ಬಿಗ್ ಬಜೆಟ್, ಸ್ಟಾರ್ಗಳ ಸಿನಿಮಾ ಶೂಟಿಂಗ್ ವೇಳೆ ನಿರ್ದೇಶಕ, ನಿರ್ಮಾಪಕರು ಚಿತ್ರತಂಡಕ್ಕೆ ಮೊಬೈಲ್ ಬ್ಯಾನ್ ಮಾಡಿರುತ್ತಾರೆ. ಸಿನಿಮಾ ಬಿಡುಗಡೆಯಾಗುವವರೆಗೂ ಚಿತ್ರಕ್ಕೆ ಸಂಬಂಧಿಸಿದ ಯಾವುದೇ ದೃಶ್ಯಗಳು ಸೋರಿಕೆಯಾಗಬಾರದು ಎಂಬುದು ಅವರ ಉದ್ದೇಶವಾಗಿರುತ್ತದೆ.
ಇಂಡಿಯನ್-2 ಸಿನಿಮಾದ ಕಮಲ್ ಗೆಟಪ್ ಹೇಗಿದೆ ಗೊತ್ತಾ? ಲೀಕ್ ಆಯ್ತು ಚಿತ್ರೀಕರಣದ ದೃಶ್ಯ - ಇಂಡಿಯನ್ 2 ಶೂಟಿಂಗ್ ಫೋಟೋಗಳು ಸೋರಿಕೆ
ಇಂಡಿಯನ್ 2 ಸಿನಿಮಾದಲ್ಲಿ ಕಮಲ್ ಹಾಸನ್ ಶೂಟಿಂಗ್ನಲ್ಲಿ ಭಾಗವಹಿಸಿದ್ದ ಕೆಲವೊಂದು ದೃಶ್ಯಗಳು ಸೋರಿಕೆಯಾಗಿವೆ. ಈ ಫೋಟೋದಲ್ಲಿ ವೃದ್ಧನ ಗೆಟಪ್ನಲ್ಲಿರುವ ಕಮಲ್ ಹಾಸನ್ ಕುದುರೆ ಮೇಲೆ ಕುಳಿತು ಪಬ್ಲಿಕ್ನಲ್ಲಿ ಹೋಗುತ್ತಿರುವ ದೃಶ್ಯವಿದೆ.
ಇಂಡಿಯನ್-2
ಆದರೆ, ಬಹಳಷ್ಟು ಸಾರಿ ಕೆಲವೊಂದು ಸಿನಿಮಾ ದೃಶ್ಯಗಳು ಸೋರಿಕೆಯಾಗಿಬಿಡುತ್ತದೆ. ಇದೀಗ ಇಂಡಿಯನ್ 2 ಸಿನಿಮಾದಲ್ಲಿ ಕಮಲ್ ಹಾಸನ್ ಶೂಟಿಂಗ್ನಲ್ಲಿ ಭಾಗವಹಿಸಿದ್ದ ಕೆಲವೊಂದು ದೃಶ್ಯಗಳು ಸೋರಿಕೆಯಾಗಿವೆ. ತಮಿಳಿನ ಖ್ಯಾತ ನಿರ್ದೇಶಕ ಶಂಕರ್ ನಿರ್ದೇಶನದ ಇಂಡಿಯನ್-2 ಸಿನಿಮಾವನ್ನು ಲೈಕಾ ಪ್ರೊಡಕ್ಷನ್ ನಿರ್ಮಿಸುತ್ತಿದೆ. ಇತ್ತೀಚೆಗೆ ರಾಜಮಂಡ್ರಿಯಲ್ಲಿ ಕೆಲವೊಂದು ಪ್ರಮುಖ ಸನ್ನಿವೇಶಗಳನ್ನು ಪೂರೈಸಿ ಇದೀಗ ಮತ್ತೊಂದು ಶೆಡ್ಯೂಲ್ ಆರಂಭಿಸಿದೆ ಚಿತ್ರತಂಡ.
ಚಿತ್ರೀಕರಣದ ವೇಳೆ ಕ್ಲಿಕ್ ಮಾಡಲಾದ ಕೆಲವೊಂದು ಪೋಟೋಗಳು ಲೀಕ್ ಆಗಿದ್ದು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಈ ಫೋಟೋದಲ್ಲಿ ವೃದ್ಧನ ಗೆಟಪ್ನಲ್ಲಿರುವ ಕಮಲ್ ಹಾಸನ್ ಕುದುರೆ ಮೇಲೆ ಕುಳಿತು ರಸ್ತೆಯಲ್ಲಿ ಹೋಗುತ್ತಿರುವ ದೃಶ್ಯವಿದೆ. ಚಿತ್ರದಲ್ಲಿ ಕಮಲ್ ಹಾಸನ್, ಸೇನಾಪತಿ ಎಂಬ ಪಾತ್ರದಲ್ಲಿ ನಟಿಸುತ್ತಿದ್ದು ಮೊದಲ ಭಾಗದಲ್ಲಿ ಸೇನಾಪತಿಗೆ 70 ವರ್ಷವಾಗಿದ್ದು ಭಾಗ 2 ರಲ್ಲಿ 90 ವರ್ಷದ ವಯೋವೃದ್ಧನಾಗಿ ನಟಿಸುತ್ತಿದ್ದಾರೆ. ಕಮಲ್ಗೆ ಜೋಡಿಯಾಗಿ 85 ವರ್ಷದ ವೃದ್ಧೆ ಪಾತ್ರದಲ್ಲಿ ಕಾಜಲ್ ಅಗರ್ವಾಲ್ ನಟಿಸುತ್ತಿದ್ದಾರೆ.