'ಪಾಪ್ಕಾರ್ನ್ ಮಂಕಿ ಟೈಗರ್' ಸ್ಯಾಂಡಲ್ವುಡ್ನಲ್ಲಿ ಟೈಟಲ್ನಿಂದಲೇ ಕುತೂಹಲ ಹುಟ್ಟಿಸಿರುವ ಸಿನಿಮಾ. ಸುಕ್ಕಾ ಸೂರಿ - ಡಾಲಿ ಧನಂಜಯ್ ಕಾಂಬಿನೇಷನ್ ಮತ್ತೆ ದೊಡ್ಡ ನಿರೀಕ್ಷೆ ಹುಟ್ಟು ಹಾಕಿದೆ. ಇತ್ತೀಚೆಗಷ್ಟೇ ಚಿತ್ರದ ಡಬ್ಬಿಂಗ್ ಕೆಲಸಗಳು ಆರಂಭವಾಗಿದೆ.
'ಪಾಪ್ಕಾರ್ನ್ ಮಂಕಿ ಟೈಗರ್'ನಲ್ಲಿ ಡಾಲಿ ಜೊತೆ ನಟಿಸಿರುವ ಈ ನಟ ಖ್ಯಾತ ನಾಯಕಿಯೊಬ್ಬರ ಪತಿ
'ಪಾಪ್ಕಾರ್ನ್ ಮಂಕಿ ಟೈಗರ್' ಚಿತ್ರದ ಹೊಸ ಪೋಸ್ಚರ್ನಲ್ಲಿ ಕಾಕ್ರೋಚ್ ಸುಧೀಂದ್ರ ಜೊತೆಗೆ ಕೂತಿರುವುದು ನಟಿ ಜಾಕಿ ಭಾವನಾ ಅವರ ಪತಿ ನವೀನ್. ನವೀನ್ ಮೇಕ್ ಓವರ್ ನೋಡಿದ್ರೆ, ಈ ಸಲ ಉದ್ಯಮದಲ್ಲಿ ನಟನಾಗಿ ಪಕ್ಕಾ ನೆಲೆ ನಿಲ್ಲುವ ಸೂಚನೆ ಕಾಣುತ್ತಿದೆ.
'ಪಾಪ್ಕಾರ್ನ್ ಮಂಕಿ ಟೈಗರ್'
ಚಿತ್ರತಂಡ ಬಿಡುಗಡೆ ಮಾಡಿರುವ ಮತ್ತೊಂದು ಪೋಸ್ಟರ್ ಚಿತ್ರದ ಮೇಲೆ ಕುತೂಹಲವನ್ನು ಹೆಚ್ಚಾಗಿಸಿದೆ. ಈ ಚಿತ್ರದ ಪಾತ್ರಗಳು ಸಖತ್ ಇಂಟ್ರಸ್ಟಿಂಗ್ ಎನ್ನಿಸುತ್ತಿದೆ. ಇದುವರೆಗೂ ಚಿತ್ರದ ಯಾವುದೇ ಮಾಹಿತಿ ಬಿಟ್ಟುಕೊಡದ ಸೂರಿ ಪೋಸ್ಟರ್ಗಳನ್ನು ಬಿಡುಗಡೆ ಮಾಡುತ್ತಲೇ ಸೆನ್ಸೇಷನ್ ಹುಟ್ಟುಹಾಕುತ್ತಿದ್ದಾರೆ. ಚಿತ್ರದ ಹೊಸ ಪೋಸ್ಚರ್ನಲ್ಲಿ ಕಾಕ್ರೋಚ್ ಸುಧೀಂದ್ರ ಜೊತೆಗೆ ಕೂತಿರುವುದು ನಟಿ ಜಾಕಿ ಭಾವನಾ ಅವರ ಪತಿ ನವೀನ್. ಈ ಚಿತ್ರದಲ್ಲಿ ನವೀನ್ ಒಂದು ಮುಖ್ಯ ಪಾತ್ರವನ್ನು ನಿರ್ವಹಿಸಿದ್ದಾರೆ. ಆದರೆ ಅದು ಯಾವ ರೀತಿಯ ರೋಲ್ ಎನ್ನುವುದು ಮಾತ್ರ ಗೊತ್ತಿಲ್ಲ. ಆದರೆ ಕೂದಲು ಬಿಟ್ಟು, ಬನಿಯನ್ ಏರಿಸಿಕೊಂಡು ಮಾತನಾಡುತ್ತಾ ಕುಳಿತಿರುವುದು ಮಾತ್ರ ನವೀನ್ ಎಂಬುದು ಪಕ್ಕಾ ಆಗಿದೆ.
ನವೀನ್ ಮೇಕ್ ಓವರ್ ನೋಡಿದ್ರೆ, ಈ ಸಲ ಉದ್ಯಮದಲ್ಲಿ ನಟನಾಗಿ ಪಕ್ಕಾ ನೆಲೆ ನಿಲ್ಲುವ ಸೂಚನೆ ಕಾಣುತ್ತಿದೆ. ಅದೇ ರೀತಿ ಸಿನಿಮಾ ದಿನೇ ದಿನೆ ಮಾಸ್ ಪ್ರಿಯರಲ್ಲಿ ಕುತೂಹಲ ಹೆಚ್ಚಿಸುತ್ತಿದೆ. ದುನಿಯಾ ಸೂರಿ ಕಥೆ, ಚಿತ್ರಕಥೆ, ಸಂಭಾಷಣೆ, ನಿರ್ದೇಶನ ಇರುವ ಈ ಚಿತ್ರವನ್ನು ಸುಧೀರ್ ಕೆ.ಎಂ. ನಿರ್ಮಿಸುತ್ತಿದ್ದಾರೆ. ಡಾಲಿ ಧನಂಜಯ, ನಿವೇದಿತಾ, ಕಾಕ್ರೋಚ್ ಸುಧೀಂದ್ರ, ನವೀನ್, ಅಮೃತ ಅಯ್ಯಂಗಾರ್, ಸಪ್ತಮಿ, ಮೋನಿಶಾ ನಾಡಿಗೇರ್ ಹಾಗೂ ಗೌತಮ್ ಚಿತ್ರದಲ್ಲಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.