕ ನಿರ್ಮಾಣ ಮಾಡಲಾಗುತ್ತಿದ್ದು, ಇದಕ್ಕೆ ಕಂಗನಾ ನಿರ್ಮಾಪಕಿಯಾಗಿದ್ದಾರೆ.

ಮುಂಬೈ (ಮಹಾರಾಷ್ಟ್ರ): ಪ್ರೇಮಕಥೆ ಮತ್ತು ವಿಡಂಬನೆ ಆಧಾರಿತ ಮುಂದಿನ ಚಿತ್ರ "ಟಿಕು ವೆಡ್ಸ್ ಶೆರು"ನಲ್ಲಿ ಮೊದಲ ಬಾರಿಗೆ ನಿರ್ಮಾಪಕಿಯಾಗಿ ಡಿಜಿಟಲ್ ವೇದಿಕೆ ಪ್ರವೇಶಕ್ಕೆ ನಟಿ ಕಂಗಣಾ ರಣಾವತ್​ ಸಜ್ಜಾಗಿದ್ದಾರೆ. ವೆಬ್​ಸ್ಪೇಸ್ ಮತ್ತು ತನ್ನ ​ಪ್ರೊಡಕ್ಷನ್ ಹೌಸ್ ಮಣಿಕರ್ನಿಕಾ ಫಿಲ್ಮ್ಸ್ ಮೂಲಕ ಕಂಗನಾ ಚಿತ್ರ ನಿರ್ಮಾಣ ಮಾಡಲಿದ್ದು, ಶನಿವಾರ ಅದರ ಲೋಗೋ ಬಿಡುಗಡೆ ಮಾಡಿದ್ದಾರೆ.

ಲವ್​ ಸ್ಟೋರಿ ಮತ್ತು ಹಾಸ್ಯ ಒಳಗೊಂಡಿರುವ 'ಟಿಕು ವೆಡ್ಸ್ ಶೆರು' ಚಿತ್ರದ ಮೂಲಕ ಮಣಿಕರ್ನಿಕಾ ಫಿಲ್ಮ್ಸ್ ಡಿಜಿಟಲ್ ಕ್ಷೇತ್ರಕ್ಕೆ ಕಾಲಿಡುತ್ತಿದೆ. ಡಿಜಿಟಲ್ ಕ್ಷೇತ್ರದಲ್ಲಿ ಹೊಸ ಮತ್ತು ವಿನೂತನ ಕಂಟೆಂಟ್​ಗಳನ್ನು ನಾವು ಮಾಡುತ್ತೇವೆ ಎಂದು ಕಂಗನಾ ಹೇಳಿದ್ದಾರೆ.

ನಾವು ಹೊಸ ಪರಿಕಲ್ಪನೆಗಳೊಂದಿಗೆ ಹೊಸ ಪ್ರತಿಭೆಗಳನ್ನು ಪರಿಚಯಿಸುತ್ತೇವೆ. ಸಾಮಾನ್ಯ ಪ್ರೇಕ್ಷಕರಿಗಿಂತ ಡಿಜಿಟಲ್ ಪ್ರೇಕ್ಷಕರು ಸ್ವಲ್ಪ ಹೆಚ್ಚು ವಿಕಸನಗೊಂಡಿರುವುದಾಗಿ ನಾವು ಭಾವಿಸುತ್ತೇವೆ ಎಂದು ಕಂಗನಾ ತಿಳಿಸಿದ್ದಾರೆ. ಮುಂದಿನ ಚಿತ್ರದ ಬಗ್ಗೆ ಸಂಪೂರ್ಣ ಮಾಹಿತಿ ತಿಳಿದು ಬರಬೇಕಿದೆ.