ಗಾಂಧಿನಗರದಲ್ಲಿ ಹೆಚ್ಚಾಗುತ್ತಿದೆ ಹಾರರ್ ಸಿನಿಮಾಗಳ ಜಮಾನ!!

ಸ್ಯಾಂಡಲ್​​ವುಡ್​​ನಲ್ಲಿ ಡಿಫರೆಂಟ್​​ ಆಗಿ ಮೂಡಿ ಬರುವ ಸಿನಿಮಾಗಳೇ ಹೆಚ್ಚು, ಅದೇ ರೀತಿ ಸಿನಿ ಪ್ರಿಯರಿಗೆ ಇಷ್ಟವಾಗೋ ರೀತಿಯಲ್ಲಿ ಈ ಹೊಸ ತಂಡವೊಂದು ನೂತನ ರೀತಿಯ ಸಿನಿಮಾದೊಂದಿಗೆ ಗಾಂಧಿನಗರಕ್ಕೆ ಎಂಟ್ರಿ ಕೊಡ್ತಿದೆ.

ಸ್ಯಾಂಡಲ್​​ವುಡ್ ನಲ್ಲಿ ಕಮರ್ಷಿಯಲ್ ಹಾಗು ಎಕ್ಸ್​​ಪಿರಿಮೆಂಟಲ್ ಸಿನಿಮಾಗಳ ನಡುವೆ, ಸಸ್ಪೆನ್ಸ್​​ ಹಾರರ್ ಸಿನಿಮಾಗಳು ಗೆಲ್ಲುತ್ತಿವೆ. ಅದೇ ರೀತಿ ಈಗ ಇಲ್ಲೊಂದು ಚಿತ್ರತಂಡ ಕೃಥ ಅಂತ ಸಂಸ್ಕೃತ ಹೆಸರು ಹೊಂದಿರುವ ಟೈಟಲ್ ಇಟ್ಟುಕೊಂಡು ಗಾಂಧಿನಗರದಲ್ಲಿ ಹೆದರಿಸೋಕೆ ಬರ್ತಾ ಇದೆ.

ಭಾಗಶಃ ಚಿತ್ರೀಕರಣ ಮುಗಿಸಿರೋ ಕೃಥ ಚಿತ್ರತಂಡ, ಟ್ರೈಲರ್ ರಿಲೀಸ್ ಮಾಡಿದೆ. ಇದೊಂದು ಸಸ್ಪೆನ್ಸ್ ಕಮ್‌ ಹಾರರ್ ಸಿನಿಮಾವಾಗಿದ್ದು, ನಾಯಕ, ನಾಯಕಿಯಿಂದ ಹಿಡಿದು ನಿರ್ದೇಶಕರವರೆಗೂ ಎಲ್ಲಾ ಹೊಸಬರಾಗಿದ್ದಾರೆ. ಯುವ ನಟ‌ ವಿಜಯೇಂದ್ರ, ಕೃಥ ಸಿನಿಮಾ ಮೂಲಕ ಗಾಂಧಿನಗರಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ಇನ್ನು ಮೇಘನಾ ಗೌಡ ಗೃಹಣಿ ಪಾತ್ರ ಮಾಡಿದ್ದಾರೆ.

ಮಹಾದೇವ ಈ ಚಿತ್ರಕ್ಕೆ ಕ್ಯಾಮರಾ ವರ್ಕ್‌ ಮಾಡಿದ್ದು, ಮಂಜು ಚರಣ್ ಸಂಗೀತ ನೀಡಿದ್ದಾರೆ. ವಿನಯ್ ರಾಜ್ ಈ ಚಿತ್ರಕ್ಕೆ ಸಂಭಾಷಣೆ ಬರೆದಿದ್ದಾರೆ. ಕೆಲ‌ ನಿರ್ದೇಶಕರ ಜೊತೆ ಸಹ ನಿರ್ದೇಶಕನಾಗಿ ಕೆಲಸ‌ ಮಾಡಿರೋ‌‌ ಉಪ್ಪರಿ ರಮೇಶ್, ಕೃಥ ಚಿತ್ರವನ್ನ ನಿರ್ದೇಶನ ಮಾಡುವ ಮೂಲಕ ಪೂರ್ಣ ಪ್ರಮಾಣದ ನಿರ್ದೇಶಕರಾಗುತ್ತಿರುವ ಸಂಭ್ರಮದಲ್ಲಿದ್ದಾರೆ.

ಸದ್ಯ ಟ್ರೈಲರ್ ನಿಂದ ಹೆದರಿಸುತ್ತಿರುವ ಕೃಥ ಸಿನಿಮಾ, ಈ ವರ್ಷದ ಕೊನೆಯಲ್ಲಿ ತೆರೆಗೆ ಬರಲು ಸಜ್ಜಾಗಿದೆ.