ನೋಡಿ: ಮತ್ತೊಮ್ಮೆ ಬಾಲ್ಯಕ್ಕೆ ಮರಳಿದ ಕಂಗನಾ

ಅಕ್ಕ ರಂಗೋಲಿ ಚಂದೇಲ್ ಫೋಟೋ ಸೇರಿ ತಮ್ಮ ಕುಟುಂಬದ ಆಲ್ಬಮ್‌ನಿಂದ ಪ್ರಮುಖ ಥ್ರೋಬ್ಯಾಕ್ ಫೋಟೋಗಳನ್ನು ಇನ್​ಸ್ಟಾಗ್ರಾಂ ಸ್ಟೋರಿಯಲ್ಲಿ ಬಾಲಿವುಡ್​ ನಟಿ ಕಂಗನಾ ರಣಾವತ್ ಶೇರ್​ ಮಾಡಿಕೊಂಡಿದ್ದಾರೆ.

ತಮ್ಮ ಅದ್ಭುತ ನಟನೆಯ ಮೂಲಕ ಅಭಿಮಾನಿಗಳನ್ನು ಗೆದ್ದು ನಾಲ್ಕು ರಾಷ್ಟ್ರೀಯ ಪ್ರಶಸ್ತಿಗಳನ್ನು ಮುಡಿಗೇರಿಸಿಕೊಂಡಿರುವ ಬಾಲಿವುಡ್​ ನಟಿ ಕಂಗನಾ ರಣಾವತ್​ ಇತ್ತೀಚೆಗೆ ವಿವಾದಾತ್ಮಕ ಹೇಳಿಕೆಗಳನ್ನು ನೀಡುವುದಕ್ಕೇ ಹೆಚ್ಚು ಸುದ್ದಿಯಾಗುತ್ತಿದ್ದಾರೆ. ಇದರ ಮಧ್ಯೆ ಆಗಾಗ ಸಾಮಾಜಿಕ ಜಾಲತಾಣಗಳಲ್ಲಿ ತಮ್ಮ ಮುದ್ದಾದ ಬಾಲ್ಯದ ಫೋಟೋಗಳನ್ನು ಸಹ ಹಂಚಿಕೊಳ್ಳುತ್ತಿರುತ್ತಾರೆ.

ಅಮ್ಮನ ಜೊತೆ ಕಂಗನಾ

ಈ ಹಿಂದೆ ಶಾಲಾ ಸಮವಸ್ತ್ರದಲ್ಲಿರುವ ಫೋಟೋ ಹಂಚಿಕೊಂಡಿದ್ದ ನಟಿ ಇದೀಗ ಅಕ್ಕ ರಂಗೋಲಿ ಚಂದೇಲ್ ಫೋಟೋ ಸೇರಿ ತಮ್ಮ ಕುಟುಂಬದ ಆಲ್ಬಮ್‌ನಿಂದ ಪ್ರಮುಖ ಥ್ರೋಬ್ಯಾಕ್ ಫೋಟೋಗಳನ್ನು ಇನ್​ಸ್ಟಾಗ್ರಾಂ ಸ್ಟೋರಿಯಲ್ಲಿ ಶೇರ್​ ಮಾಡಿಕೊಂಡಿದ್ದಾರೆ.

ಒಂದು ಫೋಟೋದಲ್ಲಿ ತಾವು 9ನೇ ತರಗತಿ ವ್ಯಾಸಂಗ ಮಾಡುತ್ತಿದ್ದ ಸಂದರ್ಭದಲ್ಲಿ ಅಮ್ಮನೊಂದಿಗೆ ಕೈಯಲ್ಲಿ ತಂಪು ಪಾನೀಯ ಡಬ್ಬಿಗಳನ್ನು ಹಿಡಿದುಕೊಂಡು ಪೋಸ್​ ನೀಡಿದ್ದಾರೆ.

ರಂಗೋಲಿ ಚಂದೇಲ್

ತನ್ನ ಸಹೋದರಿ ರಂಗೋಲಿ ಚಂದೇಲ್ ಅವರು ಚೂಡಿದಾರ್​ ಧರಿಸಿ ಪೋಸ್​ ನೀಡುತ್ತಿರುವ ಹಳೆಯ ಫೋಟೋ ಹಾಗೂ ಅಪ್ಪನ ಜೊತೆ ರಂಗೋಲಿ ನಿಂತಿರುವ ಪೋಟೋವೊಂದನ್ನು ಕೂಡ ನಟಿ ಹಂಚಿಕೊಂಡಿದ್ದಾರೆ.

ಮತ್ತೊಂದು, ಕಂಗನಾ ಶಾಲೆಯ ಸಮಾರಂಭದಲ್ಲಿ ತಾವು ಪುರಸ್ಕಾರವನ್ನು ಸ್ವೀಕರಿಸುತ್ತಿರುವ ಫೋಟೋ ಆಗಿದೆ. ಈ ಫೋಟೋಗಳನ್ನು ಕಂಡ ಅಭಿಮಾನಿಗಳು ಫಿದಾ ಆಗಿದ್ದಾರೆ.

ಅಪ್ಪನ ಜೊತೆ ರಂಗೋಲಿ

ಇದನ್ನೂ ಓದಿ:'ಪಂಜಾಬ್‌ ಉಗ್ರರ ತಾಣವಾಗ್ತಿದೆ': ಪ್ರಧಾನಿಗೆ ಎದುರಾದ ಭದ್ರತಾ ಲೋಪಕ್ಕೆ ಕಂಗನಾ ಕಿಡಿ

ಇನ್ನು ಕಂಗನಾ, ತಮ್ಮ ಮುಂಬರುವ 'ತೇಜಸ್' ಸಿನಿಮಾದ ಚಿತ್ರೀಕರಣವನ್ನು ಮುಗಿಸಿದ್ದು, 'ಮಣಿಕರ್ಣಿಕಾ ರಿಟರ್ನ್ಸ್: ದಿ ಲೆಜೆಂಡ್ ಆಫ್ ದಿಡ್ಡಾ', 'ಎಮರ್ಜೆನ್ಸಿ', 'ಧಾಕಡ್' ಮತ್ತು 'ದಿ ಇನ್ಕಾರ್ನೇಷನ್: ಸೀತಾ' ​​ಚಿತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಶಾಲೆಯ ಸಮಾರಂಭದಲ್ಲಿ ಪುರಸ್ಕಾರ ಸ್ವೀಕರಿಸುತ್ತಿರುವ ಕಂಗನಾ

ಅಷ್ಟೇ ಅಲ್ಲದೇ ತಮ್ಮ ಸ್ವಂತ ಪ್ರೊಡಕ್ಷನ್​ ಹೌಸ್​ ಆಗಿರುವ ಮಣಿಕರ್ಣಿಕಾ ಫಿಲ್ಮ್ಸ್ ಬ್ಯಾನರ್​ ಅಡಿಯಲ್ಲಿ 'ಟಿಕು ವೆಡ್ಸ್ ಶೇರು' ಎಂಬ ಡಾರ್ಕ್ ಕಾಮಿಡಿ ಸಿನಿಮಾವನ್ನು ಕಂಗನಾ ನಿರ್ಮಿಸುತ್ತಿದ್ದಾರೆ.