ಇಂದು ಗೋಲ್ಡನ್ ಸ್ಟಾರ್ ಗಣೇಶ್ ಹುಟ್ಟಿದ ದಿನ. ಗಣೇಶ್ ಹುಟ್ಟುಹಬ್ಬಕ್ಕೆ ಬಹಳಷ್ಟು ಸೆಲಬ್ರಿಟಿಗಳು, ಸ್ನೇಹಿತರು ಶುಭ ಕೋರಿದ್ದಾರೆ. ಆದರೆ ಗಣೇಶ್ ಈ ಬಾರಿ ತಮ್ಮ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿಲ್ಲ.
ಬರ್ತ್‌ಡೇ ಆಚರಣೆ ಕ್ಯಾನ್ಸಲ್ ಮಾಡಿದ ಗೋಲ್ಡನ್ ಸ್ಟಾರ್.. ಕಾರಣ ಏನು..?
ಕಳೆದ ವರ್ಷ ಆಗಸ್ಟ್ನಲ್ಲಿ ಗಣೇಶ್ ತಂದೆ ರಾಮಕೃಷ್ಣಪ್ಪ ನಿಧನರಾಗಿದ್ದರು. ತಂದೆ ಅಗಲಿ ಇನ್ನೂ ವರ್ಷ ತುಂಬದ ಕಾರಣ ಈ ಬಾರಿ ಗಣೇಶ್ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿಲ್ಲ.
ಗಣೇಶ್
ಕಳೆದ ವರ್ಷ ಆಗಸ್ಟ್ 27 ರಂದು ಗಣೇಶ್ ತಂದೆ ರಾಮಕೃಷ್ಣಪ್ಪ ಅನಾರೋಗ್ಯದ ಕಾರಣ ನಿಧನರಾದರು. ತಂದೆ ನಿಧನದ ನೋವಿನಲ್ಲಿರುವ ಗಣೇಶ್ ಈ ಬಾರಿ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿಲ್ಲ. ಈ ಬಗ್ಗೆ ವಾರದ ಹಿಂದೆಯೇ ಗಣೇಶ್ ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಅಭಿಮಾನಿಗಳ ಬಳಿ ಹೇಳಿಕೊಂಡಿದ್ದರು. 'ಕೆಲವು ದಿನಗಳ ಹಿಂದಷ್ಟೇ ತಂದೆಯನ್ನು ಕಳೆದುಕೊಂಡಿದ್ದೇನೆ. ಆದ ಕಾರಣ ಈ ಬಾರಿ ನಾನು ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿಲ್ಲ. ನಾವು ಮನೆಯಲ್ಲಿ ಇರದ ಕಾರಣ ಅಭಿಮಾನಿಗಳು ದೂರದ ಊರಿನಿಂದ ಬಂದು ನನಗಾಗಿ ಕಾದು ನಿರಾಶರಾಗಬೇಡಿ' ಎಂದು ಮನವಿ ಮಾಡಿದ್ದರು.
ಇನ್ನು ಗಣೇಶ್ ಹುಟ್ಟುಹಬ್ಬದ ಅಂಗವಾಗಿ 'ಗೀತಾ' ಚಿತ್ರತಂಡ ಟೀಸರ್ ಬಿಡುಗಡೆ ಮಾಡಿದೆ. ಶಿಲ್ಪಾ ಗಣೇಶ್ ಹಾಗೂ ಸೈಯ್ಯದ್ ಸಲಾಂ ಈ ಚಿತ್ರವನ್ನು ನಿರ್ಮಿಸಿದ್ದು ವಿಜಯ ನಾಗೇಂದ್ರ ಸಿನಿಮಾವನ್ನು ನಿರ್ದೇಶಿಸಿದ್ದಾರೆ.
Last Updated : Jul 2, 2019, 11:36 AM IST