ಚಿರಂಜೀವಿ ಸರ್ಜಾ ಅಭಿನಯದ 'ರಾಜಮಾರ್ತಾಂಡ' ಸಿನಿಮಾ ಟ್ರೇಲರ್ ಬಿಡುಗಡೆಯಾಗಿದೆ. ರಾಮ್ ನಾರಾಯಣ್ ನಿರ್ದೇಶನದ ಈ ಚಿತ್ರದ ಟ್ರೇಲರನ್ನು ಇಂದು ಬೆಳಗ್ಗೆ ಜ್ಯೂನಿಯರ್ ಚಿರು ಬಿಡುಗಡೆ ಮಾಡಿದ್ದಾನೆ. ಟ್ರೇಲರ್ ನೋಡಿ ಸಿನಿಪ್ರಿಯರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಇಂದು ಧ್ರುವ ಸರ್ಜಾ ಅಭಿನಯದ 'ಪೊಗರು' ಸಿನಿಮಾ ಬಿಡುಗಡೆಯಾಗುತ್ತಿದೆ. ಇದೇ ಸಮಯದಲ್ಲಿ ಸಹೋದರ ಚಿರಂಜೀವಿ ಸರ್ಜಾ ಅಭಿನಯದ ರಾಜಮಾತಾಂಡ ಟ್ರೇಲರ್ ಕೂಡಾ ಬಿಡುಗಡೆ ಆಗಿದೆ. ಲಾಕ್ಡೌನ್ ಮುಗಿದ ನಂತರ 'ರಾಜಮಾರ್ತಾಂಡ' ಸಿನಿಮಾಗೆ ಚಿರು ಡಬ್ಬಿಂಗ್ ಮಾಡಬೇಕಿತ್ತು. ಆದರೆ ಜೂನ್ 14 ರಂದು ಚಿರಂಜೀವಿ ಸರ್ಜಾ ಹೃದಯಾಘಾತದಿಂದ ನಿಧನರಾದರು. ಈ ಕಾರಣದಿಂದ ಧ್ರುವ ಸರ್ಜಾ ಅವರೇ ಅಣ್ಣನಿಗೆ ಧ್ವನಿ ನೀಡಿದ್ದು, ಸಿನಿಮಾ ನೋಡಲು ಚಿರು ಅಭಿಮಾನಿಗಳು ಕಾಯುತ್ತಿದ್ದಾರೆ. ಇಂದು ಜ್ಯೂ. ಚಿರು, ರಾಜಮಾರ್ತಾಂಡ ಟ್ರೇಲರ್ ಬಿಡುಗಡೆ ಮಾಡಲಿದ್ದಾನೆ ಎಂದು ನಿನ್ನೆ ಮೇಘನಾ ರಾಜ್ ಹಾಗೂ ಚಿತ್ರದ ನಿರ್ದೇಶಕ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಹಂಚಿಕೊಂಡಿದ್ದರು. ಅದರಂತೆ ಇಂದು ಜ್ಯೂನಿಯರ್ ಚಿರು, ಅಪ್ಪನ ಸಿನಿಮಾದ ಟ್ರೇಲರ್ ಬಿಡುಗಡೆ ಮಾಡಿದ್ದಾನೆ.