ಪುನೀತ್ ರಾಜ್ಕುಮಾರ್, ವಿಜಯ್ ರಾಘವೇಂದ್ರ, ಅನು ಪ್ರಭಾಕರ್, ಮಂಜುನಾಥ್, ಸುನಿಲ್, ಆನಂದ್, ಅಮೂಲ್ಯ ಸೇರಿದಂತೆ ಬಾಲನಟರಾಗಿ ಚಿತ್ರರಂಗಕ್ಕೆ ಬಂದವವರಲ್ಲಿ ಕೆಲವರು ಮಾತ್ರ ಇಂದಿಗೂ ಚಿತ್ರರಂಗದಲ್ಲಿ ಗುರುತಿಸಿಕೊಂಡಿದ್ದಾರೆ. ಆದರೆ ಉಳಿದವರು ಚಿತ್ರರಂಗದಿಂದ ದೂರವೇ ಉಳಿದಿದ್ದಾರೆ. ಅಂತವರಲ್ಲಿ ಶಾಮಿಲಿ ಕೂಡಾ ಒಬ್ಬರು.
ಈ ಫೋಟೋದಲ್ಲಿ ಪೇಂಟಿಂಗ್ ಮಾಡುತ್ತಿರುವವರು 90 ರ ದಶಕದಲ್ಲಿ ಬೇಬಿ ಶಾಮಿಲಿ ಎಂದೇ ಹೆಸರಾಗಿದ್ದ ತಮಿಳು ನಟಿ ಶಾಮಿಲಿ. 1990 ರಲ್ಲಿ ಬಿಡುಗಡೆಯಾದ ಡಾ. ವಿಷ್ಣುವರ್ಧನ್ ಅಭಿನಯದ 'ಮತ್ತೆ ಹಾಡಿತು ಕೋಗಿಲೆ' ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಬಂದ ಶಾಮಿಲಿ ನಂತರ ಶಾಂಭವಿ, ಭೈರವಿ, ಜಗದೇಕವೀರ, ಶ್ವೇತಾಗ್ನಿ, ಕಾದಂಬರಿ ಸೇರಿ ಅನೇಕ ಸಿನಿಮಾಗಳಲ್ಲಿ ನಟಿಸಿದರು. ಶಾಮಿಲಿ ಅಕ್ಕ ಶಾಲಿನಿ ತಮಿಳಿನ ಖ್ಯಾತ ನಟ ಅಜಿತ್ ಅವರ ಪತ್ನಿ. ಶಾಲಿನಿ ಅಣ್ಣ ರಿಚರ್ಡ್ ರಿಷಿ ಕೂಡಾ ನಟ.