'ಬೆಲ್​ ಬಾಟಂ' ನಿರ್ಮಾಪಕರಿಂದ ರಿಷಭ್​​ಗೆ ಸಿಕ್ತು ಭರ್ಜರಿ ಗಿಫ್ಟ್​​

ನಟ ನಿರ್ದೇಶಕ ರಿಷಭ್​​ ಶೆಟ್ಟಿ ಮೊದಲ ಬಾರಿಗೆ ನಾಯಕನಾಗಿ ಅಭಿನಯಿಸಿದ್ದ 'ಬೆಲ್​ ಬಾಟಂ' ಚಿತ್ರ ಯಶಸ್ವಿಯಾಗಿ 100 ದಿನ ಪೂರೈಸಿದೆ. ಚಿತ್ರತಂಡ ಈ ಸಂಭ್ರಮವನ್ನು ಪ್ರೇಕ್ಷಕರ ಜೊತೆ ವೀರೇಶ್ ಚಿತ್ರಮಂದಿರದಲ್ಲಿ ಕೇಕ್ ಕತ್ತರಿಸಿ ಆಚರಿಸಿತು.

ಇದೇ ವೇಳೆ ಚಿತ್ರ ನಿರ್ಮಾಪಕ ಸಂತೋಷ್ ನಾಯಕ ರಿಷಬ್ ಶೆಟ್ಟಿಗೆ ಬೆಲ್​ ಬಾಟಂ​​ನಲ್ಲಿ ಬಳಸಿದ್ದ ಜಾವಾ ಬೈಕ್​ ಉಡುಗೊರೆಯಾಗಿ ನೀಡಿದ್ರು. ಇದನ್ನು ಪಡೆದ ರಿಷಭ್​ ಫುಲ್ ಖುಷ್​ ಆಗಿದ್ದರು. ಈ ವೇಳೆ ಮಾತಾಡಿದ ಅವರು, ಮೊದಲೆ ಈ ಬೈಕ್ ಖರೀದಿಸಲು ನಿರ್ಧರಿಸಿದ್ದೆ. ಆದ್ರೆ, ಇದೀಗ ನಿರ್ಮಾಪಕರೇ ಅದನ್ನು ಗಿಫ್ಟ್ ಮಾಡಿರುವುದು ಖುಷಿ ತಂದಿದೆ ಎಂದರು. ಬೆಲ್​ ಬಾಟಂ ಚಿತ್ರದಲ್ಲಿ ಹಾಕಿರುವ ಕಾಸ್ಟ್ಯೂಮ್​​ ಕೂಡ ನೆನಪಿಗಾಗಿ ಚಿತ್ರತಂಡದಿಂದ ತೆಗೆದುಕೊಂಡಿರುವುದಾಗಿ ತಿಳಿಸಿದ್ರು.

ಬಳಿಕ ಉಡುಗೊರೆಯಾಗಿ ಬಂದ ಬೈಕ್​ ಮೇಲೆ ಹರಿಪ್ರಿಯಾ ಅವರನ್ನು ಕೂರಿಸಿಕೊಂಡು ಒಂದು ರೌಂಡ್ ಹಾಕಿ, ಎಂಜಾಯ್ ಮಾಡಿದ್ರು. ಅಲ್ಲದೇ ಜಾವಾ ಬೈಕ್ ಗಿಫ್ಟ್ ಸಿಕ್ಕಿದಕ್ಕೆ ‌ಹರಿಪ್ರಿಯಾ ಸಹ ರಿಷಭ್​​ಗೆ ವಿಶ್ ಮಾಡಿದ್ರು.

ಜಯತೀರ್ಥ ನಿರ್ದೇಶನದ ಈ ಚಿತ್ರದಲ್ಲಿ ರಿಷಭ್​ ಡಿಟೆಕ್ಟಿವ್​ ದಿವಾಕರ್ ಪಾತ್ರದಲ್ಲಿ ನಟಿಸಿದ್ದರು. ಪತ್ತೆದಾರಿ ಕೆಲಸಕ್ಕೆ ಈ ಜಾವಾ ಬೈಕ್​ನ್ನೇ ಉಪಯೋಗಿಸಿದ್ದರು. ಇದೀಗ ಅದೇ ಬೈಕ್ ರಿಷಭ್ ಮನೆಗೆ ಉಡುಗೊರೆಯಾಗಿ ಬಂದಿದೆ.