ಕಳೆದ ವರ್ಷ ಮಾರ್ಚ್ ಅಲ್ಲಿ ಬಿಡುಗಡೆ ಆದ ‘ಗುಲ್ಟೂ’ ಕನ್ನಡ ಸಿನಿಮಾ ಯಶಸ್ಸಿನ ಪಟ್ಟಿಯಲ್ಲಿ ಸೇರಿಕೊಂಡ ಸಿನಿಮಾ. 100 ದಿವಸ ಪ್ರದರ್ಶನ ಸಹ ಕಂಡಿದ್ದ ಸಿನಿಮಾ. ಆದರೆ, ಆ ಚಿತ್ರದ ನಾಯಕ ನವೀನ್ ಶಂಕರ್ ಏನಾದರೂ ಎಂಬುದರ ಬಗ್ಗೆ ಮಾಹಿತಿ ಇರಲಿಲ್ಲ.
ಆದ್ರೆ ಇದೀಗ ಪ್ರತ್ಯಕ್ಷರಾಗಿರುವ ನವೀನ್ ಎರಡು ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಮೂಲತಃ ಮಾಧ್ಯಮದ ಕ್ಷೇತ್ರದಿಂದ ಬಂದಿರುವ ನವೀನ್ ಶಂಕರ್ ವಾರ್ತಾ ವಾಚಕ, ನಿರೂಪಕ ಆಗಿ ಕೆಲಸ ಮಾಡಿ ರಂಗಭೂಮಿಯಲ್ಲಿಯೂ ಕೆಲಸ ಮಾಡಿದ್ದಾರೆ.
ಗುಲ್ಟೂ ಕನ್ನಡ ಸಿನಿಮಾ ಯಶಸ್ಸು ಪಡೆದ ನಂತರ ಇವರಿಗೆ ಅನೇಕ ಅವಕಾಶಗಳು ಬಂದವು. ಆದ್ರೆ, ನವೀನ್ ಆಯ್ಕೆ ಮಾಡಿಕೊಂಡಿದ್ದು ಮಾತ್ರ ಎರಡು ಸಿನಿಮಾಗಳನ್ನ.
ಸೆಪ್ಟೆಂಬರ್ 18 ರಂದು ನವೀನ್ ಶಂಕರ್ ಅವರ ಹೊಸ ಚಿತ್ರದ ಶೀರ್ಷಿಕೆ ವ್ಯಕ್ತ ಮಾಡಲಾಗುತ್ತಿದೆ. ಈ ಸಿನಿಮಾಕ್ಕೆ ಕನ್ನಡದ ಹಳೆಯ ಸಿನಿಮಾದ ಶೀರ್ಷಿಕೆ ಆಯ್ಕೆಯಾಗುವ ಸಾಧ್ಯತೆ ಇದೆ. ಈ ಚಿತ್ರದ ಸಂಪೂರ್ಣ ಕೆಲಸ ಮುಗಿದಿದ್ದು, ಸಿನಿಮಾದಲ್ಲಿ ಹೈಪರ್ ಲಿಂಕ್ ಸ್ಕ್ರೀನ್ ಪ್ಲೇ ಇದೆಯಂತೆ.
ನವೀನ್ ಜೊತೆಯಾಗಿ ಐಷಾನಿ ಶೆಟ್ಟಿ ನಾಯಕಿ. ಈ ಸಿನಿಮಾಕ್ಕೆ ಶ್ರೀಧರ್ ಷಣ್ಮುಖ ಆ್ಯಕ್ಷನ್ ಕಟ್ ಹೇಳಿದ್ದು, ಓಂಕಾರ್ ಮತ್ತು ಪ್ರಶಾಂತ್ ನಿರ್ಮಾಪಕರಾಗಿದ್ದಾರೆ.