ಉತ್ತಮ ಕಥೆ ಸಿಕ್ಕರೆ ದರ್ಶನ್, ಸುದೀಪ್​ ಜೊತೆ ನಟಿಸುವೆ.. ಅಭಿಷೇಕ್​ ಅಂಬರೀಶ್‌​ ಮನದಾಳ!!

ನಾನು, ದರ್ಶನ್ ಅಣ್ಣನ ಎತ್ತರ ಒಂದೇ ಇರಬಹುದು. ಅವರು 365 ದಿನಾಲೂ ಕೆಲಸ ಮಾಡುತ್ತಾನೆ ಇರುತ್ತಾರೆ. ಜಾಸ್ತಿ ಅವರ ಸೆಟ್​ಗೆ ಹೋಗ್ತೇನೆ. ಜಾಲಿಯಾಗಿರುತ್ತಾರೆ. ಕ್ಯಾಮೆರಾ ಮುಂದೆ ಹೋಗುವಾಗ ತುಂಬಾ ಕಟ್ಟುನಿಟ್ಟಾಗಿ ಬಿಡುತ್ತಾರೆ..

ಒಳ್ಳೆಯ ಸ್ಕ್ರಿಪ್ಟ್ ಸಿಕ್ಕರೆ ದರ್ಶನ್ ಹಾಗೂ ಸುದೀಪ್ ಅವರ ಜೊತೆ ನಟಿಸಲು ಯಾವುದೇ ಅಭ್ಯಂತರ ಇಲ್ಲ ಎಂದು ಅಭಿಷೇಕ್​​​ ಅಂಬರೀಶ್ ಅವರು ಫೇಸ್​​​ಬುಕ್ ಲೈವ್​​​​ನಲ್ಲಿ ಹೇಳಿದ್ದಾರೆ.

ನಿನ್ನೆ ಫೇಸ್​ಬುಕ್​ ಲೈವ್​ನಲ್ಲಿ ಮಾತನಾಡಿದ್ದ ಅವರು, ಅಪ್ಪನ ಹುಟ್ಟುಹಬ್ಬ ಮೇ.29ರಂದು ಎಲ್ಲರೂ ಸೇರಿ ಆಚರಿಸೋಣ. ಅಷ್ಟೊತ್ತಿಗೆ ಕೊರೊನಾ ನಮ್ಮನ್ನ ಬಿಟ್ಟು ಹೋಗಿರುತ್ತದೆ ಎಂಬ ಆಶಾಭಾವನೆ ವ್ಯಕ್ತಪಡಿಸಿದ್ದಾರೆ. ಸದ್ಯಕ್ಕೆ ಯಾವುದೇ ಕಥೆ ಅಂತಿಮವಾಗಿಲ್ಲ. ನಾನು ಹಾಗೂ ದರ್ಶನ್ ಅಣ್ಣ ಜೊತೆ ನಟಿಸಿ. ಆ ಸಿನಿಮಾಕ್ಕೆ ‘ಒಡ ಹುಟ್ಟಿದವರು’ಎಂದು ಹೆಸರಿಡಿ ಎಂದು ಅಭಿಮಾನಿಗಳು ಕೇಳುತ್ತಿದ್ದಾರೆ. ದರ್ಶನ್ ಅಣ್ಣನಿಗೆ ಹೊಂದುವ ಕತೆ ಮತ್ತೆ ಅದರಲ್ಲಿ ನನಗೂ ಸ್ವಲ್ಪ ಕೆಲಸ ಇದ್ದರೇನೆ ಸಾಧ್ಯ ಎಂದು ಪ್ರಶ್ನೆಯೊಂದಕ್ಕೆ ತಿಳಿಸಿದರು.

