ಧಾರಾವಾಹಿ ಆರಂಭಕ್ಕೆ ವಿಘ್ನ : ಮತ್ತೆ ಮುಂದಕ್ಕೆ ಹೋದ 'ಹಿಟ್ಲರ್ ಕಲ್ಯಾಣ'

ಜುಲೈ 19ರಂದು ಆರಂಭವಾಗಲಿರುವ ಪ್ರೋಮೋ‌ ಕೂಡ ಬಿಡುಗಡೆಯಾಗಿತ್ತು. ಈ ಧಾರಾವಾಹಿಯಲ್ಲಿ ನಟ ದಿಲೀಪ್ ರಾಜ್ ನಾಯಕನಾಗಿದ್ದು, ಈ ಧಾರಾವಾಹಿಯ ನಿರ್ಮಾಣದ ಜವಾಬ್ದಾರಿ ಸಹ ಹೊತ್ತಿದ್ದಾರೆ. ಆದರೆ, ಧಾರಾವಾಹಿ ಆರಂಭಕ್ಕೂ ಮುನ್ನವೇ ಚಿತ್ರೀಕರಣ ವೇಳೆ ಅಪಘಾತ ನಡೆದಿರುವುದು ತಂಡಕ್ಕೆ ಆಘಾತ ತಂದಿದೆ..

ಹೊಸ ಧಾರಾವಾಹಿಯೊಂದರ ಆರಂಭಕ್ಕೆ ಹಿನ್ನಡೆಯಾಗಿದೆ. ಕಳೆದ ನಾಲ್ಕು ತಿಂಗಳಿಂದ ಆರಂಭಕ್ಕೆ ತುದಿಗಾಲಲ್ಲಿ‌ ನಿಂತಿದ್ದ ಧಾರಾವಾಹಿ, ಇದೇ 19ರಂದು ಶುರುವಾಗಬೇಕಿತ್ತು. ಆದರೆ, ಸದ್ದಿಲ್ಲದೇ ಸದ್ಯಕ್ಕೆ ಸ್ಥಗಿತವಾಗಿದೆ.

ನಟ ದಿಲೀಪ್​ ರಾಜ್​

ಜೀ ಕನ್ನಡದಲ್ಲಿ ದಿಲೀಪ್ ರಾಜ್ ನಟನೆಯ ಹೊಸ ಧಾರಾವಾಹಿ'ಹಿಟ್ಲರ್ ಕಲ್ಯಾಣ' ಆರಂಭವಾಗಬೇಕಿತ್ತು. ಆದರೆ, ಕಾರಣಾಂತರಗಳಿಂದ ಶುರುವಾಗುತ್ತಿಲ್ಲ. ಮೂಲಗಳ ಪ್ರಕಾರ, ಧಾರಾವಾಹಿಯ ನಾಯಕಿಗೆ ಅಪಘಾತವಾಗಿದ್ದು, ದೃಶ್ಯವೊಂದರ ಚಿತ್ರೀಕರಣ ವೇಳೆ ಸ್ಕೂಟಿಯಿಂದ ಬಿದ್ದು ತಲೆಗೆ ಏಟು ಮಾಡಿಕೊಂಡಿದ್ದಾರೆ. ಹೀಗಾಗಿ, ಅವರು ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಆದರೆ, ಈ ಬಗ್ಗೆ ಧಾರಾವಾಹಿ ತಂಡ ಯಾವುದೇ ಅಧಿಕೃತ ಮಾಹಿತಿ ನೀಡಿಲ್ಲ.

ಜುಲೈ 19ರಂದು ಆರಂಭವಾಗಲಿರುವ ಪ್ರೋಮೋ‌ ಕೂಡ ಬಿಡುಗಡೆಯಾಗಿತ್ತು. ಈ ಧಾರಾವಾಹಿಯಲ್ಲಿ ನಟ ದಿಲೀಪ್ ರಾಜ್ ನಾಯಕನಾಗಿದ್ದು, ಈ ಧಾರಾವಾಹಿಯ ನಿರ್ಮಾಣದ ಜವಾಬ್ದಾರಿ ಸಹ ಹೊತ್ತಿದ್ದಾರೆ. ಆದರೆ, ಧಾರಾವಾಹಿ ಆರಂಭಕ್ಕೂ ಮುನ್ನವೇ ಚಿತ್ರೀಕರಣ ವೇಳೆ ಅಪಘಾತ ನಡೆದಿರುವುದು ತಂಡಕ್ಕೆ ಆಘಾತ ತಂದಿದೆ.