ಏನಾಯ್ತು 'ಧಡಕ್'​ ಚಿತ್ರದ ಬೆಡಗಿ ಜಾನ್ವಿ ಕಪೂರ್​​ಗೆ?

ಸಾಮಾಜಿಕ ಜಾಲತಾಣಗಳಲ್ಲಿ ಸದಾ ಸಕ್ರಿಯರಾಗಿರುವ ನಟಿ ಜಾನ್ವಿ ಕಪೂರ್​ ಕೈಗೆ ಗಾಯ ಮಾಡಿಕೊಂಡಿರುವ ಹಾಗೇ ಕಾಣಿಸುತ್ತಿದ್ದು, ನಟಿ ಆದಷ್ಟು ಬೇಗ ಚೇತರಿಸಿಕೊಳ್ಳಲಿ ಎಂದು ಎಲ್ಲರೂ ಶುಭ ಹಾರೈಸಿದ್ದಾರೆ.

ಹೈದರಾಬಾದ್​​(ತೆಲಂಗಾಣ): ‘ಧಡಕ್' ಚಿತ್ರದ ಮೂಲಕ ಬಾಲಿವುಡ್‌ಗೆ ಪದಾರ್ಪಣೆ ಮಾಡಿದ ಎವರ್‌ಗ್ರೀನ್ ನಟಿ ಶ್ರೀದೇವಿ ಅವರ ಪುತ್ರಿ ಜಾನ್ವಿ ಕಪೂರ್​​​ ಗಾಯಕ್ಕೊಳಗಾಗಿದ್ದು, ಇದರ ಕೆಲವೊಂದು ಫೋಟೋ ವೈರಲ್​​​ ಆಗಿವೆ.

ನಟಿ ಜಾನ್ವಿ ಕಪೂರ್​​​ ಕೈಗೆ ಏನಾಗಿದೆ ಎಂಬ ಖಚಿತ ಮಾಹಿತಿ ಲಭ್ಯವಾಗಿಲ್ಲವಾದ್ರೂ, ಅವರ ಎಡಗೈ ಗಾಯವಾಗಿದ್ದು, ಆರ್ಮ್​​ ಸ್ಲಿಂಗ್​​​ ಧರಿಸಿರುವುದು ವಿಡಿಯೋದಲ್ಲಿ ಕಂಡು ಬಂದಿದೆ. ಏನಾಗಿದೆ ಎಂದು ಕೇಳಿರುವ ಪ್ರಶ್ನೆಗೆ ನಟಿ ಉತ್ತರ ನೀಡಲು ಹಿಂದೇಟು ಹಾಕಿದ್ದಾರೆ.

ನಟಿ ಜಾನ್ವಿ ಕಪೂರ್​ ತಮ್ಮ ಮುಂಬರುವ ಚಿತ್ರ ಮಿಲ್ಲಿ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದು, ಶೂಟಿಂಗ್​ ಸಂಪೂರ್ಣವಾಗಿ ಮುಕ್ತಾಯಗೊಂಡಿದೆ.

ಸದಾ ಸಾಮಾಜಿಕ ಜಾಲತಾಣದಲ್ಲಿ ಫುಲ್​ ಬ್ಯುಸಿಯಾಗಿರುವ ನಟಿ ಸಿಕ್ಕಾಪಟ್ಟೆ ಬೋಲ್ಡ್​​​ & ಹಾಟ್​​ ಆಗಿರುವ ಫೋಟೋ ಶೇರ್ ಮಾಡಿ, ಪಡ್ಡೆ ಹುಡುಗರ ನಿದ್ದೆಗೆಡಿಸಿದ್ದರು. ಕಳೆದ ಕೆಲ ದಿನಗಳ ಹಿಂದೆ ಸಾಂಪ್ರದಾಯಿಕ ಬ್ರೌನ್​ ಲೆಹೆಂಗಾ ತೊಟ್ಟು ಗಮನ ಸೆಳೆದಿದ್ದರು.