ಸುದೀಪ್ ಸರ್ ಜೊತೆ ನಟಿಸಬೇಕೆಂದರೆ ಉತ್ತಮ ಕಥೆ ಮುಖ್ಯ. ನನಗೆ ಯಾವುದಕ್ಕೂ ಕಡಿಮೆಯಾಗದ ರೀತಿ ಪಾತ್ರವಿರಬೇಕು ಎಂದರು. ನನ್ನ ಮೊದಲ ಚಿತ್ರ ‘ಅಮರ್’ಸಿನಿಮಾದ ಹಾಡು ಬಹಳ ಜನ ಕೇಳಿದ್ದೀರಾ? ಅದರ ಕ್ರೆಡಿಟ್ ಅರ್ಜುನ್ ಜನ್ಯ, ಕವಿರಾಜ್ ಹಾಗೂ ನಾಗಶೇಖರ್ ಅವರಿಗೆ ಸಲ್ಲಬೇಕು ಎಂದಿದ್ದಾರೆ ಅಭಿಷೇಕ್ ಅಂಬರೀಶ್.

ಯಶ್​,ಸುಮಲತಾ ಅಂಬರೀಶ್​, ಅಭಿಷೇಕ್​ ಅಂಬರೀಶ್, ದರ್ಶನ್..​

2,41,294 ಮಂದಿ ಅಭಿಷೇಕ್​ ಅಂಬರೀಶ್ ಅವರನ್ನ ಫೇಸ್​​ಬುಕ್ ಲೈವ್ ನೋಡಿದ್ದಾರೆ. ಲಾಕ್​​ಡೌನ್ ವೇಳೆ ಮನೆಯಲ್ಲಿದ್ದೇನೆ. ಈಗ ತಾನೇ ಎರಡು ನಾಯಿಗಳಿಗೆ ಸ್ನಾನ ಮಾಡಿಸಿ ನಿಮ್ಮ ಮುಂದೆ ಬಂದಿದ್ದೇನೆ ಎಂದು ಮಾತು ಶುರು ಮಾಡಿದರು.

ನಾನು, ದರ್ಶನ್ ಅಣ್ಣನ ಎತ್ತರ ಒಂದೇ ಇರಬಹುದು. ಅವರು 365 ದಿನಾಲೂ ಕೆಲಸ ಮಾಡುತ್ತಾನೆ ಇರುತ್ತಾರೆ. ಜಾಸ್ತಿ ಅವರ ಸೆಟ್​ಗೆ ಹೋಗ್ತೇನೆ. ಜಾಲಿಯಾಗಿರುತ್ತಾರೆ. ಕ್ಯಾಮೆರಾ ಮುಂದೆ ಹೋಗುವಾಗ ತುಂಬಾ ಕಟ್ಟುನಿಟ್ಟಾಗಿ ಬಿಡುತ್ತಾರೆ ಎಂದು ಮತ್ತೊಬ್ಬ ಅಭಿಮಾನಿಯ ಪ್ರಶ್ನೆಗೆ ಉತ್ತರ ಕೊಟ್ಟರು.

ನಾನು ಯಶ್​​​ ರೀತಿ ಗಡ್ಡ ಬಿಡುವ ಆಸೆ ಇಲ್ಲ. ಸಿನಿಮಾಕ್ಕೆ ಅಂದರೆ ಬಿಡಬಹುದು. ಅಪ್ಪನ ಸಿನಿಮಾ ರಿಮೇಕ್ ಮಾಡಲು ಅದಕ್ಕೆ ನನಗೆ ಯೋಗ್ಯತೆ ಇದೆಯೇ ಇಲ್ಲವೇ ಎಂಬುದನ್ನು ತಿಳಿಯಬೇಕು. ಅಪ್ಪಾಜಿ ಸಿನಿಮಾಗಳಲ್ಲಿ ಚಕ್ರವ್ಯೂಹ, ಮೃಗಾಲಯ ನನಗಿಷ್ಟ ಎಂದು ಅಭಿಮಾನಿಯೊಬ್ಬರ ಪ್ರಶ್ನೆಗೆ ಉತ್ತರಿಸಿದರು.