ಹಾಸನದ ಅಭಿಮಾನಿ ಕುಟುಂಬದಿಂದ ಪವರ್ ಸ್ಟಾರ್ ಗುಣಗಾನ

ಪವರ್ ಸ್ಟಾರ್ ಪುನೀತ್ ರಾಜ್​ಕುಮಾರ್​​ಗೆ ಎಲ್ಲೆಡೆ ಅಭಿಮಾನಿಗಳಿದ್ದಾರೆ. ಹಾಸನದ ಸರ್ವೇಶ್ ಹಾಗೂ ಕುಟುಂಬಕ್ಕೆ ಪುನೀತ್​​​ ಎಂದರೆ ಬಹಳ ಇಷ್ಟ. ತಮ್ಮ ಮೆಚ್ಚಿನ ನಟನನ್ನು ಈ ಕುಟುಂಬ ಹಾಡಿನ ಮೂಲಕ ಹೊಗಳಿದ್ದಾರೆ.

ಬಾಲನಟನಾಗಿ ಕರಿಯರ್ ಆರಂಭಿಸಿ, ಈಗ ನಾಯಕನಾಗಿಯೂ ಮಿಂಚುತ್ತಿರುವ ನಟ ಎಂದರೆ ಪುನೀತ್ ರಾಜ್​ಕುಮಾರ್. ಪವರ್ ಸ್ಟಾರ್ ಎಂದೇ ಅಭಿಮಾನಿಗಳಿಂದ ಪ್ರೀತಿಯಿಂದ ಕರೆಸಿಕೊಳ್ಳುವ ಪುನೀತ್ ರಾಜ್​​​​ಕುಮಾರ್ ಎಂದರೆ ಪುಟ್ಟ ಮಕ್ಕಳಿಂದ ಹಿಡಿದು ದೊಡ್ಡವರಿಗೂ ಬಹಳ ಇಷ್ಟ.

ರಾಜ್ಯಾದ್ಯಂತ ಮಾತ್ರವಲ್ಲದೆ ಹೊರರಾಜ್ಯಗಳಲ್ಲೂ ಪುನೀತ್​​​ಗೆ ಅಭಿಮಾನಿಗಳಿದ್ದಾರೆ. ಹಾಸನ ಜಿಲ್ಲೆ ಶ್ರವಣಬೆಳಗೊಳದ ಸರ್ವೇಶ್ ಜೈನ್ ಹಾಗೂ ಅವರ ಕುಟುಂಬದ ಎಲ್ಲಾ ಸದಸ್ಯರು ಪುನೀತ್ ಅಭಿಮಾನಿಗಳೇ. ಸವೇಶ್ ಪತ್ನಿ, ಮಗಳು, ಮಗ ನಾಲ್ವರಿಗೂ ಅಪ್ಪು ಎಂದರೆ ಅಚ್ಚುಮೆಚ್ಚು. ಪುನೀತ್ ನಮ್ಮ ಹೀರೋ, ಅವರು ಎಂದರೆ ನಮಗೆ ಪ್ರಾಣ ಎನ್ನುತ್ತದೆ ಈ ಕುಟುಂಬ.

ಸರ್ವೇಶ್ ಮೂಲತ: ಸಂಗೀತ ನಿರ್ದೇಶಕರು. ಭಕ್ತಿಗೀತೆ ಹಾಗೂ ಕೆಲವೊಂದು ಸಿನಿಮಾಗಳಿಗೆ ಸರ್ವೇಶ್ ಸಂಗೀತ ನಿರ್ದೇಶನ ಮಾಡಿದ್ದಾರೆ. ಇದೀಗ ತಮ್ಮ ಮೆಚ್ಚಿನ ಪುನೀತ್​​​​ಗಾಗಿ ಅವರು ಹಾಡೊಂದನ್ನು ರೆಡಿ ಮಾಡಿದ್ದಾರೆ. ಅಪ್ಪುಗಾಗಿ ಅಭಿಮಾನಿ ಸಿದ್ಧಪಡಿಸಿರುವ ಈ ಹಾಡು ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ.