ನೋಟ್ ಬ್ಯಾನ್ ಕಷ್ಟ ಸುಖಗಳನ್ನ ಹೇಳಲಿದೆ 'ಜನ್ ಧನ್' ಸಿನಿಮಾ...

ನೋಟ್ ಬ್ಯಾನ್ ಆಗಿ ಮೂರು ವರ್ಷ ಆಗಿದ್ದು, ನರೇಂದ್ರ ಮೋದಿಯವರು ನೋಟ್ ಬ್ಯಾನ್ ಮಾಡಿದಾಗ ದೇಶದಲ್ಲಿ ಆದ ಘಟನೆಗಳನ್ನ ಇಟ್ಟುಕೊಡು ನಿರ್ದೇಶಕ ಮರಡಿಹಳ್ಳಿ ನಾಗಚಂದ್ರ, 'ಜನ್ ಧನ್' ಎಂಬ ಸಿನಿಮಾ‌ ಮಾಡಿದ್ದು, ಚಿತ್ರದ ಆಡಿಯೋ ಈಗ ಬಿಡುಗಡೆಯಾಗಿದೆ.

ಪ್ರಧಾನಿ ನರೇಂದ್ರ ಮೋದಿ ಜಾರಿಗೆ ತಂದಂತಹ ಸಾಕಷ್ಟು ಯೋಜನೆಗಳ ಪೈಕಿ ನೋಟ್ ಬ್ಯಾನ್ ಕೂಡ ಒಂದು. ಇದೀಗ ಈ ನೋಟ್ ಬ್ಯಾನ್ ಕಥೆ ಆಧರಿಸಿರೋ 'ಜನ್ ಧನ್' ಎಂಬ ಸಿನಿಮಾವೊಂದು ತೆರೆಗೆ ಬರುತ್ತಿದೆ.

ನೋಟ್ ಬ್ಯಾನ್ ಆಗಿ ಮೂರು ವರ್ಷ ಆಗಿದ್ದು, ನರೇಂದ್ರ ಮೋದಿಯವರು ನೋಟ್ ಬ್ಯಾನ್ ಮಾಡಿದಾಗ ದೇಶದಲ್ಲಿ ಆದ ಘಟನೆಗಳನ್ನ ಇಟ್ಟುಕೊಡು ನಿರ್ದೇಶಕ ಮರಡಿಹಳ್ಳಿ ನಾಗಚಂದ್ರ, ಜನ್ ಧನ್ ಸಿನಿಮಾ‌ ಮಾಡಿದ್ದಾರೆ. ಬಹುತೇಕ ಚಿತ್ರೀಕರಣ ಮುಗಿಸಿ, ಸಿದ್ಧವಾಗಿರೊ ಜನ್ ಧನ್ ಚಿತ್ರದ ಆಡಿಯೋವನ್ನ ಚಿತ್ರತಂಡ ಇದೀಗ ಬಿಡುಗಡೆ ಮಾಡಿದೆ. ಕಾರ್ಯಕ್ರಮದಲ್ಲಿ ನಟ ಧರ್ಮ ಕೀರ್ತಿ, ಲಹರಿ ವೇಲು, ನಿರ್ದೇಶಕ ನಾಗಚಂದ್ರ, ಯುವ ನಟ ಸುನೀಲ್ ಶಶಿ, ಯುವ ನಟಿ ರಚನಾ ಸೇರಿದಂತೆ ಇಡೀ ಚಿತ್ರತಂಡ ಭಾಗಿಯಾಗಿತ್ತು.

'ಜನ್ ಧನ್' ಚಿತ್ರದ ಆಡಿಯೋ ಬಿಡುಗಡೆ ಸಮಾರಂಭ

ಯುವ ನಟ ಸುನೀಲ್ ಶಶಿ ಯುವ ನಟಿ ರಚನಾ ಮುಖ್ಯ ಭೂಮಿಕೆಯಲ್ಲಿದ್ದಾರೆ. ಟಾಪ್ ಸ್ಟಾರ್ ರೇಣು ಚಿತ್ರಕ್ಕೆ ಸಂಗೀತ ನೀಡಿವುದರ ಜೊತೆಗೆ ಅಭಿನಯ ಕೂಡ ಮಾಡಿದ್ದಾರೆ. ಶ್ರೀ ಸಿದ್ಧಿ ವಿನಾಯಕ ಫಿಲಂಸ್ ಬ್ಯಾನರ್​ ಅಡಿ ನಾಗಚಂದ್ರ ಅವರೇ ಚಿತ್ರದ ನಿರ್ಮಾಣವನ್ನೂ ಮಾಡಿದ್ದಾರೆ.

ಈ ಚಿತ್ರಕ್ಕೆ ಸೆನ್ಸಾರ್‌ ಮಂಡಳಿಯಿಂದ ಯು/ಎ ಪ್ರಮಾಣ ಪತ್ರ ಸಿಕ್ಕಿದ್ದು, ನವೆಂಬರ್ ಅಥವಾ ಡಿಸೆಂಬರ್ ತಿಂಗಳಲ್ಲಿ ಜನ್ ಧನ್ ಸಿನಿಮಾ ರಿಲೀಸ್ ಆಗಲಿದೆ.