ಸೋಷಿಯಲ್ ಮೀಡಿಯಾದಲ್ಲಿ ಆಗಾಗ ಹೊಸ ಚಾಲೆಂಜ್ಗಳು ಶುರುವಾಗುತ್ತಲೇ ಇರುತ್ತವೆ. ಕೆಲವೊಂದಿಷ್ಟು ಆರೋಗ್ಯಕರ ಚಾಲೆಂಜ್ಗಳಾಗಿದ್ದರೆ ಮತ್ತೊಂದಿಷ್ಟು ಅಪಾಯಕಾರಿಯೂ ಆಗಿರುತ್ತವೆ.
ಸದ್ಯ ಅಂತಾರಾಷ್ಟ್ರೀಯ ಮಟ್ಟದಲ್ಲಿ 'ಬಾಟಲ್ ಕ್ಯಾಪ್ ಚಾಲೆಂಜ್' ಶುರುವಾಗಿದೆ. ಕೈಗಳ ಸಹಾಯವಿಲ್ಲದೇ ಹಿಮ್ಮುಖವಾಗಿ ಕಿಕ್ ಮಾಡಿ ಬಾಟಲಿಯೊಂದರ ಕ್ಯಾಪ್ ತೆರೆಯುವುದೇ ಈ ಸವಾಲು. ಕಝಾಕಿಸ್ತಾನ್ನ ಫೈಟರ್ ಕರೋ ಪಶಿಕ್ಯಾನ್ ಈ ಸಾಹಸದ ವಿಡಿಯೋ ತಮ್ಮ ಫೇಸ್ಬುಕ್ಲ್ಲಿ ಶೇರ್ ಮಾಡಿಕೊಂಡು, ತನ್ನ ಸ್ನೇಹಿತರಿಗೆ ಹೀಗೆ ಮಾಡುವಂತೆ ಸವಾಲು ಎಸೆದಿದ್ದಾರೆ. ಕ್ಷಣಾರ್ಧದಲ್ಲೇ ಈ ವಿಡಿಯೋ ಭಾರೀ ವೈರಲ್ ಆಗಿದೆ. ಹಾಲಿವುಡ್,ಬಾಲಿವುಡ್ ಹಾಗೂ ಸ್ಯಾಂಡಲ್ವುಡ್ ಸೇರಿದಂತೆ ಎಲ್ಲ ತಾರೆಯರು ಈ ಸವಾಲು ಸ್ವೀಕರಿಸಿ, ತಮ್ಮ ಸಾಹಸದ ವಿಡಿಯೋಗಳನ್ನು ಸೋಷಿಯಲ್ ಮೀಡಿಯಾಗಳಲ್ಲಿ ಹಂಚಿಕೊಳ್ಳುತ್ತಿದ್ದಾರೆ.