ವಿಭಿನ್ನ ಪಾತ್ರ ಮಾಡಲು 'ನಾನು ನಟಿಯಾಗಿ ದುರಾಸೆ ಹೊಂದಿದ್ದೇನೆ': ಶೆಫಾಲಿ ಷಾ

ಶೆಫಾಲಿ ಷಾ ಶಾರುಖ್ ಖಾನ್ ಅಭಿನಯದ 'ಡಾರ್ಲಿಂಗ್ಸ್' ಚಿತ್ರದಲ್ಲಿ ನಟಿಸುವ ಅವಕಾಶ ಪಡೆದಿದ್ದಾರೆ. ಹಾಗೆಯೇ 'ದೆಹಲಿ ಕ್ರೈಮ್ 2' ಮತ್ತು ವಿಪುಲ್ ಷಾ ಅವರ 'ಹ್ಯೂಮನ್' ಚಿತ್ರಗಳಲ್ಲಿ ಮುಖ್ಯ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ನವದೆಹಲಿ: 'ದೆಹಲಿ ಕ್ರೈಮ್ಸ್' ವೆಬ್​ ಸಿರಿಸ್​ ಬ್ಲಾಕ್‌ ಬಸ್ಟರ್ ಹಿಟ್​​ ಆಗಿದ್ದು, ಈ ವೆಬ್​ ಸಿರಿಸ್​ನಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ಶೆಫಾಲಿ ಷಾಗೆ ಬೀಗ್​ ಬ್ರೇಕ್ ಸಿಕ್ಕಿದೆ.

ಶೆಫಾಲಿ ಷಾ ಶಾರುಖ್ ಖಾನ್ ಅಭಿನಯದ 'ಡಾರ್ಲಿಂಗ್ಸ್' ಚಿತ್ರದಲ್ಲಿ ನಟಿಸುವ ಅವಕಾಶ ಪಡೆದಿದ್ದಾರೆ. ಹಾಗೇಯೆ 'ದೆಹಲಿ ಕ್ರೈಮ್ 2' ಮತ್ತು ವಿಪುಲ್ ಷಾ ಅವರ 'ಹ್ಯೂಮನ್' ಚಿತ್ರಗಳಲ್ಲಿ ಮುಖ್ಯ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಈ ಬಗ್ಗೆ ಸಂಭ್ರಮ ವ್ಯಕ್ತಪಡಿಸಿದ ಅವರು, "ಸೂಪರ್ ಈ ವರ್ಷ ನಾನು ಮಾಡುತ್ತಿರುವ ಎಲ್ಲ ಕೆಲಸಗಳಿಗೆ ಉತ್ಸುಕಳಾಗಿದ್ದೇನೆ ಮತ್ತು ರೋಮಾಂಚನಗೊಂಡಿದ್ದೇನೆ. ಇದು ನಾನು ಇಷ್ಟು ದಿನ ಕಾಯುತ್ತಿದ್ದ ಕೆಲಸ. 'ಹ್ಯೂಮನ್','ಡಾರ್ಲಿಂಗ್ಸ್', 'ದೆಹಲಿ ಕ್ರೈಮ್ 2' ....ಸೇರಿ ಇನ್ನೂ ಅನೇಕ ಪಾತ್ರಗಳು ನನ್ನನ್ನು ಹುಡುಕಿಕೊಂಡು ಬರುತ್ತಿವೆ. ಇದನ್ನು ನನಗೆ ನಂಬಲಾಗುತ್ತಿಲ್ಲ. ನಾನು ಈ ಚಿತ್ರಗಳಿಗೆ ಕೆಲಸ ಮಾಡಲು ಉತ್ಸುಕಳಾಗಿದ್ದೇನೆ. ಇದು ನನ್ನ ಪಾಲಿನ ಹಬ್ಬವಾಗಿದೆ !!! " ಎಂದಿದ್ದಾರೆ.

"ನಾನು ಕೆಲವು ರೀತಿಯ ಪಾತ್ರಗಳನ್ನು ಕೇಳುವ ಮೂಲಕ ಅಥವಾ ಅಪೇಕ್ಷಿಸುವ ಮೂಲಕ ನನ್ನನ್ನು ಮಿತಿಗೊಳಿಸಲು ಬಯಸುವುದಿಲ್ಲ. ನಾನು ನಟಿಯಾಗಿ ದುರಾಸೆಯಿದೆ. ನನ್ನನ್ನು ರೋಮಾಂಚನಗೊಳಿಸುವ ಯಾವುದೇ ಪಾತ್ರ ಬಂದರೂ ಸವಾಲಿನಿಂದ ಮಾಡುತ್ತೇನೆ " ಎಂದಿದ್ದಾರೆ.

ರಿಚೀ ಮೆಹ್ತಾ ನಿರ್ದೇಶನದ ಬ್ಲಾಕ್‌ಬಸ್ಟರ್ 'ದೆಹಲಿ ಕ್ರೈಮ್' ವೆಬ್​ ಸಿರಿಸ್ 48 ನೇ ಅಂತಾರಾಷ್ಟ್ರೀಯ ಎಮ್ಮಿ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ 'ಅತ್ಯುತ್ತಮ ನಾಟಕ ಸರಣಿಗಾಗಿ ಅಂತಾರಾಷ್ಟ್ರೀಯ ಎಮ್ಮಿ ಪ್ರಶಸ್ತಿಯನ್ನು' ಗಳಿಸಿದೆ.